San Juan 6:9 - Triqui de San Juan Copala

⁹ ―Nihánj me nicunꞌ ꞌo̱ xnii, ne̱ nica̱j xnii nihánj ꞌu̱nꞌ gue̱e̱ rachrúún ꞌnúú cebada, ne̱ vi̱j gue̱e̱ xcuaj leꞌe̱j nica̱j soꞌ, tza̱j ne̱ asa̱ꞌ caꞌve̱e quisi̱j do̱j tzínꞌ nihánj cha̱ ta̱ranꞌ nij yuvii̱ nihánj ga̱ ―taj Andrés yoꞌ a.

San Juan 6:9 Iomraidhean Croise

San Mateo 14:17

―Tza̱j ne̱ taj se chá rihaan núj maꞌ. Ma̱an o̱rúnꞌ ꞌu̱nꞌ rachrúún do̱ꞌ, vi̱j gue̱e̱ xcuaj do̱ꞌ, vaa rihaan núj na̱nj á ―taj nij soꞌ rihaan Jesús a.

San Mateo 16:9

Me cheꞌé ataa xca̱j soj cuentá ga̱. Nuû rá soj ga̱a vaa ꞌu̱nꞌ gue̱e̱ rachrúún rihaan níꞌ tza̱j ne̱ quisíj chá cunu̱ꞌ ꞌu̱nꞌ míj snóꞌo, quiꞌyáj, ne̱ nda̱a queꞌe̱e̱ scaa se chá quináj ga̱a naquiꞌyaj chre̱ꞌ soj naꞌ.

San Marcos 6:38

Ga̱a ne̱ cataj Jesús rihaan nij soꞌ a: ―Me daj rachrúún vaa rihaan soj ga̱. Caꞌa̱nj soj, ne̱ xca̱j soj cuentá á ―taj soꞌ a. Quisíj quiꞌyaj nij soꞌ da̱nj, ga̱a ne̱ canica̱j nij soꞌ, ne̱ cataj nij soꞌ a: ―Vaa ꞌu̱nꞌ rachrúún ne̱ vi̱j gue̱e̱ xcuaj rihaan núj na̱nj á ―taj nij soꞌ a.

San Marcos 8:19

ga̱a vaa ꞌu̱nꞌ gue̱e̱ rachrúún cuxraꞌ taꞌa̱j ꞌu̱nj tza̱j ne̱ quisíj chá cunu̱ꞌ ꞌu̱nꞌ míj snóꞌo, quiꞌyáj a. Ne̱ me daj scaa se chá quináj tuꞌva yuvii̱ naquiꞌyaj chre̱ꞌ soj, rá soj ga̱ ―taj Jesús, xnáꞌanj Jesús man nij soꞌ a. Ga̱a ne̱ cataj nij soꞌ a: ―Chuvi̱j a ―taj nij soꞌ a.

San Lucas 9:13

Tza̱j ne̱ cataj Jesús rihaan nij soꞌ a: ―Rque̱ maꞌa̱n soj se chá cha̱ nij yuvii̱ á ―taj Jesús rihaan nij soꞌ a. Ga̱a ne̱ cataj nij soꞌ a: ―Tza̱j ne̱ taj se chá rihaan núj maꞌ. Ma̱an se o̱rúnꞌ ꞌu̱nꞌ rachrúún ne̱ vi̱j gue̱e̱ xcuaj vaa rihaan núj na̱nj á. Xraj ne̱ caꞌve̱e caꞌa̱nj núj, ne̱ quira̱a̱n núj se chá cha̱ cunuda̱nj nij yuvii̱ ri̱i̱ uxrá nihánj na̱nj á ―taj nij soꞌ rihaan Jesús a.

San Juan 11:21

Ga̱a ne̱ cataj Marta rihaan Jesús a: ―Sese cayáán so̱ꞌ nihánj, ne̱ ne cavi̱ꞌ raꞌvij asuun tza̱j, maan Señor.

San Juan 11:32

Dan me se ga̱a cuchiꞌ Mariá rej nicu̱nꞌ Jesús, ga̱a ne̱ queneꞌen noꞌ man soꞌ, ga̱a ne̱ cayáán ru̱j noꞌ rihaan Jesús, ga̱a ne̱ cataj noꞌ a: ―Sese cayáán so̱ꞌ nihánj, ne̱ ne cavi̱ꞌ raꞌvij asuun tza̱j, maan Señor ―taj noꞌ rihaan Jesús a.

San Juan 21:10

Ga̱a ne̱ cataj Jesús rihaan nij soꞌ a: ―Ni̱caj soj do̱j xcuaj quirii soj caꞌna̱ꞌ soj á ―taj Jesús rihaan nij soꞌ a.

San Juan 21:13

Ga̱a ne̱ caꞌnaꞌ Jesús, ne̱ nica̱j soꞌ rachrúún do̱ꞌ, nee̱ xcuaj do̱ꞌ, rqué soꞌ man nij soꞌ a.

San Juan 21:9

Ne̱ nu̱ꞌ cuchiꞌ nij soꞌ rihaan yoꞌóó, ne̱ queneꞌen nij soꞌ ꞌo̱ yaꞌan nachráj Jesús, ne̱ táá nee̱ xcuaj do̱ꞌ, rachrúún do̱ꞌ, ruvaj yoꞌ a.

San Juan 6:11

Dan me se taꞌaa Jesús rachrúún, ne̱ cataj soꞌ guun niꞌya̱j níꞌ rihaan Yaꞌanj, ne̱ cuxraꞌ taꞌa̱j soꞌ rachrúún caxríj soꞌ ston nij síí tucuꞌyón snana̱ soꞌ a. Ne̱ nij síí tucuꞌyón snana̱ soꞌ roꞌ, rqué nij soꞌ cha̱ ta̱ranꞌ nij síí ya̱nj rihaan coj chri̱nꞌ yoꞌ a. Ne̱ ase vaa quiꞌyaj soꞌ ga̱ rachrúún roꞌ, da̱nj quiꞌyaj uún soꞌ ga̱ nee̱ xcuaj yoꞌ, rqué soꞌ nu̱ꞌ se vaa me rá nij yuvii̱ cha̱ nij yuvii̱ yoꞌ a.

San Juan 6:7

Dan me se cataj Felipé rihaan Jesús a: ―A̱ saꞌanj vaa tuꞌvee yuvii̱ ꞌyaj suun tu̱nj yavii se̱ quisíj quiri̱ꞌ nij soꞌ do̱j rachrúún cha̱ nij soꞌ a̱ maꞌ ―taj soꞌ a.

2 Corintios 8:9

ꞌO̱ se a̱j neꞌen soj se vaa quiꞌyaj ndoꞌo Jesucristó Si̱j ꞌNi̱j Raꞌa man níꞌ se lu̱j ga̱ níꞌ á. Dan me se ruꞌve̱e̱ ndoꞌo soꞌ ga̱a cayáán soꞌ rej xta̱ꞌ, tza̱j ne̱ naquiꞌyaj nique̱ soꞌ man soꞌ ne̱ caꞌnaꞌ soꞌ rihaan chumii̱ nihánj cheꞌé níꞌ, ga̱a ne̱ cheꞌé se da̱nj quiꞌyaj soꞌ roꞌ, cheꞌé dan cavi̱i̱ sa̱ꞌ níꞌ doj na̱nj ado̱nj.

Apocalipsis 6:6

Ga̱a ne̱ cunó ꞌu̱nj nana̱ cavii rej tanu̱u̱ caꞌa̱nj nij xcuu, ne̱ nana̱ yoꞌ cataj a: ―Saꞌanj ꞌyaj canaán yuvii̱ ꞌo̱ güii roꞌ, caꞌve̱e quira̱a̱n soꞌ ꞌo̱ kiló ꞌnúú trigó do̱ꞌ, ase vaꞌnu̱j kiló ꞌnúú cebada do̱ꞌ a. Tza̱j ne̱ se̱ tiríꞌ so̱ꞌ casté chá do̱ꞌ, na vinó do̱ꞌ maꞌ ―taj nana̱ yoꞌ a.