San Juan 6:36 - Triqui de San Juan Copala

³⁶ Tza̱j ne̱ a̱j cataj ꞌu̱nj rihaan soj se vaa nda̱ꞌ se queneꞌen soj manj, tza̱j ne̱ ne amán rá soj niꞌya̱j soj manj a̱ maꞌ.

San Juan 6:36 Iomraidhean Croise

San Lucas 16:31

’Tza̱j ne̱ cataj Abraham rihaan soꞌ a: “Sese se̱ caꞌvej rá nij soꞌ cuno̱ nij soꞌ rihaan Moisés do̱ꞌ, rihaan nij síí nataꞌ snana̱ Yaꞌanj ga̱a naá do̱ꞌ, ne̱ caꞌve̱e se cunu̱u iꞌna̱ꞌ uún ꞌo̱ síí caviꞌ, tza̱j ne̱ se̱ cuchumán rá nij soꞌ ni̱ꞌyaj nij soꞌ man soꞌ a̱ maꞌ”, taj Abraham rihaan ruꞌvee yoꞌ a ―taj Jesús a. Veé da̱nj quisíj cuentó nanó soꞌ a.

San Juan 12:37

Nda̱ꞌ se uxrá quiꞌyaj Jesús suun sa̱ꞌ noco̱o niꞌya̱j nij yuvii̱, quiꞌyaj Yaꞌanj, tza̱j ne̱ ne cuchuma̱n rá nij yuvii̱ ni̱ꞌyaj nij soꞌ man soꞌ a̱ maꞌ.

San Juan 15:24

Ne̱ suun sa̱ꞌ noco̱o quiꞌyáj queneꞌen nij soꞌ me se ne quiꞌya̱j a̱ ꞌó yuvii̱ suun sa̱ꞌ noco̱o vaa da̱nj maꞌ. Ne̱ sese ne qui̱ꞌyáj suun sa̱ꞌ noco̱o yoꞌ queneꞌe̱n nij soꞌ, ne̱ ne tumé nij soꞌ cacunꞌ tza̱j maꞌ. Tza̱j ne̱ ya̱j me se a̱j queneꞌen nij soꞌ nij suun sa̱ꞌ noco̱o quiꞌyáj, ne̱ quitáá riꞌyunj nij soꞌ mán ꞌu̱nj do̱ꞌ, man Réj Yaꞌanj do̱ꞌ na̱nj ado̱nj.

San Juan 6:26

Ga̱a ne̱ cataj Jesús rihaan nij soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa né cheꞌe̱ se queneꞌen soj nij suun sa̱ꞌ noco̱o quiꞌyáá ꞌu̱nj me nanoꞌ soj manj maꞌ. Ma̱an cheꞌé se chá soj rachrúún yoꞌ ne̱ caraa rque soj roꞌ, cheꞌé dan nanoꞌ soj manj na̱nj á.

San Juan 6:30

Cheꞌé dan cataj nij yuvii̱ rihaan soꞌ a: ―Sese da̱nj vaa, ne̱ me suun sa̱ꞌ noco̱o qui̱ꞌyáá so̱ꞌ queneꞌe̱n núj, ga̱a ne̱ cuchuma̱n rá núj ni̱ꞌyaj núj mán so̱ꞌ ga̱.

San Juan 6:37

Xa̱ꞌ nij síí rqué Réj Yaꞌanj manj, tza̱j ne̱ caꞌna̱ꞌ nij soꞌ rihanj, ne̱ veꞌé caꞌmi̱i̱ ꞌu̱nj ga̱ nij soꞌ a. Ne̱ xa̱ꞌ nij síí ꞌnaꞌ rihanj, tza̱j ne̱ daj chiha̱a̱ míj se̱ quiriꞌíj yaníj ꞌu̱nj man nij soꞌ maꞌ.

San Juan 6:40

ꞌO̱ se nihánj me se vaa me rá Réj Yaꞌanj na̱nj á. Me rá soꞌ ꞌo̱ ga̱a̱ iꞌna̱ꞌ ta̱ranꞌ nij síí amán rá niꞌya̱j manj nu̱ꞌ cavii nu̱ꞌ caꞌanj ga̱ soꞌ a. Ne̱ ꞌu̱nj me síí quiꞌya̱j cunu̱u iꞌna̱ꞌ uún nij soꞌ asa̱ꞌ quisíj güii caꞌa̱nj niꞌya̱ chumii̱ nihánj ado̱nj ―taj Jesús rihaan nij yuvii̱ a.

San Juan 6:64

Tza̱j ne̱ taꞌa̱j soj me síí ne amán rá uno snana̱j a̱ maan ado̱nj ―taj Jesús rihaan nij síí tucuꞌyón snana̱ soꞌ a. ꞌO̱ se asi̱j guun cheꞌe̱ Jesús tucuꞌyón soꞌ snana̱ soꞌ man yuvii̱, ne̱ a̱j neꞌen soꞌ me síí ne amán rá niꞌya̱j man soꞌ, ne̱ a̱j neꞌen soꞌ me síí me síí ta̱cuachén man soꞌ rihaan nij síí ta̱j riꞌyunj man soꞌ ado̱nj.