San Juan 19:39 - Triqui de San Juan Copala

³⁹ Ne̱ vaa síí cuꞌna̱j Nicodemo uún, ne̱ si̱j cuchiꞌ rihaan Jesús rej nii̱ asi̱j rque̱ doj me soꞌ a. Ne̱ caꞌanj soꞌ ga̱ José, ne̱ cata̱ soꞌ ico̱ chi̱ꞌ (30) kiló táá doj squíí cuꞌna̱j “mirra” nachej ga̱ se cuꞌna̱j áloe a.

San Juan 19:39 Iomraidhean Croise

San Mateo 12:20

Rcoo̱ xtunꞌ roꞌ, se̱ tacuachranꞌ soꞌ maꞌ. Ne̱ tuꞌvej agaꞌ yaꞌan avii yachruu̱ roꞌ, se̱ tinaꞌáj soꞌ maꞌ, nda̱a se quiꞌya̱j canaán nana̱ nica̱ ga̱a veꞌé caꞌne̱ꞌ soꞌ cacunꞌ cheꞌé yuvii̱ na̱nj ado̱nj.

San Mateo 19:30

Tza̱j ne̱ queꞌe̱e̱ uxrá nij síí guun chij ndoꞌo rihaan chumii̱ nihánj roꞌ, gu̱un nij soꞌ síí noco̱ꞌ, ne̱ queꞌe̱e̱ uxrá nij síí ne gu̱un chij rihaan chumii̱ nihánj roꞌ, gu̱un chij nij soꞌ, quiꞌya̱j Yaꞌanj vaa güii na̱nj ado̱nj.

San Mateo 2:11

Ga̱a ne̱ catúj nij soꞌ rá veꞌ rej canicunꞌ yatiꞌ xta̱ꞌ, ga̱a ne̱ queneꞌen nij soꞌ man neꞌej ga̱ nii neꞌej chana̱ cuꞌna̱j Mariá, ga̱a ne̱ quinij ru̱j nda̱a cayáán cuyu̱u̱ nij soꞌ, ne̱ caráj gue̱e̱ nij soꞌ rihaan neꞌej yoꞌ a. Veé dan, ga̱a ne̱ caꞌnúj nij soꞌ se‑chru̱nj nij soꞌ, ga̱a ne̱ rqué ndoꞌo nij soꞌ rasu̱u̱n sa̱ꞌ tuꞌve̱e̱ ndoꞌo rihaan neꞌej yoꞌ a. Dan me se agaꞌ oró míí do̱ꞌ, squíí cuꞌna̱j “incienso” do̱ꞌ, squíí cuꞌna̱j “mirra” do̱ꞌ, rqué u̱u̱n nij soꞌ rihaan neꞌej yoꞌ a.

San Marcos 16:1

Ne̱ tiꞌnuu güii naránj rá nij yuvii̱ israelitá me se quiránj Mariá Magdalena do̱ꞌ, Mariá nii Jacobo do̱ꞌ, Salomé do̱ꞌ, se gunꞌ da̱j, cheꞌé rej caꞌa̱nj caxri̱i̱ nij noꞌ se gunꞌ da̱j cúú man Jesús a.

San Juan 12:3

Dan me se nica̱j chana̱ cuꞌna̱j Mariá naꞌya̱nꞌ litró casté gunꞌ da̱j tuꞌve̱e̱ ndoꞌo cuꞌna̱j nardo ta̱ꞌ asuun, ne̱ caxríj noꞌ tacóó Jesús, ga̱a ne̱ yuvé raa̱ maꞌa̱n noꞌ tanacoo̱ noꞌ tacóó Jesús a. Ga̱a ne̱ nasíj totoꞌ nu̱ꞌ rá veꞌ yoꞌ, quiꞌyaj casté caxríj Mariá tacóó Jesús a.

San Juan 12:7

Dan me se cataj Jesús rihaan soꞌ a: ―Caꞌne̱ꞌ rá so̱ꞌ quiꞌya̱j maꞌa̱n noꞌ da̱nj á. Nica̱j noꞌ casté nihánj ne̱ caxríj noꞌ manj quiꞌyaj chuvi̱i noꞌ nee̱ manj cheꞌé güii cachi̱nꞌ nii manj na̱nj á.