San Juan 21:7 - Triqui de San Juan Copala

⁷ Cheꞌé dan caꞌmii ꞌo̱ síí tucuꞌyón snana̱ Jesús síí ꞌe̱e̱ rá Jesús man rihaan Pedró, cataj soꞌ a: ―Jesús Si̱j ꞌNi̱j Raꞌa man níꞌ me soꞌ chugua̱nj ―taj soꞌ a. Dan me se cuno Simón Pedró nana̱ se vaa Síí ꞌNi̱j Raꞌa man níꞌ me síí yoꞌ, ga̱a ne̱ cheꞌé se a̱j quirii soꞌ se‑co̱toó soꞌ, cheꞌé dan nanuû raꞌya̱nj soꞌ se‑co̱toó soꞌ, ga̱a ne̱ tagüéj soꞌ man soꞌ rihaan na yoꞌ a.

San Juan 21:7 Iomraidhean Croise

San Marcos 11:3

Ne̱ sese xna̱ꞌanj nii man ro̱j so̱j me cheꞌé ꞌyaj ro̱j so̱j da̱nj ga̱ burró, ne̱ cata̱j ro̱j so̱j a: “Síí ꞌNi̱j Raꞌa man níꞌ achiin xcuu nihánj rihaan chugua̱nj. Ne̱ rque do̱j nanica̱j uún xoꞌ, quiꞌya̱j soꞌ na̱nj á”, cata̱j ro̱j so̱j á ―taj Jesús a.

San Lucas 12:35

Ne̱ cataj uún Jesús rihaan nij soꞌ a: ―Ase vaa síí ꞌni̱j xraan nuj catuu̱n roꞌ, da̱nj ga̱a̱ soj á. Ase vaa síí nica̱j agaꞌ chuguu̱n acoꞌ yaꞌan roꞌ, da̱nj ga̱a̱ soj á.

San Lucas 2:11

ꞌO̱ se cuanꞌ me se caꞌngaa ꞌo̱ Síí Ti̱nanii man Yuvii̱ rihaan Sayuun chumanꞌ chiháán rey cuꞌna̱j David, ne̱ neꞌej yoꞌ roꞌ, me Síí Caꞌnéé Yaꞌanj, ne̱ Si̱j Qui̱ꞌnij Raꞌa man níꞌ me soꞌ ado̱nj.

San Lucas 7:47

Cu̱nó so̱ꞌ caꞌmi̱j á. ꞌO̱ se nda̱ꞌ se níí tumé uxrá cacunꞌ me noꞌ, tza̱j ne̱ cheꞌé se caráyaꞌa̱nj ndoꞌo noꞌ niꞌya̱j noꞌ manj roꞌ, cheꞌé dan neꞌen níꞌ se vaa navij nu̱ꞌ scacu̱nꞌ noꞌ quiꞌyaj Yaꞌanj na̱nj ado̱nj. Ne̱ xa̱ꞌ síí navij do̱j scacu̱nꞌ quiꞌyaj Yaꞌanj, tza̱j ne̱ do̱j aráyaꞌa̱nj soꞌ niꞌya̱j soꞌ manj na̱nj ado̱nj ―taj Jesús rihaan Simón a.

San Juan 13:23

Dan me se ya̱nj ꞌo̱ soꞌ xꞌnúú Jesús, ne̱ nichru̱nꞌ uxrá ne soꞌ ga̱ Jesús, ne̱ síí ꞌe̱e̱ rá Jesús man me soꞌ a.

San Juan 19:26

Dan me se queneꞌen Jesús man nii soꞌ do̱ꞌ, man síí tucuꞌyón snana̱ soꞌ síí ꞌe̱e̱ rá soꞌ man do̱ꞌ, se vaa nicunꞌ rcuaꞌa̱a̱n ro̱j soꞌ rihaan soꞌ, ne̱ cataj soꞌ rihaan nii soꞌ a: ―Síí nihánj gu̱un taꞌníí so̱ꞌ, nahiin ―taj Jesús rihaan nii soꞌ a.

San Juan 20:2

Cheꞌé dan cunánj noꞌ, ne̱ cuchiꞌ noꞌ rihaan síí cuꞌna̱j Simón Pedró do̱ꞌ, rihaan ꞌó síí tucuꞌyón snana̱ Jesús síí ꞌe̱e̱ rá Jesús man do̱ꞌ a. Ne̱ cataj noꞌ rihaan ro̱j soꞌ a: ―Quirii nii man Síí ꞌNi̱j Raꞌa man níꞌ rque yuꞌuj na̱nj á. Ne̱ ne neꞌen núj me rej caꞌanj nica̱j nii man soꞌ a̱ maꞌ ―taj noꞌ rihaan ro̱j soꞌ a.

San Juan 20:20

Quisíj caꞌmii soꞌ da̱nj, ga̱a ne̱ tihaa̱n soꞌ raꞌa soꞌ tihaa̱n soꞌ xꞌnúú soꞌ tihaa̱n soꞌ rihaan nij soꞌ a. Ga̱a queneꞌen nij soꞌ nu̱ꞌ yoꞌ, ga̱a ne̱ guun niha̱ꞌ ya̱ rá nimán nij síí tucuꞌyón snana̱ soꞌ niꞌya̱j nij soꞌ man Síí ꞌNi̱j Raꞌa man níꞌ a.

San Juan 20:28

Ga̱a ne̱ cataj Tomás rihaan soꞌ a: ―So̱ꞌ me Síí ꞌNi̱j Raꞌa manj, ne̱ so̱ꞌ me Taꞌanj ꞌu̱nj ado̱nj ―taj soꞌ rihaan Jesús a.

San Juan 21:20

Ga̱a ne̱ canica̱j Pedró, ne̱ queneꞌen soꞌ man ꞌó síí tucuꞌyón snana̱ Jesús síí ꞌe̱e̱ rá Jesús man a. Soꞌ roꞌ, me síí cayáán rej xꞌnu̱j Jesús ga̱a chá xtiꞌno̱ nij soꞌ ga̱a rque̱, ne̱ soꞌ me síí xnáꞌanj man Jesús me síí ta̱cuachén man Jesús rihaan nij síí ta̱j riꞌyunj man Jesús a.

San Juan 21:24

Dan me se síí tucuꞌyón snana̱ Jesús nihánj me se soꞌ me síí cataj xnaꞌanj cheꞌé nu̱ꞌ rasu̱u̱n no̱ rihaan yanj nihánj, ne̱ soꞌ me síí cachrón nana̱ rihaan yanj cheꞌé rasu̱u̱n nihánj ado̱nj. Ne̱ neꞌen núj se vaa ya̱ uxrá vaa nu̱ꞌ nana̱ cataj xnaꞌanj soꞌ na̱nj ado̱nj.

San Juan 21:8

Tza̱j ne̱ ꞌó nij soꞌ roꞌ, quináj rque rihoo yoꞌ, ne̱ tiguíj nij soꞌ chruun man rihoo yoꞌ, ne̱ nica̱j nij soꞌ rihoo caꞌanj nij soꞌ nda̱a tuꞌva na laguaná yoꞌ a. Ne̱ o̱rúnꞌ cientó metró tiguíj raꞌa nij soꞌ man rihoo rque na, ne̱ cuxuun nij soꞌ nanj caraa xcuaj yoꞌ rej tuꞌva na a.

Hechos 10:36

A̱j neꞌen nij soj nana̱ sa̱ꞌ caꞌnéé Yaꞌanj rihaan núj si̱j israelitá se vaa veꞌé naca̱j Yaꞌanj man núj cheꞌé se vaa quiꞌyaj Jesucristó cheꞌé núj, ne̱ Jesucristó roꞌ, me Síí ꞌNi̱j Raꞌa man cunuda̱nj yuvii̱ ado̱nj.

Hechos 2:36

Cheꞌé dan vaa cheꞌé ndoꞌo xca̱j ya̱ ta̱ranꞌ soj si̱j israelitá cuentá se vaa xa̱ꞌ Jesús síí cachrón maꞌa̱n soj rihaan rcutze̱, tza̱j ne̱ Síí ꞌNi̱j Raꞌa man níꞌ me soꞌ quiꞌyaj Yaꞌanj a. Ne̱ Síí Caꞌnéé Yaꞌanj Ti̱nanii man Yuvii̱ rihaan Sayuun me uún soꞌ quiꞌyaj Yaꞌanj ado̱nj ―taj Pedró rihaan nij yuvii̱ cunuu chre̱ꞌ yoꞌ a.

1 Corintios 15:47

Xa̱ꞌ snóꞌo quiꞌyaj Yaꞌanj asino ya̱a̱n, tza̱j ne̱ yoꞌóó u̱u̱n guun soꞌ, tza̱j ne̱ xa̱ꞌ ꞌó snóꞌo, tza̱j ne̱ Cristó me soꞌ, ne̱ soꞌ me síí cavii rej xta̱ꞌ caꞌnaꞌ rihaan níꞌ ado̱nj.

2 Corintios 5:14

ꞌO̱ se neꞌen núj se vaa ꞌe̱e̱ rá Cristó man cunuda̱nj yuvii̱, ne̱ cheꞌé dan ꞌo̱ me rá núj cata̱j xnaꞌanj núj rihaan yuvii̱ cheꞌé soꞌ a. ꞌO̱ se guun ya̱ rá núj se vaa o̱rúnꞌ Cristó me síí caviꞌ cheꞌé cunuda̱nj yuvii̱, ne̱ cheꞌé dan ase vaa síí caviꞌ roꞌ, da̱nj ꞌyaj cunuda̱nj nij yuvii̱ noco̱ꞌ man soꞌ niꞌya̱j nij soꞌ chrej chiꞌi̱i̱ a.

Santiago 2:1

Amán rá soj niꞌya̱j soj man Jesucristó Si̱j ꞌNi̱j Raꞌa man níꞌ, síí niꞌndaj ya̱ veꞌé vaa, tinu̱j, nocoj. Cheꞌé dan se̱ guun cata̱j soj se vaa vaa se uun doj síí ruꞌvee rihaan síí nique̱ maꞌ.