San Juan 21:19 - Triqui de San Juan Copala

¹⁹ Ne̱ nana̱ cataj Jesús rihaan Pedró roꞌ, taj xnaꞌanj se vaa ticavi̱ꞌ nii man soꞌ, ne̱ cheꞌé dan sa̱ꞌ uxrá caꞌmi̱i̱ yuvii̱ cheꞌé Yaꞌanj, quiꞌya̱j soꞌ a. Ga̱a ne̱ cataj uún Jesús rihaan Pedró a: ―ꞌO̱ ca̱nocóꞌ so̱ꞌ manj á ―taj Jesús rihaan soꞌ a.

San Juan 21:19 Iomraidhean Croise

San Mateo 10:38

Ne̱ síí naꞌvej rá quira̱nꞌ sayuun cheꞌé se me soꞌ síí noco̱ꞌ manj roꞌ, taj cheꞌé cata̱j soꞌ se vaa me soꞌ síí noco̱ꞌ manj maꞌ.

San Mateo 19:28

Ga̱a ne̱ cataj Jesús a: ―Ya̱ ya̱ cata̱j xnaꞌanj ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan soj se vaa asa̱ꞌ cunuu naca̱ chumii̱ nihánj, ne̱ asa̱ꞌ guun cheꞌe̱j cayánj rihaan chruun xlá ya̱ veꞌé vaa, ne̱ ca̱yáán chuvi̱j nij soj si̱j noco̱ꞌ manj chruun xlá sa̱ꞌ ndoꞌo, ne̱ caꞌne̱ꞌ soj cacunꞌ cheꞌé chuvi̱j nij xꞌneꞌ nij yuvii̱ israelitá ado̱nj.

San Mateo 8:22

Tza̱j ne̱ cataj Jesús rihaan soꞌ a: ―Caꞌne̱ꞌ rá so̱ꞌ cachi̱nꞌ maꞌa̱n nij síí caviꞌ nimán man tuviꞌ soꞌ xnangá á. Tza̱j ne̱ cuano̱ nihánj roꞌ, no̱ xcúún so̱ꞌ ꞌo̱ ca̱nocóꞌ so̱ꞌ manj ado̱nj ―taj Jesús rihaan ꞌó soꞌ a.

San Juan 12:26

Cheꞌé dan me sese vaa ꞌo̱ soꞌ nu̱u̱ rihanj, ne̱ canoco̱ꞌ soꞌ manj á. Ne̱ me rej maꞌa̱n canicu̱nꞌ ma̱ꞌanj roꞌ, ma̱an dan canicu̱nꞌ síí nu̱u̱ rihaan ꞌu̱nj uún na̱nj ado̱nj. Ga̱a ne̱ cara̱a̱ cochro̱j Réj rihaan síí nu̱u̱ rihanj ado̱nj.

San Juan 12:33

Ne̱ maꞌa̱n nana̱ nihánj nana̱ caꞌmii Jesús roꞌ, taj xnaꞌanj da̱j quiꞌya̱j nii man soꞌ cheꞌé yan cavi̱ꞌ soꞌ a.

San Juan 18:32

Cheꞌé se caꞌmii nij soꞌ da̱nj roꞌ, cheꞌé dan quisi̱j ya̱ nu̱ꞌ snana̱ Jesús nana̱ aꞌmii cheꞌé da̱j quiꞌya̱j nii man soꞌ ticavi̱ꞌ nii man soꞌ a.

San Juan 21:18

Cuano̱ nihánj me se cata̱j yá yá ꞌu̱nj rihaan so̱ꞌ se vaa ga̱a mé so̱ꞌ síí tachru̱u̱, ne̱ numíj ma̱ꞌán so̱ꞌ yatzéj catuún so̱ꞌ, ne̱ chéé so̱ꞌ me rej maꞌa̱n guun rá so̱ꞌ a. Tza̱j ne̱ asa̱ꞌ guún so̱ꞌ chii nga̱, ne̱ ti̱cúnꞌ so̱ꞌ raꞌá so̱ꞌ, ne̱ ꞌó soꞌ nu̱míj catuún so̱ꞌ, ne̱ ni̱caj soꞌ mán so̱ꞌ caꞌa̱nj soꞌ me rej maꞌa̱n rá soꞌ caꞌa̱nj soꞌ, ne̱ nda̱ꞌ se naꞌvej rá so̱ꞌ caꞌa̱nj so̱ꞌ, tza̱j ne̱ va̱j so̱ꞌ ado̱nj ―taj Jesús rihaan Pedró a.

San Juan 21:22

Ga̱a ne̱ cataj Jesús rihaan soꞌ a: ―Ne̱ sese me rá ꞌu̱nj ꞌo̱ ga̱a̱ iꞌna̱ꞌ soꞌ rihaan chumii̱ nda̱a se caꞌna̱ꞌ uún ꞌu̱nj rihaan chumii̱ nihánj, ne̱ né se‑su̱u̱n ma̱ꞌán so̱ꞌ me yoꞌ maꞌ. ꞌO̱ canoco̱ꞌ ma̱ꞌán so̱ꞌ manj á ―taj Jesús rihaan Pedró a.

Filipenses 1:20

Dan me se uun ya̱ raj se vaa se̱ guun naꞌa̱j ꞌu̱nj maꞌ. Dan me se asi̱j rque̱ roꞌ, xcaj ndoꞌo yuvii̱ cuentá se vaa niꞌndaj ya̱ sa̱ꞌ vaa Cristó, quiꞌyáj, ne̱ caꞌve̱e se ga̱a̱ iꞌna̱ꞌ ꞌu̱nj do̱ꞌ, caꞌve̱e se cavi̱ꞌ ꞌu̱nj do̱ꞌ, tza̱j ne̱ da̱nj ina̱nj qui̱ꞌyáj cuano̱ nihánj, rá ꞌu̱nj ado̱nj.

2 Pedro 1:14

ꞌO̱ se a̱j neꞌenj se vaa nichrunꞌ cavi̱ꞌ ꞌu̱nj, nda̱a vaa cataj Jesucristó Si̱j ꞌNi̱j Raꞌa man níꞌ rihanj,