San Juan 7:39 - Triqui de San Juan Copala

³⁹ Da̱nj taj Jesús, caꞌmii soꞌ cheꞌé Nimán Yaꞌanj cu̱nuû nimán nij síí cuchumán rá niꞌya̱j man soꞌ a. ꞌO̱ se ataa caꞌna̱ꞌ Nimán Yaꞌanj rihaan yuvii̱, ese ataa quisi̱j güii quina̱nꞌ Jesús rej xta̱ꞌ ne̱ niꞌndaj ya̱ sa̱ꞌ veꞌé gu̱un chij soꞌ a.

San Juan 7:39 Iomraidhean Croise

San Mateo 16:14

―Vaa síí taj se vaa síí cuꞌna̱j Juan Síí Cutaꞌ Ne man yuvii̱ do̱ꞌ, Elías síí nataꞌ snana̱ Yaꞌanj ga̱a naá do̱ꞌ, Jeremías do̱ꞌ, ꞌó síí nataꞌ snana̱ Yaꞌanj ga̱a naá do̱ꞌ, mé so̱ꞌ na̱nj ado̱nj ―taj nij soꞌ rihaan Jesús a.

San Mateo 21:11

―Síí nihánj me Jesús síí cavii chumanꞌ Nazaret chumanꞌ na̱j estadó Galilea, ne̱ síí nataꞌ snana̱ Yaꞌanj me soꞌ ado̱nj ―taj nij yuvii̱ catúj chumanꞌ Jerusalén, niꞌya̱j nij soꞌ man Jesús a.

San Lucas 24:49

ne̱ nihánj me se rque̱ ꞌu̱nj Nimán Yaꞌanj rihaan soj nda̱a vaa cataꞌ tuꞌva maꞌa̱n Yaꞌanj ga̱a naá a. Dan me se ꞌo̱ ca̱yáán soj chumanꞌ Jerusalén nihánj nda̱a se nari̱ꞌ nucuaj nimán soj quiꞌya̱j Yaꞌanj á ―taj Jesús rihaan nij soꞌ a.

San Lucas 3:16

Ne̱ cheꞌé dan cataj Juan rihaan nij soꞌ a: ―Síí utaꞌ ne na u̱u̱n man soj mej, tza̱j ne̱ vaa ꞌó síí caꞌna̱ꞌ, ne̱ si̱j nucua̱j doj me soꞌ rihanj a. Cheꞌé dan me a̱j ne nó xcúnj na̱chej nuj correá ꞌni̱j tacanj soꞌ maꞌ. Ne̱ caꞌna̱ꞌ soꞌ, ne̱ cuta̱ꞌ ne soꞌ nimán soj ga̱ maꞌa̱n Nimán Yaꞌanj, ne̱ caxri̱i̱ yaꞌan soꞌ man soj si̱j naꞌvej rá cuno̱ rihaan Yaꞌanj, ne̱ caca̱a̱ soj ado̱nj.

San Lucas 7:16

Ga̱a ne̱ caꞌanj rá ta̱ranꞌ nij yuvii̱ se vaa quiꞌyaj Jesús, ga̱a ne̱ veꞌé uxrá caꞌmii nij soꞌ cheꞌé Yaꞌanj cataj nij soꞌ se vaa caꞌnéé Yaꞌanj ꞌo̱ síí nataꞌ snana̱ soꞌ rihaan nij soꞌ a. Ne̱ cataj uún nij soꞌ se vaa caꞌnaꞌ Yaꞌanj ra̱cuíj Yaꞌanj man nij soꞌ si̱j noco̱ꞌ man Yaꞌanj a.

San Juan 1:21

Ga̱a ne̱ xnáꞌanj uún nij soꞌ man soꞌ, cataj nij soꞌ a: ―Se taj, ne̱ me síí mé so̱ꞌ ga̱. Síí cuꞌna̱j Elías síí nataꞌ snana̱ Yaꞌanj ga̱a naá mé so̱ꞌ naꞌ ―taj nij soꞌ, xnáꞌanj nij soꞌ man Juan a. ―Taj maꞌ. Né soꞌ mé ꞌu̱nj maꞌ ―taj Juan a. ―Neꞌen núj se vaa vaa güii caꞌna̱ꞌ ꞌo̱ síí nata̱ꞌ snana̱ Yaꞌanj, ne̱ soꞌ mé so̱ꞌ naꞌ ―taj nij soꞌ, xnáꞌanj nij soꞌ man Juan a. ―Taj maꞌ ―taj Juan a.

San Juan 1:25

ne̱ cataj nij soꞌ rihaan Juan a: ―Dan me se né Si̱j Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ maꞌ. Né si̱j cuꞌna̱j Elías mé so̱ꞌ maꞌ. Né si̱j nataꞌ snana̱ Yaꞌanj yoꞌ mé so̱ꞌ maꞌ. Cheꞌé dan ne nó xcúún so̱ꞌ cuta̱ꞌ ne so̱ꞌ man yuvii̱ maꞌ ―taj nij síí fariseo yoꞌ rihaan Juan a.

San Juan 1:33

Ga̱a ne̱ nu̱ꞌ xcaj ꞌu̱nj cuentá se vaa maꞌa̱n soꞌ me síí caꞌnéé Yaꞌanj á. ꞌO̱ se síí caꞌnéé mán ꞌu̱nj cuta̱ꞌ ne ꞌu̱nj man yuvii̱ me se maꞌa̱n soꞌ cataj rihaan ꞌu̱nj se vaa sese que̱neꞌén ꞌu̱nj nani̱j Nimán Yaꞌanj xráá ꞌo̱ soꞌ, ne̱ sese ca̱yáán Nimán Yaꞌanj yoꞌ ga̱ soꞌ, ne̱ soꞌ me síí caꞌnéé Yaꞌanj, ne̱ cuta̱ꞌ ne soꞌ nimán yuvii̱ ga̱ maꞌa̱n Nimán Yaꞌanj, taj síí caꞌnéé manj ado̱nj.

San Juan 12:16

Dan me se nij síí tucuꞌyón snana̱ Jesús me se ga̱a güii catúj Jesús chumanꞌ Jerusalén, ne̱ ne xca̱j nij soꞌ cuentá se vaa quiꞌyaj soꞌ nda̱a vaa cataj nana̱ no̱ rihaan yanj yoꞌ maꞌ. Tza̱j ne̱ nda̱a quisíj güii quinanꞌ Jesús rej xta̱ꞌ ne̱ niꞌndaj ya̱ sa̱ꞌ veꞌé guun chij soꞌ, ga̱a ne̱ ninuj rá nij soꞌ nana̱ no̱ rihaan Danj Yaꞌanj, ne̱ ninuj rá nij soꞌ se vaa guun cheꞌé Jesús a.

San Juan 12:23

Ga̱a ne̱ cataj Jesús rihaan nij soꞌ a: ―ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, cuano̱ nihánj me se quisíj güii quina̱nꞌ ꞌu̱nj rej xta̱ꞌ ne̱ niꞌndaj ya̱ sa̱ꞌ veꞌé gu̱un chij ꞌu̱nj, quiꞌya̱j Yaꞌanj ado̱nj.

San Juan 14:13

’Ne̱ me maꞌa̱n rasu̱u̱n cachi̱nj soj cheꞌé se‑chu̱vií ꞌu̱nj, ne̱ nu̱ꞌ yoꞌ qui̱ꞌyáj cheꞌé soj ado̱nj. Nda̱a síj, ga̱a ne̱ veꞌé uxrá caꞌmi̱i̱ nii cheꞌé Réj Yaꞌanj, qui̱ꞌyáj na̱nj ado̱nj.

San Juan 14:26

Tza̱j ne̱ vaa güii caꞌne̱j Réj Yaꞌanj man Nimán soꞌ cuchi̱ꞌ Nimán soꞌ rihaan soj cheꞌé se‑chu̱vií ꞌu̱nj a. Ne̱ ra̱cuíj ndoꞌo Nimán soꞌ man soj, ga̱a ne̱ tu̱cuꞌyón Nimán soꞌ nu̱ꞌ nana̱ man soj a. Ne̱ ninu̱j rá soj nu̱ꞌ nana̱ caꞌmij rihaan soj, quiꞌya̱j Nimán Yaꞌanj yoꞌ na̱nj ado̱nj.

San Juan 16:14

Caꞌmi̱i̱ sa̱ꞌ uxrá yuvii̱ cheꞌé ꞌu̱nj, quiꞌya̱j soꞌ, cheꞌé se ni̱caj soꞌ nana̱ ya̱ cheꞌé ꞌu̱nj, ne̱ cata̱j xnaꞌanj soꞌ rihaan soj chugua̱nj.

San Juan 16:7

Tza̱j ne̱ ya̱ vaa nana̱ nihánj nana̱ cata̱j xnaꞌanj ꞌu̱nj rihaan soj, se vaa cavi̱i̱ sa̱ꞌ soj doj cheꞌé se caꞌa̱nj ꞌu̱nj ado̱nj. ꞌO̱ se sese se̱ caꞌanj ꞌu̱nj, ne̱ se̱ caꞌnaꞌ Nimán Yaꞌanj síí ra̱cuíj ndoꞌo man soj maꞌ. Tza̱j ne̱ sese caꞌa̱nj ꞌu̱nj, ne̱ caꞌne̱j ꞌu̱nj man soꞌ rihaan soj ado̱nj.

San Juan 17:1

Quisíj caꞌmii Jesús nana̱ dan rihaan nij síí tucuꞌyón snana̱ soꞌ, ga̱a ne̱ naxca̱j rihaan soꞌ, niꞌya̱j soꞌ rej xta̱ꞌ, ne̱ cataj soꞌ a: ―A̱j quisíj orá yoꞌ, Ata̱j. Qui̱ꞌyáá so̱ꞌ se vaa veꞌé uxrá caꞌmi̱i̱ yuvii̱ cheꞌé ꞌu̱nj si̱j Taꞌníí so̱ꞌ, ne̱ veꞌé uxrá caꞌmi̱i̱ yuvii̱ cheꞌé so̱ꞌ, qui̱ꞌyáj,

San Juan 17:5

Ne̱ cuano̱ nihánj me se qui̱ꞌyáá so̱ꞌ se vaa niꞌndaj ya̱ sa̱ꞌ veꞌé nucui̱ꞌ ꞌu̱nj rihaan so̱ꞌ, Ata̱j Chij, nda̱a vaa niꞌndaj ya̱ sa̱ꞌ veꞌé nicúnꞌ ꞌu̱nj rihaan so̱ꞌ asi̱j ataa gu̱un chumii̱ nihánj a.

San Juan 20:22

Quisíj caꞌmii Jesús da̱nj, ga̱a ne̱ caꞌyánj Jesús rihaan nij soꞌ, ne̱ cataj soꞌ a: ―Ni̱caj soj Nimán Yaꞌanj nihánj á.

San Juan 6:14

Dan me se ga̱a queneꞌen nij snóꞌo suun sa̱ꞌ noco̱o quiꞌyaj Jesús, ne̱ cataj nij soꞌ a: ―Síí nihánj roꞌ, ya̱ uxrá síí nataꞌ snana̱ Yaꞌanj, síí naꞌvi̱j níꞌ caꞌna̱ꞌ ya̱ rihaan chumii̱ nihánj me soꞌ chugua̱nj ―taj nij snóꞌo yoꞌ a.

San Juan 7:12

Ne̱ ri̱i̱ ndoꞌo yuvii̱ man chaꞌanj ne̱ nanó yuve̱ ndoꞌo nij yuvii̱ cuentó cheꞌé Jesús a. Dan me se taꞌa̱j nij yuvii̱ cataj a: ―Síí sa̱ꞌ me soꞌ á ―taj taꞌa̱j nij yuvii̱ a. Tza̱j ne̱ ꞌó taꞌa̱j nij yuvii̱ cataj a: ―Taj maꞌ. Síí tihaꞌ yuꞌunj man nij yuvii̱ me soꞌ na̱nj ado̱nj ―taj ꞌó taꞌa̱j nij yuvii̱ yoꞌ a.

San Juan 8:54

Ga̱a ne̱ cataj Jesús rihaan nij soꞌ a: ―Sese cata̱j ꞌu̱nj se vaa si̱j sa̱ꞌ uxrá me ma̱ꞌanj, ne̱ taj yuꞌvee nó snana̱j a̱ maꞌ. Tza̱j ne̱ vaa Réj, ne̱ soꞌ me síí taj se vaa síí sa̱ꞌ uxrá mej ado̱nj. Dan me se Yaꞌanj me Réj, ne̱ nij soj me síí taj se vaa noco̱ꞌ soj man soꞌ,

Hechos 19:2

Ga̱a ne̱ xnáꞌanj Pabló man nij soꞌ a: ―Ne̱ catúj Nimán Yaꞌanj nimán nij soj ga̱a cuchumán rá soj niꞌya̱j soj man Jesucristó naꞌ ―taj Pabló, xnáꞌanj soꞌ man nij soꞌ a. Ga̱a ne̱ cataj nij soꞌ a: ―Taj maꞌ. ꞌO̱ se a̱ ne cuno̱ núj nana̱ se vaa vaa ꞌo̱ Nimán Yaꞌanj a̱ maꞌ ―taj nij soꞌ rihaan Pabló a.

Hechos 2:17

Ne̱ cataj maꞌa̱n Yaꞌanj a: “Asa̱ꞌ nichrunꞌ caꞌa̱nj niꞌya̱ chumii̱ nihánj, ne̱ rque̱ ndoꞌo ꞌu̱nj Nimán ꞌu̱nj man yuvii̱ ma̱n rihaan nu̱ꞌ chumii̱, ne̱ taꞌnij sno̱ꞌo soj do̱ꞌ, taꞌnij cha̱na̱ soj do̱ꞌ roꞌ, nata̱ꞌ nana̱ rque̱ ꞌu̱nj man maꞌa̱n nij soꞌ a. Ne̱ nij síí tachru̱u̱ roꞌ, naquiꞌya̱a ndoꞌo rasu̱u̱n rihaan nij soꞌ, qui̱ꞌyáj, ne̱ nij chii nga̱ roꞌ, caꞌmi̱i̱ ndoꞌo nej rihaan nij soꞌ, qui̱ꞌyáj ado̱nj.

Hechos 2:33

Cavii Jesús nda̱a xꞌnúú Yaꞌanj rej nuva̱ꞌ Yaꞌanj, ga̱a ne̱ nacaj soꞌ Nimán Yaꞌanj raꞌa Rej soꞌ nda̱a vaa cataꞌ tuꞌva Rej soꞌ a. Ne̱ rqué ndoꞌo Jesús Nimán Yaꞌanj man núj nda̱a se vaa neꞌen soj do̱ꞌ, nda̱a se vaa uno soj do̱ꞌ na̱nj ado̱nj.

Hechos 2:38

Ga̱a ne̱ cataj Pedró rihaan nij soꞌ a: ―Ca̱nica̱j nimán cunuda̱nj soj ta̱náj soj chrej chiꞌi̱i̱, ne̱ cata̱ꞌ ne soj cheꞌé se‑chuvi̱i Jesucristó Si̱j Caꞌnéé Yaꞌanj, ne̱ tinavi̱j Yaꞌanj cacunꞌ tumé soj a. Ne̱ rque̱ Yaꞌanj Nimán Yaꞌanj catu̱u̱ soꞌ nimán soj ado̱nj.

Hechos 2:4

Ne̱ caraa ndoꞌo Nimán Yaꞌanj nimán ta̱ranꞌ nij soꞌ, ga̱a ne̱ guun cheꞌe̱ nij soꞌ caꞌmii nij soꞌ xnaꞌánj ino̱ vaa, nda̱a vaa caꞌvee caꞌmi̱i̱ ꞌo̱ ꞌo̱ nij soꞌ quiꞌyaj Nimán Yaꞌanj a.

Hechos 3:13

Tana̱nj Yaꞌanj si̱j noco̱ꞌ xi̱i níꞌ síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, me síí quiꞌyaj se vaa niꞌndaj ya̱ sa̱ꞌ veꞌé uun chij Taꞌníí maꞌa̱n soꞌ Jesús na̱nj ado̱nj. Tza̱j ne̱ nij soj me nij síí tacuachén man Jesús rihaan nij síí ta̱j riꞌyunj man Jesús, ne̱ nda̱ꞌ se guun ya̱ rá síí cuꞌna̱j Pilató se vaa caꞌa̱nj u̱u̱n Jesús, tza̱j ne̱ cataj soj rihaan Pilató se vaa guun rá soj cavi̱ꞌ Jesús ado̱nj.

Hechos 4:31

Dan me se quisíj cachíín niꞌya̱j nij soꞌ rihaan Yaꞌanj, ga̱a ne̱ quinaa̱n nu̱ꞌ rej ma̱n nij soꞌ, ne̱ caraa ndoꞌo Nimán Yaꞌanj nimán cunuda̱nj nij soꞌ, ga̱a ne̱ ne cuchuꞌvi̱ꞌ nij soꞌ caꞌmi̱i̱ nij soꞌ snana̱ Yaꞌanj maꞌ.

Romanos 8:9

Tza̱j ne̱ ino̱ uxrá vaa nij soj sese ya̱ ya̱nj Nimán Yaꞌanj nimán soj á. Cheꞌé dan ne ꞌyaj soj nda̱a vaa me rá nee̱ man soj quiꞌya̱j soj maꞌ. Tana̱nj ina̱nj rihaan Nimán Yaꞌanj uno soj, ne̱ dan me se sese nuviꞌ Nimán Cristó yáán nimán ꞌo̱ soꞌ, ne̱ né si̱j ꞌni̱j raꞌa Cristó man me soꞌ maꞌ.

2 Corintios 3:8

Táá a̱ suun vaa rihaan núj suun nataꞌ stucua̱nj Nimán Yaꞌanj chugua̱nj.

Efesios 4:30

Ne̱ se̱ guun nano̱ rá Nimán Yaꞌanj, quiꞌya̱j soj maꞌ. Cheꞌé se ya̱nj Nimán Yaꞌanj ga̱ soj roꞌ, cheꞌé dan neꞌen ya̱ soj se vaa cavi̱i̱ sa̱ꞌ soj asa̱ꞌ quisíj güii ti̱nanii Yaꞌanj man níꞌ rihaan sayuun ado̱nj.