San Juan 21:16 - Triqui de San Juan Copala

¹⁶ Ga̱a ne̱ xnáꞌanj uún Jesús man Pedró, cataj soꞌ a: ―Cu̱nó so̱ꞌ caꞌmi̱j, Simón taꞌníí Jonás. ꞌE̱e̱ rá so̱ꞌ manj naꞌ ―taj uún Jesús rihaan Pedró a. ―Neꞌen ma̱ꞌán so̱ꞌ se vaa ꞌe̱e̱ raj mán so̱ꞌ, Señor ―taj uún Pedró rihaan Jesús a. ―Veꞌé tu̱mé so̱ꞌ man daán ꞌu̱nj matzinj á ―taj uún Jesús rihaan Pedró a.

San Juan 21:16 Iomraidhean Croise

San Mateo 2:6

Ma̱ꞌán so̱ꞌ Belén, chuma̱nꞌ na̱j yoꞌóó Judea roꞌ, né chuma̱nꞌ noco̱ꞌ doj mé so̱ꞌ rihaan nij síí ꞌni̱j raꞌa yoꞌóó Judea a̱ maan ado̱nj. Dan me se rque ma̱ꞌán so̱ꞌ cu̱riha̱nj ꞌo̱ síí gu̱un chij, ne̱ soꞌ me síí veꞌé tu̱mé man se‑chuma̱nꞌ ꞌu̱nj yuvii̱ israelitá ado̱nj. Nihánj me nana̱ cachrón síí nataꞌ snana̱ Yaꞌanj rihaan yanj ga̱a naá ―taj nij soꞌ rihaan Herodes a.

San Mateo 25:32

Dan me se naquiꞌya̱j chre̱ꞌ nij se‑mo̱zó ꞌu̱nj man ta̱ranꞌ nij yuvii̱ ma̱n cunuda̱nj nij xꞌneꞌ yuvii̱ ma̱n rihaan chumii̱, ne̱ canicu̱nꞌ nij yuvii̱ rihaan ꞌu̱nj, ne̱ cuxra̱ꞌ taꞌa̱j ꞌu̱nj man nij yuvii̱ ado̱nj. Dan me se ase vaa ꞌyaj síí tumé matzinj uxraꞌ taꞌa̱j soꞌ man nij matzinj ga̱ nij tana roꞌ, da̱nj ga̱a̱ qui̱ꞌyáá ꞌu̱nj, cuxra̱ꞌ taꞌa̱j ꞌu̱nj man nij yuvii̱ yoꞌ na̱nj ado̱nj.

San Mateo 26:72

Ga̱a ne̱ nucua̱j ndoꞌo caꞌmii uún Pedró, cataj soꞌ a: ―Taj maꞌ. A̱ doj ne neꞌenj man snóꞌo yoꞌ maꞌ. Caꞌve̱e quiꞌya̱j Yaꞌanj sayuun mán ꞌu̱nj sese aꞌmii ne̱ ꞌu̱nj á ―taj Pedró yoꞌ a.

San Lucas 19:10

ꞌO̱ se caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ cheꞌé rej nano̱ꞌ ꞌu̱nj man nij síí caꞌanj niꞌya̱, ne̱ cavi̱i̱ sa̱ꞌ nij soꞌ qui̱ꞌyáj ado̱nj ―taj Jesús rihaan nij soꞌ a.

San Juan 18:17

Dan me se xnáꞌanj chana̱ tumé taꞌyaa man Pedró, cataj noꞌ a: ―Ne̱ nuveé so̱ꞌ me síí tucuꞌyón snana̱ síí nihánj naꞌ ―taj noꞌ, xnáꞌanj noꞌ man Pedró a. Ne̱ cataj soꞌ a: ―Taj maꞌ ―taj Pedró a.

San Juan 18:25

Dan me se nicu̱nꞌ Simón Pedró cunuu gu̱u̱n soꞌ yaꞌan a. Ga̱a ne̱ cataj ꞌo̱ yuvii̱ rihaan soꞌ a: ―Né ꞌo̱ síí tucuꞌyón snana̱ soꞌ mé so̱ꞌ naꞌ ―taj yuvii̱, xnáꞌanj yuvii̱ man soꞌ a. Ne̱ cataj Pedró a: ―Taj maꞌ ―taj soꞌ a.

San Juan 21:17

Ga̱a ne̱ cataj uún Jesús rihaan Pedró a: ―Cu̱nó so̱ꞌ caꞌmi̱j, Simón taꞌníí Jonás. ꞌE̱e̱ rá so̱ꞌ manj naꞌ ―taj uún Jesús a. Ne̱ veé da̱nj quisíj vaꞌnu̱j xnáꞌanj soꞌ da̱nj man Pedró a. Dan me se quinanó rá Pedró cheꞌé se quisíj vaꞌnu̱j xnáꞌanj Jesús da̱nj man soꞌ a. Ga̱a ne̱ cataj uún soꞌ rihaan Jesús a: ―Neꞌén so̱ꞌ cunuda̱nj, Señor. Ma̱ꞌán so̱ꞌ neꞌen se vaa ꞌe̱e̱ raj mán so̱ꞌ á ―taj Pedró rihaan Jesús a. ―Veꞌé rque̱ so̱ꞌ cha̱ daán ꞌu̱nj matzinj á.

Hechos 20:28

’Dan me se ase vaa tumé yuvii̱ man daán yuvii̱ matzinj roꞌ, da̱nj quiꞌya̱j soj, tu̱mé soj man maꞌa̱n soj do̱ꞌ, man xꞌneꞌ nij síí noco̱ꞌ man Cristó do̱ꞌ á. Dan me se Nimán Yaꞌanj me síí cuneꞌ man soj gu̱un soj síí tu̱mé sa̱ꞌ rihaan Yaꞌanj man xꞌneꞌ yoꞌ, xꞌneꞌ quiránj Jesús ga̱ ton cavii man maꞌa̱n soꞌ ado̱nj.

Hebreos 13:20

Dan me se Yaꞌanj si̱j ꞌyaj vaa xe̱j nimán níꞌ roꞌ, soꞌ me síí quiꞌyaj cunuu iꞌna̱ꞌ uún Jesús Si̱j ꞌNi̱j Raꞌa man níꞌ ga̱a caviꞌ soꞌ a. Ne̱ Jesús me se ase vaa síí tumé matzinj vaa soꞌ, ne̱ ase vaa daán soꞌ matzinj vaa níꞌ, ne̱ tumé soꞌ man níꞌ si̱j noco̱ꞌ man soꞌ, ne̱ síí sa̱ꞌ uxrá me soꞌ ado̱nj. Ne̱ cheꞌé ton cayanj man soꞌ me nica̱j níꞌ ꞌó tucuáán cuchruj soꞌ cheꞌé níꞌ se vaa canoco̱ꞌ níꞌ man Yaꞌanj a. Ne̱ me rá ꞌu̱nj

1 Pedro 2:25

Dan me se ase vaa matzinj chaꞌnuu̱ rcoꞌ roꞌ, vaa soj ga̱a naá, ne̱ ne canoco̱ꞌ soj man Yaꞌanj ga̱a naá maꞌ. Tza̱j ne̱ ya̱j roꞌ, canica̱j nimán soj, ne̱ guun cheꞌe̱ soj canocoꞌ soj man Cristó a. Ne̱ ase vaa síí veꞌé ndoꞌo tumé daán matzinj roꞌ, da̱nj vaa soꞌ ga̱ soj cuano̱, ne̱ veꞌé nica̱j yuꞌunj soꞌ man soj cuano̱ ado̱nj. Dan me se soꞌ me síí tumé sa̱ꞌ man nimán soj cuano̱ chugua̱nj.

1 Pedro 5:2

Ase vaa nica̱j yuꞌunj yucuáj man matzinj roꞌ, da̱nj ga̱a̱ veꞌé ni̱caj yuꞌunj soj man nij síí noco̱ꞌ man Yaꞌanj nda̱a vaa caꞌneꞌ Yaꞌanj suun rihaan soj á. Se̱ naquiꞌyaj ꞌe̱e̱ soj man soj rihaan suun yoꞌ maꞌ. Ma̱an se veꞌé gu̱un rá soj quiꞌya̱j soj se‑su̱u̱n Yaꞌanj ado̱nj. Ne̱ se̱ guun ina̱nj rá soj quiꞌya̱j canaán soj saꞌanj cheꞌé suun ꞌyaj soj maꞌ. Tana̱nj ga̱a̱ niha̱ꞌ rá soj cheꞌé maꞌa̱n suun yoꞌ á.

Apocalipsis 7:17

ꞌO̱ se maꞌa̱n Matzinj Leꞌe̱j nicu̱nꞌ maꞌa̱n rej rihaan chruun xlá sa̱ꞌ yoꞌ roꞌ, tu̱mé man nij soꞌ, ne̱ caꞌa̱nj ni̱caj soꞌ man nij soꞌ rej xraꞌ na sa̱ꞌ, ne̱ coꞌo̱ nij soꞌ, ga̱a ne̱ ꞌo̱ ga̱a̱ iꞌna̱ꞌ nimán nij soꞌ, quiꞌya̱j na yoꞌ a. Ne̱ maꞌa̱n Yaꞌanj roꞌ, me síí ti̱nacoo̱ na ayanj rihaan nij soꞌ ado̱nj ―taj síí uun chij yoꞌ rihanj a.