San Juan 5:4 - Triqui de San Juan Copala

⁴ Dan me se nda̱a vaa orá nanij ꞌo̱ se‑mo̱zó Síí ꞌNi̱j Raꞌa man níꞌ rá na yoꞌ, ne̱ tanica̱j soꞌ na yoꞌ, taj nij yuvii̱ yoꞌ a. Ne̱ ga̱a anica̱j na yoꞌ, ne̱ síí nanij asino ya̱a̱n rque na roꞌ, o̱rúnꞌ soꞌ güe̱j na̱j guun chiꞌii̱ xráá, taj uún nij yuvii̱ yoꞌ a.

San Juan 5:4 Iomraidhean Croise

San Mateo 11:12

’Dan me se asi̱j tucuꞌyón Juan rihaan yuvii̱ nda̱a cuano̱ me se naquiꞌyaj ino̱ ndoꞌo yuvii̱ snana̱ Yaꞌanj da̱j vaa uun chij Yaꞌanj, ne̱ vaa síí sca̱ꞌ ndoꞌo nimán síí me ina̱nj rá cata̱j da̱j vaa uun chij Yaꞌanj ado̱nj.

San Mateo 6:33

Cheꞌé dan nano̱ꞌ soj rej da̱j quiꞌya̱j soj ne̱ gu̱un chij Yaꞌanj nimán soj ne̱ cunu̱u sa̱ꞌ nimán soj, ga̱a ne̱ rque̱ Yaꞌanj nu̱ꞌ rasu̱u̱n yoꞌ man soj ado̱nj.

San Lucas 13:24

―Ase vaa taꞌyaa chru̱j ndoꞌo vaa rej cache̱n yuvii̱ catu̱u̱ yuvii̱ rihaan Yaꞌanj ado̱nj. Quiꞌya̱j nucua̱j soj nimán soj cheꞌé rej catu̱u̱ soj rej yoꞌ na̱nj á. Cata̱j xnaꞌanj ꞌu̱nj rihaan soj cuano̱ se vaa vaa ndoꞌo yuvii̱ gu̱un ndoꞌo rá catu̱u̱ rej yoꞌ, tza̱j ne̱ se̱ guun nucua̱j nij soꞌ catu̱u̱ nij soꞌ maꞌ.

San Lucas 16:16

’ꞌO̱ se ga̱a ataa caꞌna̱ꞌ síí cuꞌna̱j Juan Síí Cuta̱ꞌ Ne man yuvii̱ me se cuno yuvii̱ rihaan ina̱nj stucua̱nj Moisés do̱ꞌ, rihaan nij síí nataꞌ snana̱ Yaꞌanj ga̱a naá do̱ꞌ a. Tza̱j ne̱ ya̱j me se uno ndoꞌo yuvii̱ nana̱ sa̱ꞌ nana̱ cheꞌé da̱j vaa uun chij Yaꞌanj, ne̱ me ndoꞌo rá nimán cunuda̱nj nij yuvii̱ gu̱un chij Yaꞌanj nimán nij soꞌ ado̱nj.

San Juan 5:3

Rá veꞌ yoꞌ mán ndoꞌo síí ranꞌ me maꞌa̱n chiꞌii̱ do̱ꞌ, síí tuchri̱i do̱ꞌ, síí chéé rengo̱ do̱ꞌ, síí nuu chrúnj raꞌa do̱ꞌ, síí nuu chrúnj tacóó do̱ꞌ a.

San Juan 5:5

Ne̱ na̱j ꞌo̱ snóꞌo tuꞌva na yoꞌ, ne̱ síj ico̱ xnu̱ꞌ vaꞌnu̱j (38) ya̱ yoꞌ ranꞌ soꞌ a.

San Juan 5:7

Ne̱ cataj síí ranꞌ yoꞌ rihaan Jesús a: ―Na̱huún ꞌu̱nj raj, tza̱j ne̱ taj va̱j tuvíꞌ ꞌu̱nj síí ti̱nanij mán ꞌu̱nj rá na ga̱a anica̱j na, maan señor. Cheꞌé dan me ga̱a ꞌanj ꞌu̱nj tuꞌva na yoꞌ, ne̱ guun yucua̱nꞌ ꞌó soꞌ atúj soꞌ rque na rihanj na̱nj ado̱nj ―taj soꞌ rihaan Jesús a.

1 Corintios 6:11

Dan me se da̱nj ina̱nj quiꞌyaj taꞌa̱j soj ga̱a rque̱, tza̱j ne̱ ya̱j me se xꞌnéj cacunꞌ ta̱j xráá soj, ne̱ cunuu sa̱ꞌ nimán soj, ne̱ cunuu nica̱ nimán soj rihaan Yaꞌanj, cheꞌé se‑chuvi̱i Jesús Si̱j ꞌNi̱j Raꞌa man níꞌ do̱ꞌ, cheꞌé Nimán Yaꞌanj si̱j noco̱ꞌ níꞌ man do̱ꞌ, cuano̱ ado̱nj.

1 Juan 1:7

Tza̱j ne̱ sese chéé níꞌ rej chuguu̱n sa̱ꞌ rej va̱j maꞌa̱n Yaꞌanj, ne̱ veꞌé sa̱ꞌ mán ta̱ranꞌ níꞌ, ne̱ navi̱j nu̱ꞌ cacunꞌ tumé níꞌ, quiꞌya̱j ton cayanj man Jesús Taꞌníí Yaꞌanj ga̱a caviꞌ soꞌ cheꞌé níꞌ, ne̱ ꞌo̱ cunu̱u sa̱ꞌ nimán níꞌ ado̱nj.