San Juan 4:50 - Triqui de San Juan Copala

⁵⁰ Ne̱ cataj Jesús rihaan soꞌ a: ―Caꞌve̱e caꞌa̱nj so̱ꞌ á. ꞌO̱ se a̱j nahuun sa̱ꞌ taꞌníí so̱ꞌ na̱nj ado̱nj ―taj Jesús rihaan soꞌ a. Ga̱a ne̱ cuchumán rá snóꞌo yoꞌ nana̱ cataj xnaꞌanj Jesús rihaan soꞌ, ne̱ cavii soꞌ caꞌanj soꞌ a.

San Juan 4:50 Iomraidhean Croise

San Mateo 8:13

Canica̱j uún Jesús cataj Jesús rihaan tanuu capitán yoꞌ a: ―Caꞌve̱e caꞌa̱nj so̱ꞌ ya̱j a. Ya̱ cuchumán rá so̱ꞌ se vaa nahu̱un se‑mo̱zó so̱ꞌ qui̱ꞌyáj a. Ne̱ nahu̱un soꞌ chugua̱nj ―taj Jesús rihaan soꞌ a. Ne̱ veé ma̱an orá yoꞌ roꞌ, nahuun sa̱ꞌ se‑mo̱zó tanuu capitán yoꞌ, quiꞌyaj Jesús ado̱nj.

San Lucas 17:14

Ga̱a ne̱ queneꞌen Jesús man nij soꞌ, ga̱a ne̱ cataj Jesús rihaan nij soꞌ a: ―Cavi̱i̱ soj caꞌa̱nj soj, ne̱ ti̱haa̱n soj man soj rihaan nij xrej á ―taj Jesús rihaan nij soꞌ a. Dan me se cuno nij soꞌ nana̱ caꞌmii Jesús, ne̱ cavii nij soꞌ, caꞌanj nij soꞌ, ne̱ ga̱a va̱j nij soꞌ chrej, ne̱ nahuun sa̱ꞌ cunuda̱nj nij soꞌ a.

San Juan 11:40

Ga̱a ne̱ cataj Jesús rihaan noꞌ a: ―A̱j cataj xnaꞌanj ꞌu̱nj rihaan so̱ꞌ se vaa sese cuchuma̱n rá so̱ꞌ ni̱ꞌyaj so̱ꞌ manj, ga̱a ne̱ que̱neꞌén so̱ꞌ se vaa niꞌndaj ya̱ nucua̱j Yaꞌanj á ―taj Jesús rihaan Marta yoꞌ a.

San Juan 4:49

Ga̱a ne̱ cataj síí nica̱j suun yoꞌ rihaan Jesús a: ―Da̱j doj cavi̱ꞌ taꞌníj, na̱nj señor. Qui̱ꞌyáá so̱ꞌ se ndoꞌo uxrá, ne̱ caꞌa̱nj níꞌ do̱j rugua̱nj ―taj soꞌ, cachíín niꞌya̱j soꞌ rihaan Jesús a.

San Juan 4:51

Veé dan, ne̱ tiha̱j va̱j nanꞌ soꞌ chrej, ne̱ caꞌanj cara̱nꞌ nij se‑mo̱zó soꞌ man soꞌ, ne̱ cataj xnaꞌanj nij mozó yoꞌ rihaan soꞌ se vaa a̱j nahuun sa̱ꞌ taꞌníí soꞌ na̱nj ado̱nj.

Hebreos 11:19

Ne̱ nda̱ꞌ se guun ndoꞌo rá Abraham caꞌnga̱a̱ taꞌníí taꞌnij siꞌno̱ soꞌ, tza̱j ne̱ caꞌvej rá soꞌ ticavi̱ꞌ soꞌ man Isaac rihaan Yaꞌanj na̱nj chugua̱nj. ꞌO̱ se guun rá soꞌ se vaa gu̱un nucua̱j Yaꞌanj cunu̱u iꞌna̱ꞌ uún yuvii̱ quiꞌya̱j Yaꞌanj asa̱ꞌ caviꞌ yuvii̱ a. Dan me se ya̱ uxrá, ne̱ da̱j doj se caviꞌ Isaac, quiꞌyaj Abraham, tza̱j ne̱ caráán Yaꞌanj rihaan soꞌ, ne̱ tanáj uún Yaꞌanj man Isaac rihaan Abraham a.