San Juan 20:14 - Triqui de San Juan Copala

¹⁴ Síj caꞌmii noꞌ da̱nj, ga̱a ne̱ canica̱j noꞌ rej xco̱ noꞌ, ne̱ queneꞌen noꞌ man Jesús, nicu̱nꞌ soꞌ rihaan noꞌ a. Tza̱j ne̱ ne cunu̱u ya̱a̱n noꞌ man Jesús maꞌ.

San Juan 20:14 Iomraidhean Croise

San Mateo 28:9

Ne̱ ma̱an orá dan nariꞌ tuviꞌ maꞌa̱n Jesús ga̱ ro̱j chana̱ yoꞌ, ne̱ cataj soꞌ a: ―Rangaꞌ na̱nj á ―taj Jesús rihaan ro̱j noꞌ a. Ga̱a ne̱ cuchiꞌ ro̱j chana̱ yoꞌ rihaan Jesús, ne̱ caꞌanj ca̱yáán ru̱j ro̱j noꞌ rihaan soꞌ, ne̱ taꞌaa ro̱j noꞌ tacóó Jesús, ne̱ caráj gue̱e̱ ro̱j noꞌ rihaan Jesús a.

San Marcos 16:12

Cachén do̱j, ga̱a ne̱ chéé vi̱j nij síí tucuꞌyón snana̱ Jesús rej tacaan, ne̱ curuviꞌ Jesús rihaan ro̱j soꞌ, tza̱j ne̱ ino̱ doj vaa soꞌ, ruviꞌ soꞌ, niꞌya̱j ro̱j soꞌ a.

San Marcos 16:9

Dan me se cunuu iꞌna̱ꞌ uún Jesús rej naꞌya̱a̱n cotungó, ga̱a ne̱ curuviꞌ soꞌ asino ya̱a̱n rihaan Mariá Magdalena, ne̱ noꞌ me chana̱ quirii soꞌ chi̱j nana̱ chre̱e nimán asi̱j rque̱ doj a.

San Lucas 24:16

Tza̱j ne̱ ne caꞌve̱e cunu̱u ya̱a̱n ro̱j soꞌ man Jesús maꞌ.

San Lucas 24:31

Dan me se cachríj rá ro̱j soꞌ, ne̱ cunuu ya̱a̱n ro̱j soꞌ man Jesús, ne̱ veé dan nu̱ꞌ caꞌanj niꞌya̱ Jesús rihaan ro̱j soꞌ a.

San Lucas 4:30

Tza̱j ne̱ cachén u̱u̱n Jesús scaꞌnúj nij yuvii̱, ne̱ caꞌanj soꞌ na̱nj ado̱nj.

San Juan 21:4

Dan me se taxre̱j ꞌó güii me se nicunꞌ Jesús tuꞌva na laguaná yoꞌ a. Tza̱j ne̱ ne queneꞌe̱n nij síí tucuꞌyón snana̱ soꞌ se vaa maꞌa̱n soꞌ me síí yoꞌ a̱ maꞌ.

San Juan 8:59

Cheꞌé dan taꞌaa nij soꞌ yahij, ne̱ go̱ꞌ nij soꞌ man Jesús, rá nij soꞌ a. Tza̱j ne̱ curiha̱nj yuve̱ soꞌ rej ya̱nj nuvií noco̱o, ne̱ caꞌanj soꞌ a. Dan me se ma̱an tanu̱u̱ scaꞌnúj nij soꞌ cachén Jesús, caꞌanj soꞌ a.