San Juan 20:15 - Triqui de San Juan Copala

¹⁵ Ga̱a ne̱ xnáꞌanj Jesús man noꞌ, cataj soꞌ a: ―Me cheꞌé taꞌveé so̱ꞌ ga̱a maan, noco̱ꞌ. Me síí nanóꞌ so̱ꞌ ga̱ ―taj Jesús rihaan noꞌ a. Dan me se guun rá noꞌ se vaa si̱j tumé naa̱ na̱j yoꞌ me síí caꞌmii ga̱ noꞌ, ne̱ cheꞌé dan cataj noꞌ a: ―Señor, sese quirii yaníj so̱ꞌ man soꞌ, ne̱ cata̱j xnaꞌanj so̱ꞌ rihanj me rej caꞌanj nica̱j so̱ꞌ man soꞌ, ne̱ ni̱caj ꞌu̱nj man soꞌ caꞌa̱nj ꞌu̱nj á ―taj noꞌ rihaan síí nicu̱nꞌ rihaan noꞌ a.

San Juan 20:15 Iomraidhean Croise

San Mateo 12:34

ꞌO̱ se ase vaa xcuáá yuva̱a̱ vaa soj na̱nj á. Chiꞌi̱i̱ vaa nimán soj, ne̱ chiꞌi̱i̱ vaa nana̱ aꞌmii soj ado̱nj. ꞌO̱ se ase vaa se ma̱n nimán yuvii̱ roꞌ, da̱nj vaa nana̱ avii tuꞌva yuvii̱ ado̱nj.

San Mateo 28:5

Veé dan, ne̱ cuchiꞌ ro̱j chana̱ yoꞌ rihaan se‑mo̱zó Yaꞌanj, ne̱ cataj se‑mo̱zó Yaꞌanj rihaan ro̱j noꞌ a: ―Se̱ cuchuꞌviꞌ ro̱j so̱j maꞌ. ꞌO̱ se a̱j neꞌén ꞌu̱nj se vaa nanoꞌ ro̱j so̱j man Jesús síí caviꞌ rihaan rcutze̱ ado̱nj.

San Marcos 16:6

Ga̱a ne̱ cataj síí ya̱a̱n rihaan nij chana̱ a: ―Taj cheꞌé cuchuꞌvi̱ꞌ nij soj maꞌ. Nihánj me nanoꞌ nij soj man Jesús síí cavii chumanꞌ Nazaret síí cachrón nii rihaan rcutze̱ a. A̱j cunuu iꞌna̱ꞌ uún soꞌ na̱nj ado̱nj. Ne̱ ni̱ꞌyaj soj rej cuchruj nii man soꞌ, ne̱ xca̱j soj cuentá se vaa nuviꞌ soꞌ naj nihánj a̱ mado̱nj.

San Lucas 2:44

Nanꞌ xnii ga̱ tuviꞌ ro̱j soꞌ, rá ro̱j soꞌ, ne̱ cheꞌé dan caꞌanj ro̱j soꞌ a. Ga̱a ne̱ rej tiꞌnuu guun cheꞌe̱ ro̱j soꞌ nanoꞌ ro̱j soꞌ man xnii rihaan tuviꞌ ro̱j soꞌ,

San Lucas 24:5

Dan me se cuchuꞌviꞌ uxrá nij chana̱, ne̱ caꞌanj ca̱yáán ru̱j nij chana̱, ne̱ cuchruj nij chana̱ rihaan nij noꞌ rihaan yoꞌóó a. Ga̱a ne̱ cataj ro̱j snóꞌo rihaan nij noꞌ a: ―Taj cheꞌé nano̱ꞌ soj man síí vaa iꞌna̱ꞌ rej na̱j nij síí caviꞌ maꞌ.

San Juan 1:38

Ga̱a ne̱ canica̱j Jesús, ne̱ queneꞌen soꞌ se vaa canocoꞌ ro̱j soꞌ man soꞌ, ne̱ cataj Jesús rihaan ro̱j soꞌ a: ―Vaa se achiin man ro̱j so̱j naꞌ ―taj Jesús, xnáꞌanj Jesús man ro̱j soꞌ a. Ga̱a ne̱ xnáꞌanj ro̱j soꞌ, cataj ro̱j soꞌ a: ―Maestro, me rej aránꞌ so̱ꞌ ga̱ ―cataj ro̱j soꞌ, xnáꞌanj ro̱j soꞌ man Jesús a.

San Juan 18:4

Dan me se queneꞌen Jesús nu̱ꞌ se vaa quira̱nꞌ soꞌ, tza̱j ne̱ curiha̱nj soꞌ, ne̱ cataj soꞌ rihaan nij soꞌ a: ―Me síí nanoꞌ soj ga̱ ―taj soꞌ, xnáꞌanj soꞌ man nij soꞌ a.

San Juan 18:7

Ga̱a ne̱ xnáꞌanj uún Jesús man nij soꞌ, cataj soꞌ a: ―Me síí nanoꞌ soj ga̱ ―taj uún Jesús a. Ga̱a ne̱ cataj uún nij soꞌ a: ―Jesús síí cavii chumanꞌ Nazaret a ―taj uún nij soꞌ a.

San Juan 20:13

Ga̱a ne̱ xnáꞌanj ro̱j soꞌ man Mariá, cataj ro̱j soꞌ a: ―Me cheꞌé taꞌveé so̱ꞌ ga̱a maan, noco̱ꞌ ―taj ro̱j soꞌ rihaan noꞌ a. ―Taꞌveé ꞌu̱nj cheꞌé se quirii nii man cúú man Síí ꞌNi̱j Raꞌa manj, ne̱ ne me rej caꞌanj nica̱j nii man soꞌ a̱ maꞌ ―taj noꞌ rihaan ro̱j soꞌ a.