San Juan 4:47 - Triqui de San Juan Copala

⁴⁷ Dan me se cuchiꞌ nana̱ rihaan síí nica̱j suun yoꞌ se vaa cavii Jesús estadó Judea caꞌnaꞌ Jesús estadó Galilea a. Ga̱a ne̱ caꞌanj soꞌ cuchiꞌ soꞌ rihaan Jesús, ne̱ cachíín niꞌya̱j uxrá soꞌ rihaan Jesús se vaa caꞌa̱nj Jesús quiꞌya̱j conoꞌó Jesús man taꞌníí soꞌ a. ꞌO̱ se da̱j doj cavi̱ꞌ taꞌníí soꞌ, taj soꞌ a.

San Juan 4:47 Iomraidhean Croise

San Mateo 2:1

Dan me se caꞌngaa Jesús chumanꞌ Belén chumanꞌ na̱j estadó Judea, ne̱ síí cuꞌna̱j Herodes me síí nica̱j suun rey uun chij rej yoꞌ ga̱a caꞌngaa Jesús a. Quisíj caꞌngaa Jesús, ga̱a ne̱ caꞌnaꞌ do̱j nij síí tucuꞌyón ndoꞌo cheꞌé yatiꞌ nda̱a chumanꞌ cuꞌna̱j Jerusalén, ne̱ síí cavii rej síj güii me nij soꞌ a.

San Marcos 10:47

Ga̱a ne̱ xcaj soꞌ cuentá se vaa Jesús síí cavii chumanꞌ Nazaret me síí cache̱n rej ya̱nj soꞌ, ne̱ cheꞌé dan guun cheꞌe̱ soꞌ caguáj soꞌ, ne̱ cataj soꞌ a: ―Taꞌníí Taꞌnij Siꞌno̱ David síí cayáán ga̱a naá mé so̱ꞌ, Jesús. Cunu̱u ꞌe̱e̱ rá so̱ꞌ ni̱ꞌyaj so̱ꞌ manj rugua̱nj ―taj soꞌ a.

San Lucas 8:41

Ga̱a ne̱ dan me se caꞌnaꞌ ꞌo̱ soꞌ rihaan Jesús, ne̱ Jairo cuꞌna̱j soꞌ, ne̱ soꞌ me síí ꞌni̱j raꞌa ꞌo̱ veꞌ tucuꞌyón nij yuvii̱ israelitá stucua̱nj Moisés, ne̱ dan me se cayáán ru̱j soꞌ rihaan Jesús, ne̱ rquee̱ soꞌ rihaan Jesús se vaa caꞌa̱nj Jesús tucuá soꞌ a.

San Juan 11:21

Ga̱a ne̱ cataj Marta rihaan Jesús a: ―Sese cayáán so̱ꞌ nihánj, ne̱ ne cavi̱ꞌ raꞌvij asuun tza̱j, maan Señor.

San Juan 11:32

Dan me se ga̱a cuchiꞌ Mariá rej nicu̱nꞌ Jesús, ga̱a ne̱ queneꞌen noꞌ man soꞌ, ga̱a ne̱ cayáán ru̱j noꞌ rihaan Jesús, ga̱a ne̱ cataj noꞌ a: ―Sese cayáán so̱ꞌ nihánj, ne̱ ne cavi̱ꞌ raꞌvij asuun tza̱j, maan Señor ―taj noꞌ rihaan Jesús a.

San Juan 4:3

Dan me se xcaj Jesús cuentá se vaa cuchiꞌ nana̱ yoꞌ rihaan nij síí fariseo, ga̱a ne̱ cavii soꞌ estadó Judea caꞌanj soꞌ estadó Galilea a.

San Juan 4:54

Dan me se quisíj vi̱j suun sa̱ꞌ noco̱o quiꞌyaj Jesús tihaa̱n me síí me ya̱ soꞌ ga̱a cavii soꞌ estadó Judea caꞌanj soꞌ estadó Galilea a.

Hechos 9:38

Ne̱ dan me se nichru̱nꞌ na̱j chumanꞌ Lida ga̱ chumanꞌ Jope, ne̱ cuchiꞌ nana̱ rihaan nij síí tucuꞌyón snana̱ Jesús ya̱nj chumanꞌ Jope se vaa va̱j Pedró chumanꞌ Lida yoꞌ, ne̱ cheꞌé dan caꞌnéé nij soꞌ man vi̱j snóꞌo cuchi̱ꞌ ro̱j soꞌ rihaan Pedró a. Dan me se cuchiꞌ ro̱j soꞌ rihaan Pedró, ne̱ rquee̱ ro̱j soꞌ rihaan soꞌ a: ―Se̱ guun ra̱a̱n so̱ꞌ cuchi̱ꞌ so̱ꞌ rihaan núj si̱j ya̱nj chumanꞌ Jope maꞌ ―taj ro̱j soꞌ rihaan Pedró a.