San Juan 5:11 - Triqui de San Juan Copala

¹¹ Ga̱a ne̱ cataj soꞌ rihaan nij soꞌ a: ―Síí quiꞌyaj nahuun sa̱ꞌ ꞌu̱nj roꞌ, soꞌ me síí caꞌneꞌ suun rihanj na̱xcaj ꞌu̱nj tuvéé ꞌu̱nj ne̱ cache̱e̱ ꞌu̱nj ado̱nj ―taj soꞌ rihaan nij soꞌ a.

San Juan 5:11 Iomraidhean Croise

San Juan 5:10

Cheꞌé dan me nij síí uun chij rihaan nij yuvii̱ israelitá me se cataj nij soꞌ rihaan síí nahuun sa̱ꞌ yoꞌ a: ―Güii naránj rá níꞌ me nihánj á. Ne nó xcúún so̱ꞌ ca̱tá so̱ꞌ tuvéé so̱ꞌ cuanꞌ maꞌ ―taj nij soꞌ rihaan soꞌ a.

San Juan 5:12

Ga̱a ne̱ xnáꞌanj nij soꞌ man soꞌ, cataj nij soꞌ a: ―Me síí cataj rihaan so̱ꞌ na̱xcaj so̱ꞌ tuvéé so̱ꞌ ne̱ cache̱e̱ so̱ꞌ ga̱ ―taj nij soꞌ rihaan soꞌ a.

San Juan 9:12

Ga̱a ne̱ xnáꞌanj nij yuvii̱ man soꞌ, cataj nij yuvii̱ a: ―Me rej vaj soꞌ cuano̱ ga̱ ―taj nij yuvii̱, xnáꞌanj nij yuvii̱ man síí naxraꞌ rihaan yoꞌ a. ―Ne neꞌenj me rej vaj soꞌ cuano̱ a̱ maꞌ ―taj síí naxraꞌ rihaan yoꞌ rihaan nij yuvii̱ a.

San Juan 9:16

Cheꞌé dan cataj taꞌa̱j nij síí fariseo a: ―Né si̱j caꞌnéé Yaꞌanj rihaan níꞌ me síí quiꞌyaj naxraꞌ rihaan síí nihánj a̱ maꞌ. ꞌO̱ se ꞌyaj suun soꞌ güii no̱ xcúún níꞌ nara̱a̱n rá níꞌ ado̱nj ―taj taꞌa̱j nij síí fariseo yoꞌ a. Tza̱j ne̱ ꞌó taꞌa̱j nij soꞌ cataj a: ―Tza̱j ne̱ né si̱j tumé cacunꞌ me soꞌ a̱ maꞌ. ꞌO̱ se ꞌo̱ síí tumé cacunꞌ me se daj chiha̱a̱ míj se̱ guun nucua̱j soꞌ quiꞌya̱j soꞌ suun sa̱ꞌ noco̱o nda̱a vaa quiꞌyaj síí nihánj a̱ maan ado̱nj ―taj ꞌó taꞌa̱j nij síí fariseo yoꞌ a. Dan me se cuxraꞌ taꞌa̱j nij síí fariseo man nij soꞌ, ne̱ ino̱ guun rá nij soꞌ ga̱ tuviꞌ nij soꞌ niꞌya̱j nij soꞌ man Jesús a.