San Juan 5:26 - Triqui de San Juan Copala

²⁶ ꞌO̱ se ase vaa vaa iꞌna̱ꞌ maꞌa̱n Réj Yaꞌanj, ne̱ vaa iꞌna̱ꞌ ta̱ranꞌ nij rasu̱u̱n ꞌyaj Réj Yaꞌanj roꞌ, da̱nj vaa vaa iꞌna̱ꞌ ma̱ꞌanj si̱j Taꞌni̱j Yaꞌanj uún, ꞌyaj Yaꞌanj, ne̱ cunu̱u iꞌna̱ꞌ yuvii̱, qui̱ꞌyáá ꞌu̱nj a.

San Juan 5:26 Iomraidhean Croise

San Juan 1:4

Soꞌ me síí quiꞌyaj cunuu iꞌna̱ꞌ rasu̱u̱n, ne̱ cheꞌé se cunuu iꞌna̱ꞌ yuvii̱ quiꞌyaj soꞌ, cheꞌé dan guun nucua̱j yuvii̱ xcaj yuvii̱ cuentá a. Dan me se ase vaa yaꞌan chuguu̱n vaa soꞌ rihaan yuvii̱,

San Juan 10:18

Taj va̱j síí rquee̱ manj cavi̱j maꞌ. ꞌO̱ se ma̱ꞌanj aꞌnéé nimanj cavi̱j na̱nj á. Dan me se ꞌu̱nj me síí no̱ xcúún caꞌne̱j nimanj cavi̱j, ne̱ ꞌu̱nj me síí no̱ xcúún cunu̱u iꞌna̱ꞌ uún ado̱nj. Nihánj me suun caꞌneꞌ Réj Yaꞌanj rihanj na̱nj ado̱nj ―taj Jesús rihaan nij soꞌ a.

San Juan 11:25

Ga̱a ne̱ cataj Jesús rihaan noꞌ a: ―Xa̱ꞌ ꞌu̱nj, tza̱j ne̱ si̱j ꞌyaj nuu iꞌna̱ꞌ uún yuvii̱ mej, ne̱ ꞌu̱nj me síí quiꞌya̱j ga̱a̱ iꞌna̱ꞌ yuvii̱ ca̱yáán yuvii̱ ga̱ Yaꞌanj nu̱ꞌ cavii nu̱ꞌ caꞌanj ado̱nj. Ne̱ xa̱ꞌ síí amán rá niꞌya̱j manj, tza̱j ne̱ caꞌve̱e se cavi̱ꞌ soꞌ, tza̱j ne̱ ꞌo̱ ga̱a̱ iꞌna̱ꞌ nimán soꞌ chugua̱nj.

San Juan 11:26

Cheꞌé se amán rá soꞌ niꞌya̱j soꞌ manj, ne̱ cheꞌé dan vaa iꞌna̱ꞌ nimán soꞌ, ne̱ daj chiha̱a̱ míj se̱ caviꞌ nimán soꞌ a̱ maꞌ. Amán rá so̱ꞌ nana̱ nihánj naꞌ ―taj Jesús, xnáꞌanj soꞌ man Marta a.

San Juan 14:19

Nichrunꞌ caꞌa̱nj ꞌu̱nj, ne̱ se̱ queneꞌen uún nij síí noco̱ꞌ se‑chre̱j chumii̱ nihánj manj maꞌ. Tza̱j ne̱ queneꞌe̱n maꞌa̱n soj manj, cheꞌé se ꞌo̱ vaa iꞌna̱ꞌ ꞌu̱nj, ne̱ ga̱a̱ iꞌna̱ꞌ nimán soj ado̱nj.

San Juan 14:6

Ga̱a ne̱ cataj Jesús rihaan soꞌ a: ―Ma̱ꞌanj me guun chrej rihaan soj, ne̱ ma̱ꞌanj me nana̱ ya̱ cuno̱ soj, ne̱ ma̱ꞌanj me síí quiꞌya̱j ga̱a̱ iꞌna̱ꞌ nimán soj ado̱nj. Sese se̱ caꞌvej rá ꞌo̱ soꞌ canoco̱ꞌ soꞌ manj, ne̱ daj chiha̱a̱ míj se̱ cuchiꞌ soꞌ rihaan Réj Yaꞌanj a̱ maꞌ.

San Juan 4:10

Ga̱a ne̱ cataj Jesús rihaan noꞌ a: ―Sese xcaj so̱ꞌ cuentá cheꞌé se lu̱j quiꞌya̱j Yaꞌanj cheꞌé so̱ꞌ ne̱ sese queneꞌén so̱ꞌ me síí achíín na mán so̱ꞌ cuano̱, ne̱ cachíín so̱ꞌ na ꞌyaj vaa iꞌna̱ꞌ yuvii̱ man soꞌ coꞌo̱ so̱ꞌ, ne̱ rqué soꞌ na yoꞌ coꞌo so̱ꞌ tza̱j ado̱nj ―taj Jesús rihaan chana̱ yoꞌ a.

San Juan 6:57

Ase vaa vaa iꞌna̱ꞌ Réé ꞌu̱nj síí caꞌnéé mán ꞌu̱nj rihaan chumii̱ nihánj roꞌ, da̱nj vaa vaa iꞌna̱ꞌ ꞌu̱nj, ꞌyaj Réé ꞌu̱nj a. Ne̱ xa̱ꞌ síí chá mán ꞌu̱nj, tza̱j ne̱ ꞌo̱ ga̱a̱ iꞌna̱ꞌ nimán soꞌ, qui̱ꞌyáá ꞌu̱nj a.

San Juan 8:51

Ya̱ ya̱ cata̱j xnaꞌanj ꞌu̱nj rihaan soj cuano̱ se vaa sese cuno̱ soj snana̱j, ne̱ daj chiha̱a̱ míj se̱ caviꞌ soj a̱ maꞌ ―taj Jesús a.

Hechos 17:25

ꞌO̱ se soꞌ me síí ꞌyaj vaa iꞌna̱ꞌ níꞌ, ne̱ soꞌ me síí ꞌyaj naránj níꞌ nana̱, ne̱ dan me se rqué soꞌ nu̱ꞌ rasu̱u̱n achiin man níꞌ ado̱nj. Ne̱ cheꞌé dan taj va̱j rasu̱u̱n achiin man soꞌ, ne̱ se̱ caꞌvee ra̱cuíj yuvii̱ man soꞌ maꞌ.

1 Corintios 15:45

Ne̱ Danj Yaꞌanj taj se vaa snóꞌo quiꞌyaj Yaꞌanj asino ya̱a̱n me síí cuꞌna̱j Adán, ne̱ ga̱a tiha̱j quiꞌyaj Yaꞌanj man soꞌ me se guun soꞌ síí vaa iꞌna̱ꞌ, quiꞌyaj Yaꞌanj, taj Danj Yaꞌanj a. Dan me se ase vaa síí cuꞌna̱j Adán roꞌ, da̱nj vaa síí cuꞌna̱j Cristó, tza̱j ne̱ ino̱ doj vaa Cristó, ne̱ dan me se ga̱a cunuu iꞌna̱ꞌ uún Cristó, ne̱ cunuu ino̱ nu̱ꞌ nee̱ man soꞌ, ne̱ dan me se aꞌvee vaa iꞌna̱ꞌ nda̱a maꞌa̱n níꞌ, ꞌyaj soꞌ a. Ne̱ cheꞌé dan cunu̱u iꞌna̱ꞌ uún ta̱ranꞌ níꞌ chugua̱nj.

1 Timoteo 1:17

Nu̱ꞌ cavii nu̱ꞌ caꞌanj cata̱j níꞌ se vaa niꞌndaj ya̱ sa̱ꞌ vaa Yaꞌanj, ne̱ soꞌ me Rey gu̱un chij nu̱ꞌ cavii nu̱ꞌ caꞌanj, ne̱ daj chiha̱a̱ míj se̱ caviꞌ soꞌ maꞌ. Ne ruviꞌ soꞌ niꞌya̱j yuvii̱ maꞌ. Taj va̱j ꞌó Yaꞌanj maꞌ. O̱rúnꞌ soꞌ me Yaꞌanj ya̱ ado̱nj. Veé da̱nj ga̱a̱ ya̱ ado̱nj.

1 Timoteo 6:16

O̱rúnꞌ soꞌ me síí vaa iꞌna̱ꞌ nu̱ꞌ cavii nu̱ꞌ caꞌanj, ne̱ ya̱nj soꞌ rej acoꞌ yaꞌan chuguu̱n rej naꞌvee nichru̱nꞌ yuvii̱ á. A̱ ꞌó yuvii̱ ne queneꞌe̱n man soꞌ, ne̱ daj chiha̱a̱ míj se̱ caꞌvee queneꞌe̱n yuvii̱ man soꞌ maꞌ. Cheꞌé dan cara̱a̱ cochro̱j níꞌ rihaan soꞌ, ne̱ ga̱a̱ nucua̱j ndoꞌo soꞌ nu̱ꞌ cavii nu̱ꞌ caꞌanj rugua̱nj. Veé da̱nj ga̱a̱ ya̱ ado̱nj.

Hebreos 1:2

Tza̱j ne̱ ya̱j ga̱a nichrunꞌ caꞌa̱nj niꞌya̱ chumii̱ nihánj me se cataj xnaꞌanj maꞌa̱n ya̱ Taꞌníí Yaꞌanj snana̱ Yaꞌanj rihaan níꞌ, quiꞌyaj Yaꞌanj, ne̱ Taꞌníí Yaꞌanj me síí cuneꞌ Yaꞌanj man se vaa gu̱un siꞌya̱j soꞌ man cunuda̱nj rasu̱u̱n vaa güii, ne̱ soꞌ me síí quiꞌyaj nu̱ꞌ chumii̱ ga̱ xta̱ꞌ, quiꞌyaj Yaꞌanj ado̱nj.

Apocalipsis 21:6

Ga̱a ne̱ cataj uún soꞌ rihanj a: ―A̱j quisíj quiꞌyáá ꞌu̱nj nu̱ꞌ rasu̱u̱n na̱nj á. Ne̱ ase vaa letrá ruviꞌ rej uun cheꞌe̱ alfabetó me letrá A, ne̱ ase vaa letrá ruviꞌ rej navij alfabetó me letrá Z, da̱nj vaa ꞌu̱nj, ne̱ dan me se si̱j nicu̱nꞌ asi̱j rque̱ mej, ne̱ veé ꞌu̱nj canicu̱nꞌ nu̱ꞌ cavii nu̱ꞌ caꞌanj na̱nj ado̱nj. Ne̱ rihaan síí nacoo̱ na me se rque̱ u̱u̱n ꞌu̱nj na coꞌo̱ soꞌ, ne̱ ga̱a̱ iꞌna̱ꞌ soꞌ nu̱ꞌ cavii nu̱ꞌ caꞌanj, quiꞌya̱j na yoꞌ ado̱nj.

Apocalipsis 22:1

Ga̱a ne̱ tihaa̱n se‑mo̱zó Yaꞌanj yoꞌ ꞌo̱ chráá rihanj, ne̱ chráá nu̱u̱ na ꞌyaj vaa iꞌna̱ꞌ yuvii̱ nu̱ꞌ cavii nu̱ꞌ caꞌanj me chráá yoꞌ a. Ne̱ nda̱a chuguu̱n raa̱n maꞌa̱n chráá yoꞌ a. Ne̱ chráá yoꞌ roꞌ, avii tacóó chruun xlá sa̱ꞌ xrúún Yaꞌanj do̱ꞌ, xrúún Matzinj Leꞌe̱j do̱ꞌ a.

Apocalipsis 22:17

Ne̱ dan me se Nimán Yaꞌanj do̱ꞌ, chana̱ gu̱un nica̱ Jesús do̱ꞌ, taj ro̱j soꞌ a: “Caꞌna̱ꞌ so̱ꞌ á”, taj ro̱j soꞌ a. Ne̱ síí uno nana̱ nihánj roꞌ, cata̱j soꞌ a: “Caꞌna̱ꞌ so̱ꞌ á”, cata̱j soꞌ rihaan tuviꞌ soꞌ a. Ne̱ síí nacoo̱ na roꞌ, caꞌna̱ꞌ soꞌ, ne̱ coꞌo̱ u̱u̱n soꞌ na ꞌyaj vaa iꞌna̱ꞌ yuvii̱ nu̱ꞌ cavii nu̱ꞌ caꞌanj, sese me rá soꞌ a.

Apocalipsis 7:17

ꞌO̱ se maꞌa̱n Matzinj Leꞌe̱j nicu̱nꞌ maꞌa̱n rej rihaan chruun xlá sa̱ꞌ yoꞌ roꞌ, tu̱mé man nij soꞌ, ne̱ caꞌa̱nj ni̱caj soꞌ man nij soꞌ rej xraꞌ na sa̱ꞌ, ne̱ coꞌo̱ nij soꞌ, ga̱a ne̱ ꞌo̱ ga̱a̱ iꞌna̱ꞌ nimán nij soꞌ, quiꞌya̱j na yoꞌ a. Ne̱ maꞌa̱n Yaꞌanj roꞌ, me síí ti̱nacoo̱ na ayanj rihaan nij soꞌ ado̱nj ―taj síí uun chij yoꞌ rihanj a.