San Juan 2:16 - Triqui de San Juan Copala

¹⁶ Ga̱a ne̱ cataj soꞌ rihaan nij síí tuꞌvéj chaꞌaa̱n a: ―Quiri̱i̱ soj rasu̱u̱n nihánj xeꞌ cuaj yanj. Se̱ guun quiꞌya̱j soj yuꞌvee tucuá Réj maꞌ ―taj soꞌ rihaan nij síí tuꞌvéj chaꞌaa̱n ma̱n rá nuvií yoꞌ a.

San Juan 2:16 Iomraidhean Croise

San Mateo 21:12

Ga̱a ne̱ catúj Jesús rej ya̱nj nuvií noco̱o, ga̱a ne̱ guun cheꞌe̱ soꞌ quirii soꞌ man nu̱ꞌ nij síí tuꞌvéj rasu̱u̱n do̱ꞌ, man nij síí quiránj rasu̱u̱n ma̱n rej ya̱nj nuvií noco̱o do̱ꞌ a. Ne̱ tiguíj raꞌa soꞌ nij chruun mesá natuná nii saꞌanj rihaan, ne̱ tiguíj raꞌa soꞌ chruun xlá ta̱j nij síí tuꞌvéj chaꞌaa̱n a.

San Mateo 21:13

Ga̱a ne̱ caꞌmii soꞌ rihaan nij soꞌ, cataj soꞌ a: ―Ya̱ uxrá taj Danj Yaꞌanj se vaa tucuá Yaꞌanj rej achíín niꞌya̱j yuvii̱ rihaan Yaꞌanj me nihánj ado̱nj. Tza̱j ne̱ ase vaa yuꞌuj yuvej rej atúj yuve̱ síí itu̱u̱ vaa tucuá Yaꞌanj nihánj, quiꞌyaj soj na̱nj á ―taj Jesús a.

San Mateo 22:5

’Tza̱j ne̱ ne caꞌna̱ꞌ a̱ ꞌó nij soꞌ a̱ maꞌ. Ma̱an se taꞌa̱j nij soꞌ caꞌanj quiꞌya̱j suun xnaa̱ nij soꞌ, ne̱ ꞌó taꞌa̱j nij soꞌ caꞌanj cutuꞌve̱e̱ uún a.

San Marcos 11:17

Ga̱a ne̱ tucuꞌyón soꞌ man nij síí ma̱n rihaan nuvií, ne̱ cataj soꞌ a: ―Ya̱ uxrá taj Danj Yaꞌanj se vaa tucuá Yaꞌanj rej achíín niꞌya̱j nda̱a nij yuvii̱ yaníj rihaan Yaꞌanj me nihánj ado̱nj. Tza̱j ne̱ ase vaa yuꞌuj yuvej rej atúj yuve̱ síí itu̱u̱ vaa tucuá Yaꞌanj nihánj, quiꞌyaj soj na̱nj á ―taj Jesús a.

San Lucas 2:49

Tza̱j ne̱ cataj Jesús rihaan ro̱j soꞌ a: ―Taj cheꞌé nano̱ꞌ ro̱j so̱j manj maꞌ. Me cheꞌé ne neꞌen ro̱j so̱j se vaa no̱ xcúún ꞌu̱nj qui̱ꞌyáj se‑su̱u̱n Réj ga̱ ―taj xnii rihaan ro̱j ni̱ca̱ ro̱j soꞌ a.

San Juan 10:29

ꞌO̱ se Réj Yaꞌanj me síí rqué man nij xoꞌ rihanj, ne̱ si̱j noco̱o doj me soꞌ rihaan cunuda̱nj, ne̱ cheꞌé dan taj va̱j síí gu̱un nucua̱j caꞌne̱e̱ man nij xoꞌ raꞌa Réj Yaꞌanj a̱ maꞌ.

San Juan 2:15

Ga̱a ne̱ nica̱j Jesús neꞌ, quiꞌyaj soꞌ cuartá, ne̱ rno soꞌ man nij síí tuꞌvéj xcuu do̱ꞌ, man nij síí natuná saꞌanj do̱ꞌ, ne̱ quirii soꞌ xeꞌ man ta̱ranꞌ nij soꞌ a. Ne̱ rno soꞌ man nij scúj do̱ꞌ, man nij matzinj do̱ꞌ, quirii soꞌ xeꞌ a. Ne̱ tichaꞌnuu̱ soꞌ se‑saꞌa̱nj síí natuná saꞌanj rihaan yoꞌóó, ne̱ tinaxruꞌ soꞌ nij chruun mesá a.

San Juan 20:17

Ga̱a ne̱ cataj Jesús rihaan noꞌ a: ―Caꞌne̱ꞌ rá so̱ꞌ, se̱ canó so̱ꞌ doj manj maꞌ. ꞌO̱ se ataa cavi̱i̱ uún ꞌu̱nj quina̱nꞌ ꞌu̱nj rihaan Réj Yaꞌanj, ne̱ me rá ꞌu̱nj caꞌa̱nj so̱ꞌ rihaan nij tinúú ꞌu̱nj a. Cata̱j xnaꞌanj so̱ꞌ rihaan nij soꞌ se vaa cavi̱i̱ ꞌu̱nj quina̱nꞌ ꞌu̱nj rihaan Réj, ne̱ soꞌ me Rej soj uún, ne̱ Yaꞌanj si̱j noco̱ꞌ ꞌu̱nj me soꞌ, ne̱ Yaꞌanj síí noco̱ꞌ soj me uún soꞌ ado̱nj ―taj Jesús rihaan Mariá a.

San Juan 5:17

Ga̱a ne̱ cataj Jesús rihaan nij soꞌ a: ―Réj Yaꞌanj me se ne anicunꞌ soꞌ ga̱ suun maꞌ. Cheꞌé dan ꞌo̱ ꞌyaj suun ma̱ꞌanj ado̱nj ―taj Jesús rihaan nij soꞌ a.

San Juan 8:49

Ga̱a ne̱ cataj Jesús a: ―Taj va̱j nana̱ chre̱e nuû nimanj maꞌ. ꞌO̱ se aráj co̱chróó ꞌu̱nj rihaan Réj Yaꞌanj, tza̱j ne̱ ne aráj cochro̱j soj rihanj a̱ maꞌ.

1 Timoteo 6:5

Síí niꞌyo̱n me nij soꞌ, ne̱ naꞌvee xca̱j nij soꞌ cuentá a̱ maꞌ. Nana̱ ya̱ naꞌvee cuno̱ nij soꞌ maꞌ. Ma̱an se sese veꞌé canoco̱ꞌ nij soꞌ man Yaꞌanj, ne̱ quiꞌya̱j canaán ndoꞌo nij soꞌ saꞌanj, rá nij soꞌ ado̱nj.

2 Pedro 2:3

Gu̱un rá nij síí narque̱ tucuáán ne̱ yoꞌ quiꞌya̱j canaán ndoꞌo nij soꞌ saꞌanj, ne̱ cheꞌé dan nano̱ꞌ nij soꞌ nana̱ ne̱ caꞌmi̱i̱ nij soꞌ rihaan nij soj cheꞌé yan rque̱ soj saꞌanj man nij soꞌ a. Tza̱j ne̱ asi̱j naá cataj Yaꞌanj se vaa quira̱nꞌ ndoꞌo nij síí vaa da̱nj sayuun vaa güii, ne̱ ya̱ uxrá quira̱nꞌ nij soꞌ sayuun ado̱nj.