San Juan 4:3 - Triqui de San Juan Copala

³ Dan me se xcaj Jesús cuentá se vaa cuchiꞌ nana̱ yoꞌ rihaan nij síí fariseo, ga̱a ne̱ cavii soꞌ estadó Judea caꞌanj soꞌ estadó Galilea a.

San Juan 4:3 Iomraidhean Croise

San Mateo 10:23

Ne̱ sese quiꞌya̱j nij síí ma̱n ꞌo̱ chumanꞌ sayuun man soj, ne̱ cuna̱nj soj caꞌa̱nj soj ꞌó chumanꞌ á. Ya̱ ya̱ cata̱j xnaꞌanj ꞌu̱nj rihaan soj se vaa se̱ canó cunuda̱nj nij chumanꞌ ma̱n nij yuvii̱ israelitá caꞌa̱nj soj, ne̱ caꞌna̱ꞌ uún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj ado̱nj.

San Marcos 3:7

Ga̱a ne̱ cavii Jesús ga̱ nij síí tucuꞌyón snana̱ soꞌ rej yoꞌ, ne̱ caꞌanj soꞌ tuꞌva na laguaná a. Ne̱ canocoꞌ ri̱i̱ uxrá yuvii̱ man soꞌ a. Dan me se síí ma̱n estadó Galilea do̱ꞌ,

San Lucas 17:11

Dan me se va̱j Jesús chrej caꞌanj chumanꞌ Jerusalén, ne̱ cachéé soꞌ chrej uun ra̱nꞌ estadó Samaria ga̱ estadó Galilea,

San Juan 1:43

Dan me se ꞌó güii uún me rá Jesús cavi̱i̱ soꞌ caꞌa̱nj soꞌ estadó Galilea, ne̱ nariꞌ Jesús man síí cuꞌna̱j Felipé, ne̱ cataj Jesús rihaan soꞌ a: ―Ca̱nocóꞌ so̱ꞌ manj, caꞌa̱nj níꞌ á ―taj Jesús rihaan soꞌ a.

San Juan 10:40

Ga̱a ne̱ cavii uún Jesús caꞌanj soꞌ níchrej tuꞌva chráá cuꞌna̱j Jordán nda̱a rej cutaꞌ ne síí cuꞌna̱j Juan man yuvii̱ ga̱a chéé soꞌ a. Ga̱a ne̱ guun ra̱a̱n soꞌ rej yoꞌ a.

San Juan 11:54

Cheꞌé dan me ne caꞌve̱e cache̱e̱ ranga̱ꞌ soꞌ estadó Judea maꞌ. Tana̱nj cavii soꞌ caꞌanj soꞌ tuꞌva rej taj va̱j yuvii̱ mán, ga̱a ne̱ catúj soꞌ ꞌo̱ chumanꞌ cuꞌna̱j Efraín, ga̱a ne̱ caranꞌ soꞌ chumanꞌ yoꞌ ga̱ nij síí tucuꞌyón snana̱ soꞌ a.

San Juan 2:11

Nihánj me se guun cheꞌe̱ Jesús quiꞌyaj Jesús suun sa̱ꞌ noco̱o tihaa̱n me síí me ya̱ soꞌ, ne̱ nu̱ꞌ nihánj me se vaa quiꞌyaj soꞌ chumanꞌ Caná chumanꞌ na̱j estadó Galilea a. Da̱nj quiꞌyaj soꞌ, ne̱ queneꞌen yuvii̱ se vaa niꞌndaj ya̱ sa̱ꞌ vaa soꞌ, ne̱ cuchumán rá nij síí tucuꞌyón snana̱ soꞌ niꞌya̱j nij soꞌ man soꞌ a.

San Juan 3:22

Dan me se ga̱a quisíj nu̱ꞌ se vaa quiꞌyaj Jesús chumanꞌ Jerusalén, ga̱a ne̱ curiha̱nj Jesús do̱ꞌ, nij síí tucuꞌyón snana̱ soꞌ do̱ꞌ, chumanꞌ Jerusalén, ne̱ caꞌanj nij soꞌ estadó Judea, ne̱ veé dan va̱j nij soꞌ cutaꞌ ne nij soꞌ man yuvii̱ a.

San Juan 3:32

Ne̱ aꞌmii soꞌ cheꞌé se vaa queneꞌen soꞌ rej xta̱ꞌ do̱ꞌ, cheꞌé nana̱ cuno soꞌ rej xta̱ꞌ do̱ꞌ, ne̱ taj va̱j síí amán rá snana̱ soꞌ maꞌ.

San Juan 4:47

Dan me se cuchiꞌ nana̱ rihaan síí nica̱j suun yoꞌ se vaa cavii Jesús estadó Judea caꞌnaꞌ Jesús estadó Galilea a. Ga̱a ne̱ caꞌanj soꞌ cuchiꞌ soꞌ rihaan Jesús, ne̱ cachíín niꞌya̱j uxrá soꞌ rihaan Jesús se vaa caꞌa̱nj Jesús quiꞌya̱j conoꞌó Jesús man taꞌníí soꞌ a. ꞌO̱ se da̱j doj cavi̱ꞌ taꞌníí soꞌ, taj soꞌ a.

San Juan 7:1

Quisíj caꞌmii Jesús nu̱ꞌ nana̱ dan, ga̱a ne̱ cachéé Jesús estadó Galilea a. ꞌO̱ se ne caꞌve̱j rá soꞌ cache̱e̱ soꞌ estadó Judea, cheꞌé se nanoꞌ nij síí uun chij rihaan nij yuvii̱ israelitá man soꞌ, ne̱ ticavi̱ꞌ nij soꞌ man Jesús, rá nij soꞌ a.