San Juan 4:48 - Triqui de San Juan Copala

⁴⁸ Ga̱a ne̱ cataj Jesús rihaan soꞌ a: ―Sese se̱ quiꞌyáj da̱j a̱ suun sa̱ꞌ noco̱o queneꞌe̱n soj, ne̱ daj chiha̱a̱ míj se̱ cuchumán rá soj ni̱ꞌyaj soj manj maꞌ ―taj Jesús rihaan soꞌ a.

San Juan 4:48 Iomraidhean Croise

San Mateo 16:1

Ga̱a ne̱ cuchiꞌ nij síí fariseo cuchiꞌ nij síí saduceo cuchiꞌ rihaan Jesús, ne̱ me rá nij soꞌ queneꞌe̱n nij soꞌ sese ya̱ Síí Caꞌnéé Yaꞌanj me Jesús a. Cheꞌé dan cachíín niꞌya̱j nij soꞌ rihaan Jesús se vaa ra̱cuíj Yaꞌanj man Jesús, ne̱ quiꞌya̱j Jesús ꞌo̱ suun sa̱ꞌ noco̱o queneꞌe̱n nij soꞌ a.

San Mateo 24:24

ꞌO̱ se caꞌna̱ꞌ uxrá síí ne̱ síí cata̱j se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me nij soꞌ, ne̱ caꞌna̱ꞌ uxrá síí ne̱ síí cata̱j se vaa nataꞌ nij soꞌ snana̱ Yaꞌanj, ne̱ quiꞌya̱j nij soꞌ da̱j a̱ suun noco̱o, ne̱ tiha̱ꞌ yuꞌunj nij soꞌ man cunuda̱nj nij yuvii̱ ma̱n rihaan chumii̱ na̱nj ado̱nj. Nda̱a nij síí narii Yaꞌanj man roꞌ, sese taj va̱j Yaꞌanj tu̱mé man nij soꞌ, ne̱ cuchuma̱n rá nij soꞌ ni̱ꞌyaj nij soꞌ man nij síí tihaꞌ yuꞌunj yoꞌ na̱nj ado̱nj.

San Mateo 27:42

―Tinanii síí nihánj man ꞌó yuvii̱ rihaan sayuun, rá soꞌ, tza̱j ne̱ ne gu̱un nucua̱j soꞌ ti̱nanii soꞌ man maꞌa̱n soꞌ rihaan rcutze̱ a̱ maan asânj. Sese ya̱ ya̱ si̱j nica̱j suun rey uun chij rihaan níꞌ si̱j israelitá me soꞌ, ne̱ nani̱j soꞌ cuano̱ rihaan yoꞌóó, ne̱ cuchuma̱n rá níꞌ ni̱ꞌyaj níꞌ man soꞌ ado̱nj.

San Marcos 13:22

ꞌO̱ se caꞌna̱ꞌ uxrá síí aꞌmii ne̱ cata̱j se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me nij soꞌ, ne̱ caꞌna̱ꞌ uxrá síí aꞌmii ne̱ cata̱j se vaa nataꞌ nij soꞌ snana̱ Yaꞌanj a. Ne̱ quiꞌya̱j nij soꞌ da̱j a̱ nij suun noco̱o ga̱ suun quiꞌya̱j caꞌa̱nj rá nij yuvii̱, cheꞌé rej tiha̱ꞌ yuꞌunj nij soꞌ man cunuda̱nj nij yuvii̱ na̱nj ado̱nj. Ne̱ nda̱a gu̱un rá nij soꞌ tiha̱ꞌ yuꞌunj nij soꞌ man nij síí narii Yaꞌanj, tza̱j ne̱ se̱ caꞌve̱e quiꞌya̱j nij soꞌ da̱nj maꞌ.

San Lucas 10:18

Ne̱ cataj Jesús rihaan nij soꞌ a: ―Neꞌen yá ꞌu̱nj cayuu se nucua̱j nica̱j Síí Chre̱e, ne̱ ase uun raa̱n roꞌ, me cayuu se nucua̱j nica̱j Síí Chre̱e ado̱nj.

San Lucas 16:31

’Tza̱j ne̱ cataj Abraham rihaan soꞌ a: “Sese se̱ caꞌvej rá nij soꞌ cuno̱ nij soꞌ rihaan Moisés do̱ꞌ, rihaan nij síí nataꞌ snana̱ Yaꞌanj ga̱a naá do̱ꞌ, ne̱ caꞌve̱e se cunu̱u iꞌna̱ꞌ uún ꞌo̱ síí caviꞌ, tza̱j ne̱ se̱ cuchumán rá nij soꞌ ni̱ꞌyaj nij soꞌ man soꞌ a̱ maꞌ”, taj Abraham rihaan ruꞌvee yoꞌ a ―taj Jesús a. Veé da̱nj quisíj cuentó nanó soꞌ a.

San Juan 12:37

Nda̱ꞌ se uxrá quiꞌyaj Jesús suun sa̱ꞌ noco̱o niꞌya̱j nij yuvii̱, quiꞌyaj Yaꞌanj, tza̱j ne̱ ne cuchuma̱n rá nij yuvii̱ ni̱ꞌyaj nij soꞌ man soꞌ a̱ maꞌ.

San Juan 15:24

Ne̱ suun sa̱ꞌ noco̱o quiꞌyáj queneꞌen nij soꞌ me se ne quiꞌya̱j a̱ ꞌó yuvii̱ suun sa̱ꞌ noco̱o vaa da̱nj maꞌ. Ne̱ sese ne qui̱ꞌyáj suun sa̱ꞌ noco̱o yoꞌ queneꞌe̱n nij soꞌ, ne̱ ne tumé nij soꞌ cacunꞌ tza̱j maꞌ. Tza̱j ne̱ ya̱j me se a̱j queneꞌen nij soꞌ nij suun sa̱ꞌ noco̱o quiꞌyáj, ne̱ quitáá riꞌyunj nij soꞌ mán ꞌu̱nj do̱ꞌ, man Réj Yaꞌanj do̱ꞌ na̱nj ado̱nj.

San Juan 2:18

Ga̱a ne̱ cataj nij síí uun chij rihaan nij yuvii̱ israelitá rihaan Jesús a: ―Qui̱ꞌyáá so̱ꞌ ꞌo̱ suun sa̱ꞌ noco̱o queneꞌe̱n núj, ga̱a ne̱ gu̱un ya̱ rá núj se vaa no̱ xcúún so̱ꞌ qui̱ꞌyáá so̱ꞌ da̱nj ado̱nj ―taj nij soꞌ rihaan Jesús a.

San Juan 20:29

Ga̱a ne̱ cataj Jesús rihaan soꞌ a: ―Cheꞌé se queneꞌen yá so̱ꞌ manj, ga̱a ne̱ amán rá so̱ꞌ niꞌya̱j so̱ꞌ manj na̱nj á. Tza̱j ne̱ vaa cheꞌé gu̱un niha̱ꞌ rá nij síí amán rá niꞌya̱j manj nda̱ꞌ se ne queneꞌe̱n nij soꞌ manj maꞌ. ꞌO̱ se cavi̱i̱ sa̱ꞌ ya̱ nij soꞌ ado̱nj ―taj Jesús rihaan Tomás a.

San Juan 4:49

Ga̱a ne̱ cataj síí nica̱j suun yoꞌ rihaan Jesús a: ―Da̱j doj cavi̱ꞌ taꞌníj, na̱nj señor. Qui̱ꞌyáá so̱ꞌ se ndoꞌo uxrá, ne̱ caꞌa̱nj níꞌ do̱j rugua̱nj ―taj soꞌ, cachíín niꞌya̱j soꞌ rihaan Jesús a.

Hechos 14:3

Dan me se queꞌe̱e̱ güii sca̱ꞌ na̱nj caꞌmii natáj Pabló ga̱ Bernabé snana̱ Yaꞌanj Si̱j ꞌNi̱j Raꞌa man níꞌ a. Ne̱ Síí ꞌNi̱j Raꞌa man níꞌ roꞌ, racuíj man ro̱j soꞌ se vaa guun nucua̱j ro̱j soꞌ quiꞌyaj ndoꞌo ro̱j soꞌ suun sa̱ꞌ noco̱o niꞌya̱j nij yuvii̱, cheꞌé rej cuchuma̱n rá nij yuvii̱ se vaa ya̱ ya̱ vaa snana̱ ro̱j soꞌ nana̱ cheꞌé se lu̱j quiꞌyaj Síí ꞌNi̱j Raꞌa man níꞌ cheꞌé níꞌ a.

Hechos 15:12

Dan me se caꞌneꞌ rá cunuda̱nj nij soꞌ, ne̱ a̱ doj ne caꞌmi̱i̱ nij soꞌ a̱ maꞌ. Ma̱an se sa̱ꞌ uxrá nanó xre̱j nij soꞌ ga̱a cataj xnaꞌanj Bernabé ga̱ Pabló cheꞌé da̱j a̱ nij suun sa̱ꞌ noco̱o guun nucua̱j ro̱j soꞌ quiꞌyaj ro̱j soꞌ scaꞌnúj nij síí yaníj quiꞌyaj Yaꞌanj a.

Hechos 2:19

Dan me se caꞌa̱nj ndoꞌo rá soj cheꞌé nij rasu̱u̱n noco̱o queneꞌe̱n soj rej xta̱ꞌ, qui̱ꞌyáj, ne̱ ga̱a̱ ndoꞌo rasu̱u̱n noco̱o queneꞌe̱n soj rihaan chumii̱, qui̱ꞌyáj, ne̱ queneꞌe̱n soj ton do̱ꞌ, yaꞌan do̱ꞌ, yachruu̱ do̱ꞌ a.

Hechos 2:22

’Ne̱ cuano̱ nihánj me se cuno̱ soj si̱j israelitá nana̱ nihánj á. Dan me se a̱j queneꞌen nij soj da̱j quiꞌyaj Jesús síí cavii chumanꞌ Nazaret, se vaa guun nucua̱j soꞌ quiꞌyaj ndoꞌo soꞌ da̱j a̱ nij suun sa̱ꞌ noco̱o tihaa̱n se vaa ya̱ Síí Caꞌnéé Yaꞌanj me soꞌ ado̱nj.

Hechos 2:43

Ne̱ cunuda̱nj nij yuvii̱ roꞌ, cuchuꞌviꞌ ndoꞌo nij soꞌ niꞌya̱j nij soꞌ da̱j a̱ nij suun sa̱ꞌ noco̱o quiꞌyaj nij síí ata̱ suun caꞌa̱nj nata̱ꞌ snana̱ Jesús a.

Hechos 4:30

Tu̱cuá so̱ꞌ raꞌá so̱ꞌ, ne̱ qui̱ꞌyáá so̱ꞌ se vaa nahu̱un sa̱ꞌ yuvii̱ do̱ꞌ, qui̱ꞌyáá so̱ꞌ da̱j a̱ suun sa̱ꞌ noco̱o do̱ꞌ, cheꞌé se‑chuvi̱i Taꞌníí so̱ꞌ Jesús síí sa̱ꞌ ina̱nj á ―taj ta̱ranꞌ nij soꞌ, cachíín niꞌya̱j nij soꞌ rihaan Yaꞌanj a.

Hechos 5:12

Ga̱a ne̱ quiꞌyaj ndoꞌo nij síí ata̱ suun caꞌa̱nj nata̱ꞌ snana̱ Jesús suun sa̱ꞌ noco̱o quiꞌyaj se vaa caꞌanj rá nij yuvii̱ ya̱nj chumanꞌ Jerusalén a. Ne̱ ꞌo̱ vaa rá nij síí noco̱ꞌ man Jesús, ne̱ cunuu chre̱ꞌ nij soꞌ rej ya̱nj nuvií noco̱o rá veꞌ cheꞌe̱e̱ cuꞌna̱j Corredor Salomón a.

Hechos 6:8

Dan me se síí cuꞌna̱j Esteban me se quiꞌyaj uxrá Yaꞌanj se lu̱j ga̱ soꞌ, ne̱ guun nucua̱j ndoꞌo soꞌ, ne̱ dan me se quiꞌyaj ndoꞌo soꞌ suun sa̱ꞌ noco̱o quiꞌyaj se vaa caꞌanj rá nij yuvii̱ a.

Hechos 7:36

Dan me se curiha̱nj nij yuvii̱ israelitá yoꞌóó Egiptó, quiꞌyaj Moisés, ne̱ quiꞌyaj ndoꞌo soꞌ da̱j a̱ suun sa̱ꞌ noco̱o quiꞌyaj caráyaꞌa̱nj nij yuvii̱ rej yoꞌóó Egiptó do̱ꞌ, rej na̱j na yaꞌa̱nj cuꞌna̱j Na Yaꞌa̱nj Veꞌe̱j do̱ꞌ, rej tacaan va̱j nij soꞌ vi̱j chiha̱a̱ (40) ya̱ yoꞌ do̱ꞌ a.

Romanos 15:19

Dan me se guun nu̱cuáá ꞌu̱nj ꞌyáá ꞌu̱nj da̱j a̱ nij suun sa̱ꞌ noco̱o, ꞌyaj snucua̱j Nimán Yaꞌanj a. Ga̱a ne̱ xcaj yuvii̱ ya̱nj nu̱ꞌ anica̱j chumanꞌ Jerusalén cuentá cheꞌé nana̱ sa̱ꞌ cheꞌé Cristó, ne̱ nda̱a yuvii̱ ya̱nj ꞌó nij chumanꞌ ga̱nꞌ doj nda̱a estadó cuꞌna̱j Ilírico roꞌ, xcaj cuentá cheꞌé nana̱ sa̱ꞌ cheꞌé Cristó, quiꞌyáj a.

1 Corintios 1:22

Ne̱ xa̱ꞌ nij yuvii̱ israelitá, tza̱j ne̱ me uxrá rá nij soꞌ quiꞌya̱j yuvii̱ suun sa̱ꞌ noco̱o queneꞌe̱n nij soꞌ se vaa ya̱ vaa nana̱ tucuꞌyón nij soꞌ a. Ne̱ xa̱ꞌ nij yuvii̱ yaníj, tza̱j ne̱ me rá nij soꞌ cuno̱ nij soꞌ nana̱ cu̱u ado̱nj.

2 Corintios 12:12

ꞌO̱ se da̱j a̱ nij suun sa̱ꞌ noco̱o ꞌyaj nij síí cuneꞌ Jesucristó roꞌ, quiꞌyáj niꞌya̱j soj, ne̱ dan me se naquiꞌyaj na̱j ndoꞌo ꞌu̱nj nimanj, ne̱ ne caꞌne̱ꞌ raj ga̱ suun ꞌyaj nij suun sa̱ꞌ noco̱o yoꞌ maꞌ.

2 Tesalonicenses 2:9

Síí Chre̱e me síí quiꞌya̱j caꞌna̱ꞌ síí chiꞌi̱i̱ yoꞌ, ne̱ maꞌa̱n Síí Chre̱e quiꞌya̱j gu̱un nucua̱j síí chiꞌi̱i̱ yoꞌ quiꞌya̱j soꞌ da̱j a̱ suun noco̱o ni̱ꞌyaj yuvii̱, cheꞌé yan tiha̱ꞌ yuꞌunj soꞌ man nij yuvii̱ se vaa ya̱ Yaꞌanj me soꞌ a.

Hebreos 2:4

Tihaa̱n Yaꞌanj se vaa ya̱ vaa rej nani̱i̱ níꞌ rihaan sayuun cheꞌé se rqué Nimán Yaꞌanj se nucua̱j man nij síí noco̱ꞌ man Cristó, ne̱ quiꞌyaj nij soꞌ da̱j a̱ suun sa̱ꞌ noco̱o, da̱j se me rá maꞌa̱n Yaꞌanj a.