San Juan 9:28 - Triqui de San Juan Copala

²⁸ Ga̱a ne̱ nij caꞌmii nij soꞌ ga̱ síí naxraꞌ rihaan yoꞌ, ne̱ cataj nij soꞌ a: ―Ma̱ꞌán so̱ꞌ me síí tucuꞌyón snana̱ soꞌ, ne̱ xa̱ꞌ núj, tza̱j ne̱ si̱j tucuꞌyón snana̱ Moisés me núj na̱nj á.

San Juan 9:28 Iomraidhean Croise

San Mateo 27:39

Ga̱a ne̱ cachén yuvii̱ rej nicu̱nꞌ Jesús, ne̱ caꞌmii chiꞌi̱i̱ ndoꞌo nij soꞌ niꞌya̱j nij soꞌ man Jesús a. Dan me se tucunó nij yuvii̱ raa̱ nij yuvii̱,

San Mateo 5:11

’Ne̱ cavi̱i̱ sa̱ꞌ ndoꞌo soj sese caꞌmi̱i̱ yuvii̱ nana̱ nij rihaan soj do̱ꞌ, sese quiꞌya̱j yuvii̱ sayuun man soj do̱ꞌ, sese caꞌmi̱i̱ ne̱ yuvii̱ cata̱j yuvii̱ se vaa tumé ndoꞌo soj cacunꞌ do̱ꞌ, cheꞌé se me soj síí noco̱ꞌ mán ꞌu̱nj ado̱nj.

San Juan 7:19

Nocoꞌ soj stucua̱nj Yaꞌanj rqué síí cuꞌna̱j Moisés rihaan soj, tza̱j ne̱ a̱ ꞌó soj ne uun nucua̱j canoco̱ꞌ nu̱ꞌ tucuáán yoꞌ a̱ maꞌ. Cheꞌé dan me cheꞌé nanoꞌ soj da̱j quiꞌya̱j soj, ne̱ cavi̱ꞌ ꞌu̱nj ga̱ ―taj Jesús rihaan nij síí uun chij rihaan nij yuvii̱ israelitá a.

San Juan 9:34

Ga̱a ne̱ cataj nij soꞌ rihaan soꞌ a: ―Na̱nj síí tumé cacunꞌ mé so̱ꞌ asi̱j caꞌngaa so̱ꞌ chugua̱nj. Ne nó xcúún so̱ꞌ tu̱cuꞌyón so̱ꞌ a̱ ꞌó nana̱ rihaan núj a̱ maꞌ ―taj nij soꞌ rihaan soꞌ a. Ga̱a ne̱ quirii nij soꞌ man soꞌ xeꞌ a.

Romanos 2:17

Tza̱j ne̱ so̱ꞌ roꞌ, ya̱ yuvii̱ israelitá mé so̱ꞌ, rá so̱ꞌ á. Nucua̱j rá so̱ꞌ se vaa cavi̱i̱ sa̱ꞌ so̱ꞌ, quiꞌya̱j stucua̱nj Moisés, ne̱ neꞌén so̱ꞌ Yaꞌanj, rá so̱ꞌ á.

1 Corintios 4:12

Dan me se ꞌyaj suun ndoꞌo núj, ga̱a ne̱ aꞌvee riꞌ núj se achiin man núj a. Aꞌmii chre̱e nii niꞌya̱j nii man núj, tza̱j ne̱ aꞌmii núj nana̱ lu̱j rihaan nij síí aꞌmii chre̱e niꞌya̱j man núj a. Ne̱ ꞌyaj nii sayuun man núj, tza̱j ne̱ ne aꞌneꞌ rá núj ga̱ suun vaa rihaan núj a̱ maan ado̱nj.

1 Corintios 6:10

síí itu̱u̱ do̱ꞌ, síí uun xco̱j ruva̱a̱ rá do̱ꞌ, síí xno̱ do̱ꞌ, síí aꞌmii nachriꞌ niꞌya̱j tuviꞌ do̱ꞌ, síí tihaꞌ yuꞌunj man tuviꞌ do̱ꞌ, se̱ cayáán nij soꞌ rej gu̱un chij Yaꞌanj a̱ maꞌ.

1 Pedro 2:23

Caꞌmii chre̱e yuvii̱ cheꞌé soꞌ, tza̱j ne̱ ne caꞌmi̱i̱ chre̱e soꞌ cheꞌé nij yuvii̱ maꞌ. Quiranꞌ soꞌ sayuun, tza̱j ne̱ ne caꞌmi̱i̱ soꞌ nana̱ qui̱j maꞌ. Tana̱nj guun rá soꞌ se vaa Yaꞌanj si̱j aꞌneꞌ nica̱ cacunꞌ cheꞌé níꞌ roꞌ, soꞌ me síí caꞌne̱ꞌ cacunꞌ cheꞌé soꞌ vaa güii a.