San Juan 2:2 - Triqui de San Juan Copala

² Dan me se nacúún nii man Jesús do̱ꞌ, man nij síí tucuꞌyón snana̱ soꞌ do̱ꞌ, caꞌna̱ꞌ nij soꞌ chaꞌanj yoꞌ a.

San Juan 2:2 Iomraidhean Croise

San Mateo 12:19

Se̱ cunuꞌ soꞌ, se̱ caguáj soꞌ, ne̱ a̱ ꞌó yuvii̱ se̱ cuno snana̱ soꞌ rá callé maꞌ.

San Mateo 25:40

’Ga̱a ne̱ cata̱j ꞌu̱nj rihaan nij soꞌ a: “Ya̱ ya̱ cata̱j xnaꞌanj ꞌu̱nj rihaan soj cuano̱ se vaa racuíj ndoꞌo soj man nij tinúú ꞌu̱nj ga̱a quiranꞌ nij soꞌ sayuun vaa da̱nj na̱nj á. Nda̱ꞌ se síí nica̱ꞌ ndoꞌo me taꞌa̱j nij soꞌ, tza̱j ne̱ racuíj ndoꞌo soj man nij soꞌ, ne̱ cheꞌé se racuíj ndoꞌo soj man nij tinúú ꞌu̱nj, ne̱ cheꞌé dan me soj síí racuíj man ma̱ꞌanj ado̱nj”, cata̱j ꞌu̱nj rihaan nij soꞌ a.

San Mateo 25:45

’Ga̱a ne̱ cata̱j ꞌu̱nj rihaan nij soꞌ a: “Ya̱ ya̱ cata̱j xnaꞌanj ꞌu̱nj rihaan soj cuano̱ se vaa a̱ ꞌó xcoꞌ ne ra̱cuíj soj man nij tinúú ꞌu̱nj ga̱a quiranꞌ nij soꞌ sayuun vaa da̱nj maꞌ. Ne̱ nda̱ꞌ se síí nica̱ꞌ ndoꞌo me taꞌa̱j nij soꞌ, tza̱j ne̱ no̱ xcúún nij soj ra̱cuíj soj man nij soꞌ ado̱nj. Ne̱ cheꞌé se ne ra̱cuíj soj man nij soꞌ roꞌ, cheꞌé dan né si̱j racuíj manj me soj maꞌ”, cata̱j ꞌu̱nj rihaan nij soꞌ a.

San Juan 2:12

Ga̱a quisíj canuû chaꞌanj naraꞌa̱a yoꞌ, ga̱a ne̱ caꞌanj Jesús do̱ꞌ, nii soꞌ do̱ꞌ, nij tinúú soꞌ do̱ꞌ, nij síí tucuꞌyón snana̱ soꞌ do̱ꞌ, nanij nij soꞌ nda̱a chumanꞌ Capernaum, ne̱ do̱j güii cayáán nij soꞌ chumanꞌ yoꞌ a.

San Juan 2:17

Ga̱a ne̱ ninuj rá nij síí tucuꞌyón snana̱ Jesús se vaa nó nana̱ nihánj rihaan Danj Yaꞌanj a: “Cheꞌé se ꞌe̱e̱ ndoꞌo raj veꞌ tucuá so̱ꞌ, cheꞌé dan caꞌnéé nimanj tu̱mé ꞌu̱nj man yoꞌ a.” Yoꞌ me nana̱ nó rihaan Danj Yaꞌanj a.

San Juan 2:22

Cheꞌé dan, ga̱a quisíj caviꞌ soꞌ ne̱ cunuu iꞌna̱ꞌ uún soꞌ, ga̱a ne̱ nanuj rá nij síí tucuꞌyón snana̱ soꞌ nana̱ nihánj nana̱ a̱j caꞌmii soꞌ a. Ne̱ cuchumán rá nij soꞌ nana̱ no̱ rihaan Danj Yaꞌanj, ne̱ cuchumán rá nij soꞌ nana̱ caꞌmii maꞌa̱n Jesús uún a.

San Juan 2:3

Veé dan, ne̱ navij na vinó rihaan nij síí navij rá chaꞌanj yoꞌ, ne̱ cheꞌé dan cataj nii Jesús rihaan Jesús a: ―Taj va̱j na vinó rihaan nij síí navij rá chaꞌanj maꞌ ―taj noꞌ a.

San Juan 3:22

Dan me se ga̱a quisíj nu̱ꞌ se vaa quiꞌyaj Jesús chumanꞌ Jerusalén, ga̱a ne̱ curiha̱nj Jesús do̱ꞌ, nij síí tucuꞌyón snana̱ soꞌ do̱ꞌ, chumanꞌ Jerusalén, ne̱ caꞌanj nij soꞌ estadó Judea, ne̱ veé dan va̱j nij soꞌ cutaꞌ ne nij soꞌ man yuvii̱ a.

San Juan 4:2

Tza̱j ne̱ né maꞌa̱n Jesús me síí cutaꞌ ne man nij yuvii̱ maꞌ. Ma̱an nij síí tucuꞌyón snana̱ soꞌ cutaꞌ ne man nij yuvii̱ a.

San Juan 4:33

Ga̱a ne̱ xnáꞌanj nij síí tucuꞌyón snana̱ Jesús man tuviꞌ nij soꞌ, cataj nij soꞌ a: ―Vaa síí caꞌnaꞌ rqué se chá soꞌ, rá soj naꞌ ―taj nij soꞌ rihaan tuviꞌ nij soꞌ a.

San Juan 4:8

Ne̱ taj va̱j nij síí tucuꞌyón snana̱ Jesús nicunꞌ ga̱ soꞌ ga̱a maꞌ. ꞌO̱ se caꞌanj nij soꞌ chumanꞌ quira̱a̱n nij soꞌ se chá a.

San Juan 6:12

Ga̱a quisíj caraa rque nij yuvii̱, ne̱ cataj Jesús rihaan nij síí tucuꞌyón snana̱ soꞌ a: ―Naquiꞌya̱j chre̱ꞌ nij soj se quináj tuꞌva nij yuvii̱, ne̱ se̱ guun quiri̱ꞌ u̱u̱n yoꞌ maꞌ ―taj Jesús rihaan nij soꞌ a.

San Juan 6:16

Dan me se rej tiꞌnuu, ne̱ nanij nij síí tucuꞌyón snana̱ Jesús tuꞌva na laguaná,

San Juan 6:60

Queꞌe̱e̱ nij síí tucuꞌyón snana̱ Jesús cuno nana̱ nihánj nana̱ caꞌmii Jesús, ga̱a ne̱ cataj nij soꞌ a: ―Sayu̱u̱n uxrá vaa nana̱ nihánj chugua̱nj. Daj chiha̱a̱ míj se̱ cuno níꞌ nana̱ tuꞌva soꞌ a̱ maꞌ ―taj nij soꞌ rihaan tuviꞌ nij soꞌ a.

San Juan 6:66

Cheꞌé dan canica̱j queꞌe̱e̱ nij síí tucuꞌyón snana̱ soꞌ, ne̱ caꞌneꞌ rá nij soꞌ ga̱ suun chéé ga̱ Jesús a.

San Juan 6:67

Cheꞌé dan xnáꞌanj Jesús man chuvi̱j nij síí tucuꞌyón snana̱ soꞌ, cataj soꞌ a: ―Soj do̱ꞌ me rá ta̱náj manj naꞌ ―taj Jesús, xnáꞌanj soꞌ man chuvi̱j nij síí tucuꞌyón snana̱ soꞌ a.

San Juan 6:70

Ga̱a ne̱ cataj Jesús rihaan chuvi̱j nij soꞌ a: ―Dan me se ꞌu̱nj me síí narii man chuvi̱j nij soj se vaa canoco̱ꞌ soj manj, tza̱j ne̱ ase vaa maꞌa̱n Síí Chre̱e vaa ꞌo̱ nij soj ado̱nj ―taj Jesús rihaan chuvi̱j nij soꞌ a.

San Juan 6:71

Nana̱ yoꞌ caꞌmii Jesús niꞌya̱j Jesús man síí cuꞌna̱j Judas Iscariote taꞌníí síí cuꞌna̱j Simón a. ꞌO̱ se Judas yoꞌ, nda̱ꞌ se ꞌo̱ nij chuvi̱j nij síí tucuꞌyón snana̱ Jesús me soꞌ, tza̱j ne̱ soꞌ me síí ta̱cuachén man Jesús rihaan nij síí ta̱j riꞌyunj man Jesús a.

San Juan 6:8

Dan me se ꞌo̱ síí tucuꞌyón snana̱ soꞌ síí cuꞌna̱j Andrés tinúú Simón Pedró me se cataj soꞌ rihaan Jesús a:

San Juan 7:3

Cheꞌé dan cataj nij tinúú Jesús rihaan soꞌ a: ―Cavi̱i̱ so̱ꞌ caꞌa̱nj so̱ꞌ estadó Judea, ga̱a ne̱ queneꞌe̱n nij síí tucuꞌyón snana̱ so̱ꞌ nij suun sa̱ꞌ noco̱o ꞌyáá so̱ꞌ á.

Hechos 11:26

ne̱ nariꞌ Bernabé man Saulo, ga̱a ne̱ nica̱j Bernabé man Saulo caꞌnaꞌ soꞌ chumanꞌ Antioquía a. Ne̱ dan me se ꞌo̱ yoꞌ roꞌ, yáán ro̱j soꞌ ga̱ xꞌneꞌ nij síí noco̱ꞌ man Jesucristó ya̱nj chumanꞌ Antioquía, ne̱ tucuꞌyón ro̱j soꞌ snana̱ Yaꞌanj man queꞌe̱e̱ ndoꞌo nij yuvii̱ ma̱n yoꞌ a. Ne̱ nij síí ma̱n chumanꞌ Antioquía me nij síí guun cheꞌe̱ tucuꞌnáj “cristiano” man nij síí tucuꞌyón snana̱ Jesucristó a. ꞌO̱ se nana̱ “cristiano” me raj cata̱a nij síí chéé stucua̱nj Cristó a.

Hechos 11:29

Ga̱a ne̱ nij síí noco̱ꞌ man Jesucristó ya̱nj chumanꞌ Antioquía roꞌ, ꞌo̱ guun rá nij soꞌ ra̱cuíj nij soꞌ man nij tinúú nij soꞌ síí ya̱nj estado Judea, ne̱ caꞌne̱j nij soꞌ saꞌanj rihaan nij soꞌ a. Ne̱ nuchruj ra̱a̱ ꞌo̱ ꞌo̱ nij soꞌ me daj saꞌanj caꞌve̱e rque̱ nij soꞌ a.

1 Corintios 10:31

Dan me se nu̱ꞌ se cha̱ soj do̱ꞌ, nu̱ꞌ se coꞌo̱ soj do̱ꞌ, na̱j guun se quiꞌya̱j soj do̱ꞌ, ina̱nj cheꞌé Yaꞌanj quiꞌya̱j soj cunuda̱nj nij rasu̱u̱n yoꞌ, ga̱a ne̱ veꞌé doj caꞌmi̱i̱ yuvii̱ cheꞌé Yaꞌanj, quiꞌya̱j soj chugua̱nj.

1 Corintios 7:39

No̱ xcúún chana̱ ca̱yáán chana̱ ga̱ nica̱ chana̱ nda̱a se cavi̱ꞌ soꞌ, tza̱j ne̱ sese caviꞌ nica̱ chana̱, ne̱ caꞌve̱e xca̱j chana̱ man na̱j guun snóꞌo me rá maꞌa̱n noꞌ xca̱j noꞌ, tza̱j ne̱ no̱ xcúún noꞌ xca̱j noꞌ man síí noco̱ꞌ man Síí ꞌNi̱j Raꞌa man níꞌ a.

Colosenses 3:17

Ne̱ quiꞌya̱j soj da̱j me rá Cristó quiꞌya̱j soj do̱ꞌ, caꞌmi̱i̱ soj do̱ꞌ, ne̱ ma̱an cheꞌé se‑chuvi̱i Jesús Si̱j ꞌNi̱j Raꞌa man níꞌ cata̱j soj guun niꞌya̱j níꞌ rihaan Rej níꞌ Yaꞌanj ado̱nj.

Hebreos 13:4

Ne̱ veꞌé uxrá sese xca̱j soj ꞌo̱ chana̱ ado̱nj. Né se naꞌa̱j me yoꞌ maꞌ. Ne̱ né cacu̱nꞌ me sese otoj soj ga̱ nica̱ maꞌa̱n soj maꞌ. Tza̱j ne̱ síí otoj ga̱ ꞌó chana̱ do̱ꞌ, síí otoj ga̱ nica̱ tuviꞌ do̱ꞌ, me se quiꞌya̱j Yaꞌanj sayuun man soꞌ ado̱nj.

Apocalipsis 3:20

Nihánj me se ase vaa ꞌo̱ síí nicu̱nꞌ taꞌyaa ne̱ ticaꞌmii taꞌyaa roꞌ, vaa ꞌu̱nj a. Ne̱ sese vaa ꞌo̱ soꞌ cuno̱ snana̱j, ne̱ sese caꞌnu̱u̱ soꞌ taꞌyaa, ne̱ catu̱u̱ ꞌu̱nj rihaan soꞌ, ne̱ cha̱j ga̱ soꞌ, ne̱ soꞌ cha̱ ga̱ ꞌu̱nj a.