San Juan 7:28 - Triqui de San Juan Copala

²⁸ Cheꞌé dan sca̱ꞌ ndoꞌo caꞌmii Jesús ga̱a tucuꞌyón soꞌ man nij yuvii̱ rej ya̱nj nuvií noco̱o, ne̱ cataj soꞌ a: ―Neꞌen soj manj, ne̱ neꞌen soj me rej cavii ꞌu̱nj na̱nj ado̱nj. Tza̱j ne̱ ne caꞌna̱ꞌ ma̱ꞌanj maꞌ. ꞌO̱ se ya̱ aꞌmii síí caꞌnéé manj, tza̱j ne̱ ne neꞌen uxrá soj man soꞌ a̱ maꞌ.

San Juan 7:28 Iomraidhean Croise

San Mateo 11:27

Canica̱j Jesús caꞌmii soꞌ rihaan nij yuvii̱, cataj soꞌ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. Ne̱ a̱ ꞌó síí ne neꞌen da̱j vaa ꞌu̱nj; ma̱an o̱rúnꞌ Réj neꞌen a. ꞌO̱ se Taꞌníí soꞌ mej ado̱nj. Ne̱ a̱ ꞌó yuvii̱ ne neꞌen da̱j vaa Réj maꞌ. Ma̱an o̱rúnꞌ ꞌu̱nj neꞌen da̱j vaa soꞌ ado̱nj. Ne̱ sese me rá ꞌu̱nj cata̱j xnaꞌanj ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj.

San Mateo 2:23

ne̱ cuchiꞌ soꞌ chumanꞌ Nazaret, ne̱ cayáán soꞌ chumanꞌ yoꞌ a. Veé dan quisíj ya̱ nu̱ꞌ nana̱ cataj nij síí nataꞌ snana̱ Yaꞌanj ga̱a naá a: “Síí cavii Nazaret me Síí Caꞌne̱j Yaꞌanj ado̱nj”, taj nij soꞌ a.

San Mateo 26:55

Ne̱ cataj Jesús rihaan nij yuvii̱ a: ―Me cheꞌé nica̱j soj neê espadá nica̱j soj chruun nica̱j soj, caꞌnaꞌ soj ga̱. Síí itu̱u̱ mé ꞌu̱nj, rá soj naꞌ. Ne̱ ꞌo̱ se guun queꞌe̱e̱ güii cayáán ꞌu̱nj rihaan rej ya̱nj nuvií noco̱o, tucuꞌyón ꞌu̱nj snana̱j rihaan nij yuvii̱, tza̱j ne̱ ne ta̱ꞌaa soj manj a.

San Lucas 10:22

Canica̱j Jesús, cataj soꞌ rihaan nij yuvii̱ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. A̱ ꞌó síí ne neꞌen da̱j vaa ꞌu̱nj Taꞌni̱j soꞌ, ma̱an se o̱rúnꞌ Réj neꞌen a. Ne̱ a̱ ꞌó síí ne neꞌen da̱j vaa Réj maꞌ. Ma̱an se o̱rúnꞌ ꞌu̱nj Taꞌni̱j soꞌ neꞌen da̱j vaa soꞌ ado̱nj. Ne̱ sese me rá ꞌu̱nj ti̱haán ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj ―taj Jesús rihaan nij yuvii̱ a.

San Lucas 2:11

ꞌO̱ se cuanꞌ me se caꞌngaa ꞌo̱ Síí Ti̱nanii man Yuvii̱ rihaan Sayuun chumanꞌ chiháán rey cuꞌna̱j David, ne̱ neꞌej yoꞌ roꞌ, me Síí Caꞌnéé Yaꞌanj, ne̱ Si̱j Qui̱ꞌnij Raꞌa man níꞌ me soꞌ ado̱nj.

San Lucas 2:39

Dan me se ga̱a quisíj quiꞌyaj ro̱j ni̱ca̱ José se vaa taj stucua̱nj Moisés, ga̱a ne̱ quinanꞌ ro̱j soꞌ estadó Galilea a. Quinanꞌ ro̱j soꞌ chiháán ro̱j soꞌ nda̱a chumanꞌ Nazaret a.

San Lucas 2:4

Cavii síí cuꞌna̱j José chumanꞌ Nazaret chumanꞌ na̱j estadó Galilea, ne̱ caꞌanj soꞌ chumanꞌ Belén chumanꞌ na̱j estadó Judea a. Chumanꞌ caꞌngaa xi̱i soꞌ rey cuꞌna̱j David me Belén, ne̱ cheꞌé dan caꞌanj José nda̱a Belén, cheꞌé se ꞌo̱ taꞌníí taꞌnij siꞌno̱ David me soꞌ a.

San Lucas 2:51

Dan me se nanij Jesús quinanꞌ soꞌ nda̱a chumanꞌ Nazaret ga̱ ro̱j soꞌ, ne̱ ꞌo̱ ya̱nj uno sa̱ꞌ soꞌ rihaan ro̱j soꞌ a. Ne̱ ꞌo̱ nuû rá Mariá nu̱ꞌ nda̱a vaa guun a.

San Juan 1:46

Ne̱ cataj Natanael a: ―Caꞌve̱e cavi̱i̱ ꞌo̱ se sa̱ꞌ chumanꞌ Nazaret naꞌ ―taj Natanael a. Ne̱ cataj Felipé a: ―Caꞌa̱nj níꞌ, ne̱ que̱neꞌén so̱ꞌ man soꞌ, sese me rá so̱ꞌ á ―taj Felipé rihaan soꞌ a.

San Juan 10:36

Ne̱ veé dan me caꞌneꞌ Yaꞌanj suun gue̱e̱ rihanj, ne̱ caꞌnéé soꞌ manj rihaan chumii̱ nihánj a. Ne̱ ma̱an cheꞌé se cataj ꞌu̱nj se vaa taꞌni̱j Yaꞌanj mej, cheꞌé dan cataj soj se vaa nana̱ qui̱j caꞌmij cheꞌé Yaꞌanj naꞌ.

San Juan 12:49

Ne̱ ꞌu̱nj nihánj me se né ina̱nj nana̱ cavii raj me nana̱ caꞌmij maꞌ. ꞌO̱ se Réj síí caꞌnéé manj me síí caꞌneꞌ suun rihanj da̱j caꞌmi̱j na̱nj á.

San Juan 14:10

Ne amán rá so̱ꞌ se vaa yáán ꞌu̱nj ga̱ Yaꞌanj, ne̱ Yaꞌanj roꞌ, yáán soꞌ ga̱ ꞌu̱nj naꞌ. ꞌO̱ se xa̱ꞌ nana̱ aꞌmij, tza̱j ne̱ né na̱na̱ avii raa̱ ma̱ꞌanj me nana̱ yoꞌ maꞌ. ꞌO̱ se nu̱u̱ Réj Yaꞌanj nimanj, ne̱ soꞌ me síí ꞌyaj nu̱ꞌ suun sa̱ꞌ noco̱o ꞌyáá ꞌu̱nj ado̱nj.

San Juan 14:31

Tza̱j ne̱ me rá ꞌu̱nj queneꞌe̱n nij síí noco̱ꞌ se‑chre̱j chumii̱ nihánj se vaa aráj co̱chróó ꞌu̱nj rihaan Réj Yaꞌanj, ne̱ cheꞌé dan qui̱ꞌyáj nda̱a vaa caꞌneꞌ soꞌ suun rihanj ado̱nj. Canicu̱nꞌ caya̱ soj, ne̱ cavi̱i̱ níꞌ caꞌa̱nj níꞌ á ―taj Jesús rihaan nij síí tucuꞌyón snana̱ soꞌ a.

San Juan 16:3

Da̱nj quiꞌya̱j nii, cheꞌé se ne neꞌen uxrá nii man Réj Yaꞌanj do̱ꞌ, man ma̱ꞌanj do̱ꞌ maꞌ.

San Juan 17:25

’Ata̱j Chij, sa̱ꞌ ina̱nj ꞌyáá so̱ꞌ ado̱nj. Tza̱j ne̱ ne neꞌen nij síí noco̱ꞌ se‑chre̱j chumii̱ nihánj mán so̱ꞌ maꞌ. Tza̱j ne̱ ꞌu̱nj me se queneꞌenj mán so̱ꞌ, ne̱ queneꞌen nij síí nihánj se vaa caꞌnéé so̱ꞌ manj rihaan chumii̱ nihánj a.

San Juan 17:3

Ne̱ síí ga̱a̱ iꞌna̱ꞌ nu̱ꞌ cavii nu̱ꞌ caꞌanj me se soꞌ me síí neꞌen mán so̱ꞌ do̱ꞌ, mán ꞌu̱nj do̱ꞌ a. Dan me se o̱rúnꞌ so̱ꞌ me Yaꞌanj ya̱, ne̱ ꞌu̱nj Jesús Si̱j Ti̱nanii man Yuvii̱ rihaan Sayuun me síí caꞌnéé so̱ꞌ ado̱nj.

San Juan 3:2

Dan me se rej nii̱ caꞌnaꞌ soꞌ rihaan Jesús, ne̱ cataj soꞌ a: ―Neꞌen núj se vaa si̱j caꞌnéé Yaꞌanj tu̱cuꞌyón man yuvii̱ mé so̱ꞌ, maestro. ꞌO̱ se sese nuviꞌ Yaꞌanj racuíj mán so̱ꞌ, ne̱ se̱ guun nu̱cuáá so̱ꞌ qui̱ꞌyáá so̱ꞌ nij suun sa̱ꞌ noco̱o nda̱a vaa ꞌyáá so̱ꞌ nihánj cuano̱ asuun maꞌ ―taj soꞌ rihaan Jesús a.

San Juan 3:33

Tza̱j ne̱ síí amán rá snana̱ soꞌ roꞌ, soꞌ me síí taj se vaa nana̱ ya̱ me snana̱ Yaꞌanj ado̱nj.

San Juan 5:32

Tza̱j ne̱ vaa ꞌó síí cataj xnaꞌanj da̱j si̱j mej, ne̱ neꞌén ꞌu̱nj se vaa soꞌ me síí cataj xnaꞌanj ya̱ cheꞌé ꞌu̱nj chugua̱nj.

San Juan 5:43

Dan me se caꞌnéé Réj manj caꞌna̱j rihaan chumii̱ nihánj caꞌmi̱j snana̱ Réj Yaꞌanj rihaan soj, tza̱j ne̱ ne aranꞌ rá soj caꞌmi̱j rihaan soj maꞌ. Tza̱j ne̱ sese caꞌna̱ꞌ me maꞌa̱n ꞌó soꞌ caꞌmi̱i̱ soꞌ nana̱ avii raa̱ maꞌa̱n soꞌ, ne̱ veꞌé cuno̱ soj snana̱ soꞌ raj a.

San Juan 6:42

cataj nij soꞌ a: ―Né si̱j cuꞌna̱j Jesús me síí nihánj naꞌ. Né taꞌni̱j síí cuꞌna̱j José me soꞌ naꞌ. Né si̱j neꞌen níꞌ me rej soꞌ do̱ꞌ, me nii soꞌ do̱ꞌ naꞌ. Me cheꞌé guun rá soꞌ cata̱j soꞌ cuano̱ se vaa me soꞌ síí nanij rej xta̱ꞌ rihaan chumii̱ nihánj ga̱ ―taj nij síí uun chij niꞌya̱j nij soꞌ man Jesús a.

San Juan 7:14

Dan me se a̱j quisíj caꞌa̱nj güii anuû chaꞌanj, ne̱ cavii Jesús rej ya̱nj nuvií noco̱o, ne̱ tucuꞌyón soꞌ man nij yuvii̱ a.

San Juan 8:14

Ga̱a ne̱ cataj Jesús rihaan nij soꞌ a: ―Nda̱ꞌ se ma̱ꞌanj me síí aꞌmii cheꞌej, tza̱j ne̱ ya̱ vaa snana̱j na̱nj á. ꞌO̱ se neꞌenj me rej cavij, ne̱ neꞌenj me rej caꞌa̱nj ꞌu̱nj ado̱nj. Ne̱ xa̱ꞌ soj, tza̱j ne̱ ne neꞌen soj me rej cavij ne neꞌen soj me rej caꞌa̱nj ꞌu̱nj a̱ maꞌ.

San Juan 8:16

Tza̱j ne̱ caꞌve̱e se caꞌne̱ꞌ ꞌu̱nj cacunꞌ da̱j ꞌyaj yuvii̱, tza̱j ne̱ ya̱ xcaj ꞌu̱nj cuentá cheꞌé cacunꞌ tumé yuvii̱ ado̱nj. Dan me se né o̱rúnꞌ ꞌu̱nj me síí xcaj cuentá cheꞌé yuvii̱ maꞌ. ꞌO̱ se vaa Réj síí caꞌnéé manj rihaan chumii̱ nihánj, ne̱ soꞌ me síí racuíj manj ado̱nj.

San Juan 8:19

Cheꞌé dan xnáꞌanj nij soꞌ man Jesús, cataj nij soꞌ a: ―Me rej ne réé so̱ꞌ ga̱ ―taj nij soꞌ a. Ga̱a ne̱ cataj Jesús a: ―Ne neꞌen uxrá soj manj do̱ꞌ, man Réj do̱ꞌ maꞌ. ꞌO̱ se sese neꞌen ya̱ soj manj, ne̱ neꞌen soj man Réj uún tza̱j ado̱nj ―taj Jesús rihaan nij soꞌ a.

San Juan 8:26

Vaa ndoꞌo nana̱ no̱ xcúnj caꞌmi̱j cheꞌé soj, ne̱ no̱ xcúún uxraj ya̱ caꞌne̱ꞌ ꞌu̱nj cacunꞌ cheꞌé soj na̱nj á. Dan me se síí caꞌnéé manj, tza̱j ne̱ ina̱nj nana̱ ya̱ aꞌmii soꞌ, ne̱ ina̱nj nana̱ caꞌmii soꞌ cunoj me nana̱ taj xnaꞌanj ꞌu̱nj rihaan soj si̱j ma̱n rihaan chumii̱ nihánj ado̱nj ―taj Jesús rihaan nij soꞌ a.

San Juan 8:42

Ga̱a ne̱ cataj Jesús rihaan nij soꞌ a: ―Sese ya̱ Yaꞌanj me Rej soj, ne̱ cara̱a̱ cochro̱j soj rihanj ado̱nj. ꞌO̱ se ꞌu̱nj me síí cavii rej nicu̱nꞌ Yaꞌanj, ne̱ caꞌnáꞌ ꞌu̱nj nihánj chugua̱nj. Dan me se ne caꞌna̱ꞌ ma̱ꞌanj nihánj maꞌ. ꞌO̱ se soꞌ me síí caꞌnéé manj caꞌnaj nihánj ado̱nj.

San Juan 9:29

Neꞌen núj se vaa caꞌmii maꞌa̱n Yaꞌanj ga̱ síí cuꞌna̱j Moisés, tza̱j ne̱ ne neꞌen núj me rej cavii síí caꞌmii ga̱ so̱ꞌ a̱ maꞌ ―taj nij soꞌ rihaan síí naxraꞌ rihaan yoꞌ a.

Hechos 17:23

ꞌO̱ se ga̱a cachenj chumanꞌ ma̱n soj, ne̱ queneꞌén ꞌu̱nj nij rej aráj gue̱e̱ soj rihaan nij yaꞌanj noco̱ꞌ soj, ne̱ queneꞌén ꞌu̱nj ꞌo̱ chraan altar, ne̱ nana̱ no̱ rihaan chraan altar yoꞌ cataj, “Rej aráj gue̱e̱ níꞌ rihaan yaꞌanj ne neꞌen níꞌ man a”, taj nana̱ no̱ rihaan chraan altar yoꞌ a. Ne̱ xa̱ꞌ ꞌu̱nj, tza̱j ne̱ nihánj me se nata̱ꞌ ꞌu̱nj rihaan nij soj cheꞌé maꞌa̱n yaꞌanj yoꞌ yaꞌanj aráj gue̱e̱ soj rihaan, yaꞌanj ne neꞌen soj man na̱nj ado̱nj.

Romanos 1:28

Ne caꞌve̱j rá nij yuvii̱ queneꞌe̱n nij yuvii̱ da̱j vaa Yaꞌanj a̱ maꞌ. Cheꞌé dan caꞌneꞌ rá Yaꞌanj ga̱ nij yuvii̱, ne̱ navij raa̱ nij yuvii̱ quiriꞌ na̱nj á. Nda̱a síj, ga̱a ne̱ ina̱nj se nij ꞌyaj nij yuvii̱, ne̱ dan me se ꞌyaj nij soꞌ ina̱nj se naꞌvej rá Yaꞌanj quiꞌya̱j nij soꞌ na̱nj ado̱nj.

Romanos 3:4

A̱ ꞌó xcoꞌ se̱ caꞌvee maꞌ. Cata̱j níꞌ se vaa síí aꞌmii ina̱nj nana ya̱ me Yaꞌanj, ne̱ síí aꞌmii nana̱ ne̱ me cunuda̱nj yuvii̱ á. Nana̱ no̱ rihaan Da̱nj Yaꞌanj taj a: Queneꞌe̱n yuvii̱ se vaa se sa̱ꞌ inanj me nana aꞌmii so̱ꞌ do̱ꞌ, se vaa nica̱ aꞌnéꞌ so̱ꞌ cacunꞌ do̱ꞌ a. Da̱nj taj Danj Yaꞌanj cheꞌé maꞌa̱n Yaꞌanj ado̱nj.

2 Corintios 1:18

Da̱j se vaa ya̱ vaa Yaꞌanj roꞌ, da̱nj ya̱ vaa snana̱ núj, ne̱ né taꞌa̱j nana̱ “caꞌve̱e” do̱ꞌ, taꞌa̱j nana̱ “se̱ caꞌvee” do̱ꞌ, me nana̱ caꞌmii núj maꞌ.

2 Corintios 4:6

ꞌO̱ se Yaꞌanj me síí cataj se vaa chugu̱u̱n rihaan chumii̱, ne̱ da̱nj caꞌmii Yaꞌanj ga̱a naá uxrá ga̱a vaa rmi̱ꞌ rihaan chumii̱ nihánj, ga̱a ne̱ cuchuguu̱n rihaan chumii̱ nihánj, ne̱ ya̱j me se chuguu̱n nimán núj, quiꞌyaj uún Yaꞌanj á. Cheꞌé dan me guun nucua̱j núj cataj xnaꞌanj núj rihaan yuvii̱ se vaa niꞌndaj ya̱ sa̱ꞌ veꞌé vaa Yaꞌanj, ne̱ sese cuno̱ nij yuvii̱ snana̱ Cristó, ne̱ xca̱j nij soꞌ cuentá se vaa sa̱ꞌ uxrá quiꞌyaj Yaꞌanj ado̱nj.

Tito 1:2

Ga̱a ne̱ gu̱un ya̱ rá nij yuvii̱ se vaa ca̱yáán nij yuvii̱ ga̱ Yaꞌanj nu̱ꞌ cavii nu̱ꞌ caꞌanj, nda̱a vaa cataꞌ tuꞌva Yaꞌanj asi̱j naá ndoꞌo, ne̱ xa̱ꞌ Yaꞌanj, tza̱j ne̱ ne aꞌmii ne̱ Yaꞌanj maꞌ.

Hebreos 6:18

Dan me se asino cataꞌ tuꞌva Yaꞌanj, ga̱a ne̱ cutaꞌ Yaꞌanj raa̱ maꞌa̱n soꞌ a. Dan me se quisíj vi̱j nana̱ caꞌmii soꞌ, ne̱ daj chiha̱a̱ míj se̱ natuná Yaꞌanj snana̱ soꞌ maꞌ. ꞌO̱ se ne uun nucua̱j Yaꞌanj aꞌmii Yaꞌanj nana̱ ne̱ maꞌ. Cheꞌé dan me ndoꞌo rá níꞌ ra̱cuíj Yaꞌanj man níꞌ, ne̱ cheꞌé dan vaa cheꞌé ndoꞌo cuchuma̱n rá níꞌ, ne̱ gu̱un ya̱ rá níꞌ se vaa ya̱ cavi̱i̱ sa̱ꞌ níꞌ, nda̱a vaa cataꞌ tuꞌva Yaꞌanj rihaan níꞌ na̱nj ado̱nj.

1 Juan 5:10

Síí amán rá niꞌya̱j man Taꞌníí Yaꞌanj roꞌ, soꞌ me síí uun ya̱ rá se vaa nana̱ ya̱ me snana̱ Yaꞌanj a. Tza̱j ne̱ síí naꞌvej rá cuchuma̱n rá snana̱ Yaꞌanj roꞌ, soꞌ me síí uun rá se vaa síí ne̱ me Yaꞌanj a. ꞌO̱ se ne cuchuma̱n rá soꞌ nana̱ nataꞌ Yaꞌanj rihaan soꞌ cheꞌé Taꞌníí Yaꞌanj maꞌ.