San Juan 20:8 - Triqui de San Juan Copala

⁸ Dan me se catúj uún ꞌó síí tucuꞌyón snana̱ Jesús síí cuchiꞌ asino ya̱a̱n, ne̱ queneꞌen soꞌ nij yatzíj yoꞌ, ga̱a ne̱ cuchumán rá soꞌ se vaa ya̱ cunuu iꞌna̱ꞌ uún Jesús a.

San Juan 20:8 Iomraidhean Croise

San Lucas 16:31

’Tza̱j ne̱ cataj Abraham rihaan soꞌ a: “Sese se̱ caꞌvej rá nij soꞌ cuno̱ nij soꞌ rihaan Moisés do̱ꞌ, rihaan nij síí nataꞌ snana̱ Yaꞌanj ga̱a naá do̱ꞌ, ne̱ caꞌve̱e se cunu̱u iꞌna̱ꞌ uún ꞌo̱ síí caviꞌ, tza̱j ne̱ se̱ cuchumán rá nij soꞌ ni̱ꞌyaj nij soꞌ man soꞌ a̱ maꞌ”, taj Abraham rihaan ruꞌvee yoꞌ a ―taj Jesús a. Veé da̱nj quisíj cuentó nanó soꞌ a.

San Juan 1:50

Ga̱a ne̱ cataj Jesús rihaan soꞌ a: ―Cheꞌé se cataj ꞌu̱nj rihaan so̱ꞌ se vaa queneꞌén ꞌu̱nj mán so̱ꞌ ga̱a cayáán so̱ꞌ tacóó chruun higó roꞌ, ma̱an cheꞌé dan amán rá so̱ꞌ niꞌya̱j so̱ꞌ manj a̱ naꞌ. Tza̱j ne̱ que̱neꞌén so̱ꞌ queꞌe̱e̱ doj rasu̱u̱n noco̱o doj uún á.

San Juan 20:25

Cheꞌé dan cataj xnaꞌanj ꞌó nij síí tucuꞌyón snana̱ Jesús rihaan Tomás se vaa queneꞌen nij soꞌ man Síí ꞌNi̱j Raꞌa man níꞌ a. Tza̱j ne̱ cataj Tomás rihaan nij soꞌ a: ―Sese se̱ queneꞌen ma̱ꞌanj rej catúj caquíí raꞌa soꞌ, ne̱ sese se̱ cutaj raꞌaj rej catúj caquíí raꞌa soꞌ do̱ꞌ, sese se̱ cutaj raꞌaj rej quiranꞌ chiꞌii̱ xꞌnúú soꞌ do̱ꞌ, ne̱ daj chiha̱a̱ míj se̱ cuchumán raj se vaa cunuu iꞌna̱ꞌ uún soꞌ maꞌ ―taj Tomás rihaan nij soꞌ a.

San Juan 20:29

Ga̱a ne̱ cataj Jesús rihaan soꞌ a: ―Cheꞌé se queneꞌen yá so̱ꞌ manj, ga̱a ne̱ amán rá so̱ꞌ niꞌya̱j so̱ꞌ manj na̱nj á. Tza̱j ne̱ vaa cheꞌé gu̱un niha̱ꞌ rá nij síí amán rá niꞌya̱j manj nda̱ꞌ se ne queneꞌe̱n nij soꞌ manj maꞌ. ꞌO̱ se cavi̱i̱ sa̱ꞌ ya̱ nij soꞌ ado̱nj ―taj Jesús rihaan Tomás a.

San Juan 20:4

Ne̱ cunánj ro̱j soꞌ, ne̱ yo̱o doj cunánj ꞌó soꞌ rihaan Pedró, ne̱ soꞌ me síí cuchiꞌ asino ya̱a̱n doj tuꞌva yuꞌuj yoꞌ a.