San Juan 5:2 - Triqui de San Juan Copala

² Dan me se chumanꞌ Jerusalén roꞌ, vaa ꞌo̱ rej nu̱u̱ na cuꞌna̱j Betesda xnaꞌánj aꞌmii nij síí israelitá a. Nichru̱nꞌ nu̱u̱ na yoꞌ ga̱ rej ta̱j taꞌyaa atúj matzinj chumanꞌ yoꞌ, ne̱ ya̱nj ꞌu̱nꞌ veꞌ cheꞌe̱e̱ nu̱ꞌ anica̱j tuꞌva na yoꞌ a.

San Juan 5:2 Iomraidhean Croise

San Juan 19:13

Dan me se ga̱a cuno Pilató nana̱ caꞌmii nij soꞌ, ga̱a ne̱ caꞌanj nica̱j soꞌ man Jesús xeꞌ, ne̱ caꞌanj ca̱yáán soꞌ rihaan xrúún soꞌ chruun xlá rej caꞌneꞌ soꞌ cacunꞌ cheꞌé yuvii̱ a. Ne̱ rej ya̱nj chruun xlá yoꞌ roꞌ, me rej cuꞌna̱j Enlosado, ne̱ Gabata cuꞌna̱j rej yoꞌ xnaꞌánj hebreo a.

San Juan 19:17

ne̱ maꞌa̱n soꞌ cata̱ rcutze̱, ne̱ cavii soꞌ caꞌanj soꞌ rej cuꞌna̱j Tacaan Cúú Yave̱ Xnangá, ne̱ rej yoꞌ roꞌ, cuꞌna̱j Gólgota xnaꞌánj hebreo a.

San Juan 19:20

Dan me se nayaa queꞌe̱e̱ nij síí israelitá nana̱ yoꞌ a. ꞌO̱ se nichru̱nꞌ naj rej cachrón nii man Jesús rihaan rcutze̱ ga̱ maꞌa̱n chumanꞌ Jerusalén yoꞌ a. Ne̱ cachrón nii nana̱ yoꞌ xnaꞌánj hebreo do̱ꞌ, xnaꞌánj latín do̱ꞌ, xnaꞌánj griego do̱ꞌ a.

San Juan 20:16

Ga̱a ne̱ cataj Jesús a: ―María ―taj soꞌ a. Canica̱j noꞌ, cataj noꞌ a: ―Raboni ―taj noꞌ rihaan soꞌ, ne̱ dan me se maestró me raj cata̱a nana̱ caꞌmii noꞌ rihaan soꞌ a.

San Juan 5:3

Rá veꞌ yoꞌ mán ndoꞌo síí ranꞌ me maꞌa̱n chiꞌii̱ do̱ꞌ, síí tuchri̱i do̱ꞌ, síí chéé rengo̱ do̱ꞌ, síí nuu chrúnj raꞌa do̱ꞌ, síí nuu chrúnj tacóó do̱ꞌ a.

San Juan 7:21

Ga̱a ne̱ cataj Jesús rihaan nij soꞌ a: ―Ga̱a rque̱ me se o̱rúnꞌ suun sa̱ꞌ noco̱o quiꞌyáj, ne̱ caráyaꞌa̱nj ta̱ranꞌ nij soj se vaa quiꞌyáá ꞌu̱nj suun sa̱ꞌ noco̱o güii naránj rá níꞌ a.

Hechos 21:40

Dan me se caꞌvej rá soꞌ, ne̱ cheꞌé dan canicunꞌ Pabló rej xta̱ꞌ rej atúj nii cuarteé, ne̱ tucunó raꞌa soꞌ, cheꞌé rej cunu̱u dínj tuꞌva nij yuvii̱ a. Dan me se cunuu dínj tuꞌva nij yuvii̱, ga̱a ne̱ guun cheꞌe̱ Pabló caꞌmii soꞌ se‑xnaꞌa̱nj maꞌa̱n nij síí hebreo rihaan nij yuvii̱, ne̱ cataj soꞌ a:

Apocalipsis 16:16

Ga̱a ne̱ dan me se cunuu chre̱ꞌ nij síí nica̱j suun rey yoꞌ rej cuꞌna̱j Armagedón xnaꞌánj hebreo, quiꞌyaj vaꞌnu̱j nij nana̱ chre̱e yoꞌ a.

Apocalipsis 9:11

Ne̱ se‑mo̱zó Yaꞌanj síí tumé yuꞌuj cunu̱u̱ roꞌ, uun chij soꞌ rihaan nij rquíí yoꞌ a. Ne̱ se‑chuvi̱i se‑mo̱zó Yaꞌanj yoꞌ me Abadón xnaꞌánj hebreo, ne̱ Apolión cuꞌna̱j soꞌ xnaꞌánj griego, ne̱ se‑chuvi̱i soꞌ me raj cata̱a se vaa si̱j tiriꞌ rasu̱u̱n me soꞌ a.