San Juan 20:18 - Triqui de San Juan Copala

¹⁸ Dan me se caꞌanj Mariá Magdalena, ne̱ nataꞌ noꞌ rihaan nij síí tucuꞌyón snana̱ Jesús se vaa queneꞌen noꞌ man Síí ꞌNi̱j Raꞌa man níꞌ, ne̱ nataꞌ noꞌ nij nana̱ cataj Jesús rihaan noꞌ a.

San Juan 20:18 Iomraidhean Croise

San Mateo 27:56

ꞌO̱ noꞌ me chana̱ cuꞌna̱j Mariá Magdalena, ne̱ ꞌó noꞌ me chana̱ cuꞌna̱j Mariá nii ro̱j síí cuꞌna̱j Jacobo ga̱ José a. Ne̱ ꞌó noꞌ me nii ro̱j taꞌníí síí cuꞌna̱j Zebedeo a.

San Mateo 28:10

Ga̱a ne̱ cataj Jesús rihaan ro̱j chana̱ a: ―Se̱ cuchuꞌviꞌ ro̱j so̱j maꞌ. Ma̱an se caꞌa̱nj ro̱j so̱j cata̱j xnaꞌanj ro̱j so̱j rihaan nij tinúú ꞌu̱nj se vaa cavi̱i̱ nij soꞌ caꞌa̱nj nij soꞌ nda̱a estadó Galilea, ne̱ nda̱a yoꞌ queneꞌe̱n nij soꞌ manj á ―taj Jesús rihaan ro̱j chana̱ yoꞌ a.

San Lucas 24:10

Dan me se vaꞌnu̱j nij chana̱ me níí cuꞌna̱j Mariá Magdalena do̱ꞌ, níí cuꞌna̱j Juaná do̱ꞌ, níí cuꞌna̱j Mariá nii Jacobo do̱ꞌ, ne̱ vaꞌnu̱j nij noꞌ ga̱ ꞌó nij chana̱ roꞌ, cataj xnaꞌanj rihaan xa̱a̱n nij síí cuneꞌ Jesús cheꞌé nu̱ꞌ se vaa queneꞌen nij noꞌ a.

San Juan 19:25

Ne̱ nichru̱nꞌ nicunꞌ nii Jesús do̱ꞌ, chuꞌvij nii soꞌ do̱ꞌ, chana̱ cuꞌna̱j Mariá nica̱ síí cuꞌna̱j Cleofas do̱ꞌ, chana̱ cuꞌna̱j Mariá Magdalena do̱ꞌ, rihaan rcutze̱ no̱ Jesús a.

San Juan 20:1

Dan me se taxre̱j cotungó vaa rmi̱ꞌ doj, ne̱ caꞌanj chana̱ cuꞌna̱j Mariá Magdalena rej ta̱j yuꞌuj rque yuvej yoꞌ, ne̱ queneꞌen noꞌ se vaa ta̱j yaníj yuvej aráán rihaan yuꞌuj yoꞌ a.