San Juan 2:25 - Triqui de San Juan Copala

²⁵ ne̱ ne cachi̱in ꞌo̱ síí cata̱j xnaꞌanj rihaan Jesús da̱j vaa nimán yuvii̱ maꞌ. ꞌO̱ se maꞌa̱n soꞌ me síí neꞌen da̱j vaa nimán nu̱ꞌ nij yuvii̱ ado̱nj.

San Juan 2:25 Iomraidhean Croise

San Mateo 9:4

Ne̱ queneꞌen Jesús da̱j nuchruj ra̱a̱ nij soꞌ, ne̱ cheꞌé dan cataj soꞌ a: ―Me cheꞌé avii ndoꞌo nana̱ chiꞌi̱i̱ nimán soj ga̱.

San Juan 1:42

Ne̱ caꞌanj nica̱j soꞌ man tinúú soꞌ rihaan Jesús, ga̱a ne̱ niꞌya̱j uxrá Jesús man Simón, ne̱ cataj soꞌ a: ―Síí cuꞌna̱j Simón mé so̱ꞌ, ne̱ taꞌníí síí cuꞌna̱j Jonás mé so̱ꞌ á. Tza̱j ne̱ rej rihaan níꞌ me se Cefas cuꞌna̱j so̱ꞌ á ―taj Jesús rihaan soꞌ a. Ne̱ nana̱ Cefas me raj cata̱a Pedró ꞌó xnaꞌánj a.

San Juan 1:47

Veé dan, ne̱ queneꞌen Jesús se vaa caꞌnaꞌ Natanael rihaan soꞌ, ne̱ caꞌmii soꞌ ꞌo̱ nana̱ cheꞌé Natanael, cataj soꞌ a: ―Ni̱ꞌyaj soj á. Ya̱ si̱j israelitá me síí ꞌnaꞌ cuano̱ na̱nj á. Nica̱ aꞌmii soꞌ, ne̱ ne aꞌmii soꞌ nana̱ tihaꞌ yuꞌunj maꞌ ―taj Jesús niꞌya̱j soꞌ man Natanael a.

San Juan 13:11

ꞌO̱ se a̱j queneꞌen Jesús se vaa ta̱cuachén ꞌo̱ nij soꞌ man soꞌ rihaan nij síí ta̱j riꞌyunj man soꞌ a. Cheꞌé dan cataj soꞌ se vaa né cunuda̱nj nij soꞌ me síí naruvii man maꞌ.

San Juan 6:61

Queneꞌen maꞌa̱n Jesús se vaa caꞌmii taꞌa̱j nij síí tucuꞌyón snana̱ soꞌ nana̱ nij yoꞌ, ga̱a ne̱ cataj Jesús rihaan nij soꞌ a: ―Quiriꞌ rá soj, quiꞌyaj nana̱ nihánj naꞌ.

San Juan 6:64

Tza̱j ne̱ taꞌa̱j soj me síí ne amán rá uno snana̱j a̱ maan ado̱nj ―taj Jesús rihaan nij síí tucuꞌyón snana̱ soꞌ a. ꞌO̱ se asi̱j guun cheꞌe̱ Jesús tucuꞌyón soꞌ snana̱ soꞌ man yuvii̱, ne̱ a̱j neꞌen soꞌ me síí ne amán rá niꞌya̱j man soꞌ, ne̱ a̱j neꞌen soꞌ me síí me síí ta̱cuachén man soꞌ rihaan nij síí ta̱j riꞌyunj man soꞌ ado̱nj.