San Juan 8:59 - Triqui de San Juan Copala

⁵⁹ Cheꞌé dan taꞌaa nij soꞌ yahij, ne̱ go̱ꞌ nij soꞌ man Jesús, rá nij soꞌ a. Tza̱j ne̱ curiha̱nj yuve̱ soꞌ rej ya̱nj nuvií noco̱o, ne̱ caꞌanj soꞌ a. Dan me se ma̱an tanu̱u̱ scaꞌnúj nij soꞌ cachén Jesús, caꞌanj soꞌ a.

San Juan 8:59 Iomraidhean Croise

San Mateo 12:14

Dan me se curiha̱nj nij síí fariseo rá veꞌ yoꞌ, ne̱ caꞌanj nij soꞌ rej yaníj, ne̱ nuchruj ra̱a̱ ta̱ranꞌ nij soꞌ da̱j ga̱a̱ quiꞌya̱j nij soꞌ ne̱ cavi̱ꞌ Jesús a.

San Lucas 24:31

Dan me se cachríj rá ro̱j soꞌ, ne̱ cunuu ya̱a̱n ro̱j soꞌ man Jesús, ne̱ veé dan nu̱ꞌ caꞌanj niꞌya̱ Jesús rihaan ro̱j soꞌ a.

San Juan 11:54

Cheꞌé dan me ne caꞌve̱e cache̱e̱ ranga̱ꞌ soꞌ estadó Judea maꞌ. Tana̱nj cavii soꞌ caꞌanj soꞌ tuꞌva rej taj va̱j yuvii̱ mán, ga̱a ne̱ catúj soꞌ ꞌo̱ chumanꞌ cuꞌna̱j Efraín, ga̱a ne̱ caranꞌ soꞌ chumanꞌ yoꞌ ga̱ nij síí tucuꞌyón snana̱ soꞌ a.

San Juan 11:8

Ga̱a ne̱ cataj nij síí tucuꞌyón snana̱ soꞌ rihaan soꞌ a: ―Cuano̱ nihánj me se guun ndoꞌo rá nij síí uun chij rihaan nij yuvii̱ israelitá go̱ꞌ nij soꞌ yahij mán so̱ꞌ ne̱ cavi̱ꞌ so̱ꞌ á. Se̱ guun caꞌa̱nj so̱ꞌ rej yoꞌ maꞌ ―taj nij soꞌ rihaan Jesús a.

San Juan 12:36

Dan me se va̱j soj rej chuguu̱n yaꞌan, ne̱ cheꞌé dan cuchuma̱n rá soj ni̱ꞌyaj soj yaꞌan sa̱ꞌ á. Quisi̱j quiꞌya̱j soj da̱nj, ga̱a ne̱ gu̱un soj taꞌníí yaꞌan chuguu̱n, ne̱ si̱j xcaj cuentá gu̱un soj ado̱nj ―taj Jesús rihaan nij yuvii̱ a. Quisíj caꞌmii Jesús nana̱ nihánj, ga̱a ne̱ caꞌanj Jesús, ne̱ caxríj yuve̱ soꞌ man soꞌ rihaan nij soꞌ a.

San Juan 18:31

Cheꞌé dan cataj Pilató rihaan nij soꞌ a: ―Ni̱caj soj man soꞌ, ne̱ caꞌne̱ꞌ soj cacunꞌ cheꞌé soꞌ, quiꞌya̱j soj nda̱a vaa tucuáán noco̱ꞌ maꞌa̱n soj á ―taj Pilató rihaan nij soꞌ a. Ga̱a ne̱ cataj nij soꞌ rihaan Pilató a: ―No̱ xcúún soꞌ cavi̱ꞌ soꞌ, rá núj, tza̱j ne̱ naꞌvej rá soj si̱j cavii chumanꞌ Romá ticavi̱ꞌ núj man a̱ ꞌó yuvii̱ a̱ maꞌ ―taj nij soꞌ rihaan Pilató a.

San Juan 5:13

Tza̱j ne̱ ne queneꞌe̱n síí nahuun sa̱ꞌ me síí quiꞌyaj da̱nj maꞌ. ꞌO̱ se ga̱a quisíj nahuun sa̱ꞌ soꞌ, ne̱ naxuun Jesús man soꞌ cachén Jesús scaꞌnúj nij yuvii̱ ma̱n anica̱j rej yoꞌ, caꞌanj soꞌ a.

San Juan 9:1

Dan me se cavii Jesús caꞌanj soꞌ, ga̱a ne̱ queneꞌen soꞌ ꞌo̱ síí tuchri̱i a. Dan me se síí tuchri̱i yoꞌ me se tuchri̱i soꞌ asi̱j caꞌngaa soꞌ a.

Hechos 7:57

Ga̱a ne̱ caráán raꞌa nij soꞌ xréé nij soꞌ, ne̱ nucua̱j ndoꞌo caguáj nij soꞌ cunánj cunuda̱nj nij soꞌ, ne̱ taꞌaa nij soꞌ man Esteban a.