San Juan 19:9 - Triqui de San Juan Copala

⁹ Ga̱a ne̱ catúj uún soꞌ tucuá suun, ne̱ xnáꞌanj soꞌ man Jesús, cataj soꞌ a: ―Me rej cavii so̱ꞌ ga̱ ―taj soꞌ, xnáꞌanj soꞌ man Jesús a. Tza̱j ne̱ a̱ ꞌó nana̱ ne caꞌmi̱i̱ Jesús rihaan soꞌ a̱ maꞌ.

San Juan 19:9 Iomraidhean Croise

San Mateo 26:63

Tza̱j ne̱ dínj táá Jesús a. Ga̱a ne̱ cataj uún xrej ata̱ suun noco̱o doj rihaan Jesús a: ―Ase vaa nana̱ taj xnaꞌanj maꞌa̱n Yaꞌanj rihaan so̱ꞌ roꞌ, da̱nj ga̱a̱ nana̱ nihánj nana̱ cata̱j xnaꞌanj ꞌu̱nj rihaan so̱ꞌ á. ꞌU̱nj me síí ya̱ ya̱ caꞌne̱ꞌ suun rihaan so̱ꞌ cata̱j xnaꞌanj so̱ꞌ sese ya̱ ya̱ Síí Caꞌnéé Yaꞌanj Ti̱nanii man Yuvii̱ rihaan Sayuun ne̱ Taꞌníí Yaꞌanj mé so̱ꞌ á ―taj soꞌ rihaan Jesús a.

San Mateo 27:27

Ga̱a ne̱ caꞌanj nica̱j nij tanuu ꞌyaj suun rihaan síí nica̱j suun gobernador man Jesús rá tucuá suun ya̱nj gobernador yoꞌ a. Ne̱ naquiꞌyaj chre̱ꞌ nij tanuu man ta̱ranꞌ nij tuviꞌ tanu̱u nij soꞌ a.

San Lucas 23:9

Dan me se xnáꞌanj ndoꞌo soꞌ nana̱ man Jesús, tza̱j ne̱ a̱ ꞌó nana̱ ne cata̱j Jesús rihaan soꞌ a̱ maꞌ.

San Juan 18:28

Dan me se nica̱j nij mozó do̱ꞌ, nij tanuu do̱ꞌ, man Jesús curiha̱nj nij soꞌ rej ya̱nj síí cuꞌna̱j Caifás, ne̱ caꞌanj nij soꞌ tucuá suun a. Naꞌya̱a̱n uxrá me yoꞌ a. Ne̱ ne catu̱u̱ nij síí israelitá rá tucuá suun a̱ maꞌ. ꞌO̱ se me rá nij soꞌ cha̱ nij soꞌ Chaꞌanj Pascuá, ne̱ cheꞌé dan ne caꞌve̱j rá nij soꞌ gu̱un chiꞌi̱i̱ nij soꞌ rihaan Yaꞌanj quiꞌya̱j tucuá suun yoꞌ a.

San Juan 18:33

Dan me se catúj uún Pilató tucuá suun, ne̱ canacúún soꞌ caꞌna̱ꞌ Jesús, ne̱ xnáꞌanj soꞌ man Jesús, cataj soꞌ a: ―Ma̱ꞌán so̱ꞌ me síí nica̱j suun rey uun chij rihaan nij yuvii̱ israelitá naꞌ ―taj Pilató rihaan Jesús a.

San Juan 18:34

Ga̱a ne̱ xnáꞌanj Jesús man soꞌ, cataj Jesús a: ―Ma̱ꞌán so̱ꞌ cavii raa̱ nana̱ vaa da̱nj caꞌmii so̱ꞌ naꞌ. Ase ꞌó yuvii̱ cataj xnaꞌanj rihaan so̱ꞌ cheꞌej xa̱ꞌ ―taj Jesús, xnáꞌanj soꞌ man Pilató a.

San Juan 18:37

Ga̱a ne̱ xnáꞌanj Pilató man soꞌ, cataj soꞌ a: ―Cheꞌé dan síí nica̱j suun rey mé so̱ꞌ naꞌ. Ya̱ naꞌ ―taj Pilató, xnáꞌanj soꞌ man Jesús a. Ga̱a ne̱ cataj Jesús rihaan soꞌ a: ―Ya̱ uxrá vaa nana̱ caꞌmii ma̱ꞌán so̱ꞌ se vaa si̱j nica̱j suun rey mej á. Ne̱ nihánj me cata̱j xnaꞌanj ꞌu̱nj rihaan so̱ꞌ me cheꞌé caꞌngaa ꞌu̱nj ne̱ me cheꞌé caꞌnáꞌ ꞌu̱nj rihaan chumii̱ nihánj ado̱nj. Dan me se caꞌnáꞌ ꞌu̱nj cata̱j xnaꞌanj ꞌu̱nj nana̱ ya̱ rihaan yuvii̱ a. Ne̱ cunuda̱nj nij síí uno nana̱ ya̱ roꞌ, uno nana̱ aꞌmij ado̱nj ―taj Jesús rihaan Pilató a.

San Juan 19:10

Cheꞌé dan cataj Pilató rihaan soꞌ a: ―Me cheꞌé ne aꞌmii so̱ꞌ ga̱. Ne neꞌén so̱ꞌ sese ꞌu̱nj roꞌ, me síí no̱ xcúún quiri̱i̱ mán so̱ꞌ tagaꞌ, ne̱ vej nó xcúún quiꞌya̱j cachro̱n nij tanuu mán so̱ꞌ rihaan rcutze̱ á ―taj Pilató, xnáꞌanj soꞌ man Jesús a.

San Juan 19:8

Dan me se ga̱a cuno Pilató nana̱ vaa da̱nj, ga̱a ne̱ doj a̱ cuchuꞌviꞌ soꞌ a.

San Juan 8:14

Ga̱a ne̱ cataj Jesús rihaan nij soꞌ a: ―Nda̱ꞌ se ma̱ꞌanj me síí aꞌmii cheꞌej, tza̱j ne̱ ya̱ vaa snana̱j na̱nj á. ꞌO̱ se neꞌenj me rej cavij, ne̱ neꞌenj me rej caꞌa̱nj ꞌu̱nj ado̱nj. Ne̱ xa̱ꞌ soj, tza̱j ne̱ ne neꞌen soj me rej cavij ne neꞌen soj me rej caꞌa̱nj ꞌu̱nj a̱ maꞌ.

Filipenses 1:28

Ne̱ daj chiha̱a̱ míj se̱ cuchuꞌviꞌ soj ni̱ꞌyaj soj man nij síí ta̱j riꞌyunj man níꞌ maꞌ. Ne̱ yoꞌ me queneꞌe̱n nij soꞌ da̱j ꞌyaj soj, ne̱ xca̱j nij soꞌ cuentá se vaa xa̱ꞌ maꞌa̱n nij soꞌ, tza̱j ne̱ caꞌa̱nj nij soꞌ rihaan yaꞌan vaa güii, ne̱ xa̱ꞌ soj, tza̱j ne̱ nani̱i̱ soj rihaan sayuun ne̱ cavi̱i̱ sa̱ꞌ soj a. Veé da̱nj xca̱j ya̱ nij soꞌ cuentá, quiꞌya̱j Yaꞌanj na̱nj ado̱nj.