San Juan 7:16 - Triqui de San Juan Copala

¹⁶ Cheꞌé dan cataj Jesús rihaan nij soꞌ a: ―Xa̱ꞌ tucuáán tucuꞌyón ꞌu̱nj, tza̱j ne̱ né tu̱cuáán cavii raá ꞌu̱nj me nihánj maꞌ. ꞌO̱ se stucua̱nj Yaꞌanj síí caꞌnéé manj me tucuáán nihánj chugua̱nj.

San Juan 7:16 Iomraidhean Croise

San Juan 14:10

Ne amán rá so̱ꞌ se vaa yáán ꞌu̱nj ga̱ Yaꞌanj, ne̱ Yaꞌanj roꞌ, yáán soꞌ ga̱ ꞌu̱nj naꞌ. ꞌO̱ se xa̱ꞌ nana̱ aꞌmij, tza̱j ne̱ né na̱na̱ avii raa̱ ma̱ꞌanj me nana̱ yoꞌ maꞌ. ꞌO̱ se nu̱u̱ Réj Yaꞌanj nimanj, ne̱ soꞌ me síí ꞌyaj nu̱ꞌ suun sa̱ꞌ noco̱o ꞌyáá ꞌu̱nj ado̱nj.

San Juan 14:24

Xa̱ꞌ síí ne aráj cochro̱j rihanj, tza̱j ne̱ ne uno soꞌ snana̱j maꞌ. Ne̱ nana̱ caꞌmij cuno soj me se né ina̱nj snana̱j me yoꞌ maꞌ. Snana̱ Réj síí caꞌnéé manj rihaan chumii̱ nihánj me nana̱ caꞌmij cuno soj na̱nj ado̱nj.

San Juan 17:14

A̱j rquej snana̱ so̱ꞌ man nij síí rqué so̱ꞌ manj, ne̱ táá riꞌyunj nij síí noco̱ꞌ se‑chre̱j chumii̱ nihánj niꞌya̱j nij soꞌ man nij síí rqué so̱ꞌ manj, cheꞌé se né si̱j noco̱ꞌ se‑chre̱j chumii̱ nihánj me nij soꞌ, da̱j se vaa né si̱j noco̱ꞌ se‑chre̱j chumii̱ nihánj mej maꞌ.

San Juan 17:8

ꞌO̱ se cataj xnaꞌanj ꞌu̱nj nu̱ꞌ nana̱ rqué so̱ꞌ manj rihaan nij soꞌ, ne̱ cuno nij soꞌ a. Ne̱ neꞌen ya̱ nij soꞌ se vaa cavii ꞌu̱nj rihaan so̱ꞌ, ne̱ amán rá nij soꞌ se vaa caꞌnéé so̱ꞌ manj rihaan chumii̱ nihánj a.

San Juan 3:11

Ya̱ ya̱ cata̱j xnaꞌanj ꞌu̱nj rihaan so̱ꞌ se vaa xa̱ꞌ núj, tza̱j ne̱ cheꞌé ina̱nj se vaa neꞌen núj aꞌmii núj ne̱ cheꞌé se vaa queneꞌen núj nataꞌ núj ado̱nj. Tza̱j ne̱ ne amán rá nij soj nana̱ aꞌmii núj maꞌ.

San Juan 3:31

Síí nanij rihaan chumii̱ nihánj roꞌ, soꞌ me síí noco̱o doj rihaan cunuda̱nj nij yuvii̱ ado̱nj. Tza̱j ne̱ nij síí ma̱n rihaan chumii̱ nihánj roꞌ, ina̱nj cheꞌé rasu̱u̱n ma̱n rihaan chumii̱ nihánj xcaj nij soꞌ cuentá do̱ꞌ, aꞌmii nij soꞌ do̱ꞌ ado̱nj. Tza̱j ne̱ síí nanij rej xta̱ꞌ roꞌ, me síí noco̱o doj rihaan cunuda̱nj nij yuvii̱ ado̱nj.

San Juan 5:30

’Dan me se a̱ doj ne uun nucua̱j ma̱ꞌanj qui̱ꞌyáj da̱nj a̱ maꞌ. Ma̱an se ase vaa taj xnaꞌanj Réj Yaꞌanj rihanj roꞌ, veé da̱nj vaa ꞌyáá ꞌu̱nj ga̱a aꞌnéꞌ ꞌu̱nj cacunꞌ cheꞌé nij yuvii̱, ne̱ ꞌo̱ nica̱ aꞌnéꞌ ꞌu̱nj cacunꞌ cheꞌé nij yuvii̱ na̱nj ado̱nj. ꞌO̱ se ne ꞌyáá ꞌu̱nj ina̱nj se me raj qui̱ꞌyáj maꞌ. Tana̱nj ina̱nj se taj xnaꞌanj síí caꞌnéé manj me se vaa ꞌyáj ado̱nj.

San Juan 6:44

Dan me se caꞌnéé Réj Yaꞌanj manj, ne̱ a̱ ꞌó yuvii̱ se̱ caꞌvee caꞌna̱ꞌ rihanj sese né Réj Yaꞌanj quiꞌya̱j caꞌna̱ꞌ soꞌ rihanj a. Ne̱ xa̱ꞌ síí ꞌnaꞌ rihanj, tza̱j ne̱ cunu̱u iꞌna̱ꞌ uún soꞌ qui̱ꞌyáj asa̱ꞌ quisíj güii caꞌa̱nj niꞌya̱ chumii̱ nihánj ado̱nj.

San Juan 8:28

Cheꞌé dan cataj Jesús rihaan nij soꞌ a: ―Asa̱ꞌ quisíj naxca̱j soj mán ꞌu̱nj cano̱j rihaan rcutze̱, ga̱a ne̱ xca̱j ya̱ soj cuentá se vaa ya̱ ya̱ Si̱j Caꞌnéé Yaꞌanj Ni̱caj Yuꞌunj man Yuvii̱ mej ado̱nj. Ne̱ ne ꞌyáá ꞌu̱nj se vaa avii ina̱nj raa̱ ma̱ꞌanj maꞌ. ꞌO̱ se aꞌmii ꞌu̱nj nda̱a vaa tucuꞌyón Réj manj ado̱nj.

2 Juan 1:9

Ne̱ me maꞌa̱n síí tanáj stucua̱nj Cristó roꞌ, nuviꞌ Yaꞌanj yáán ga̱ soꞌ maꞌ. Tza̱j ne̱ síí noco̱ꞌ xraan stucua̱nj Cristó me se soꞌ me síí ꞌo̱ yáán ro̱j Taꞌni̱j Yaꞌanj ga̱ soꞌ ado̱nj.

Apocalipsis 1:1

Nihánj me nij rasu̱u̱n tihaa̱n naca̱ Jesucristó rihaan nij síí nu̱u̱ rihaan soꞌ, nda̱a vaa cataj xnaꞌanj maꞌa̱n Yaꞌanj rihaan soꞌ, ne̱ rasu̱u̱n gu̱un raꞌya̱nj ya̱ vaa güii me nij rasu̱u̱n yoꞌ ado̱nj. Ne̱ Jesucristó roꞌ, soꞌ me síí caꞌnéé se‑mo̱zó soꞌ rihaan síí cuꞌna̱j Juan síí nu̱u̱ rihaan soꞌ, ne̱ dan me se xcaj Juan cuentá cheꞌé nu̱ꞌ nij rasu̱u̱n nihánj, quiꞌyaj Jesucristó ado̱nj.