San Juan 19:27 - Triqui de San Juan Copala

²⁷ Ga̱a ne̱ cataj soꞌ rihaan síí tucuꞌyón snana̱ soꞌ yoꞌ a: ―Chana̱ nihánj gu̱un nií so̱ꞌ á ―taj soꞌ rihaan síí tucuꞌyón snana̱ soꞌ yoꞌ a. Ne̱ ma̱an orá dan guun ni̱i síí tucuꞌyón snana̱ Jesús yoꞌ man nii Jesús, ne̱ caꞌanj nica̱j soꞌ man noꞌ veꞌ tucuá maꞌa̱n soꞌ a.

San Juan 19:27 Iomraidhean Croise

San Mateo 25:40

’Ga̱a ne̱ cata̱j ꞌu̱nj rihaan nij soꞌ a: “Ya̱ ya̱ cata̱j xnaꞌanj ꞌu̱nj rihaan soj cuano̱ se vaa racuíj ndoꞌo soj man nij tinúú ꞌu̱nj ga̱a quiranꞌ nij soꞌ sayuun vaa da̱nj na̱nj á. Nda̱ꞌ se síí nica̱ꞌ ndoꞌo me taꞌa̱j nij soꞌ, tza̱j ne̱ racuíj ndoꞌo soj man nij soꞌ, ne̱ cheꞌé se racuíj ndoꞌo soj man nij tinúú ꞌu̱nj, ne̱ cheꞌé dan me soj síí racuíj man ma̱ꞌanj ado̱nj”, cata̱j ꞌu̱nj rihaan nij soꞌ a.

San Marcos 3:34

Ga̱a ne̱ niꞌya̱j Jesús man nij síí ya̱nj nu̱ꞌ anica̱j xꞌnúú soꞌ, ne̱ cataj soꞌ a: ―Ni̱ꞌyaj soj á. Ase vaa nií ꞌu̱nj do̱ꞌ, ase vaa tinúú ꞌu̱nj do̱ꞌ, vaa nij síí nihánj ado̱nj.

San Lucas 18:28

Ga̱a ne̱ cataj Pedró rihaan soꞌ a: ―Ne̱ núj ga̱. A̱j tanáj núj nu̱ꞌ siꞌyaj núj, ne̱ canocoꞌ núj mán so̱ꞌ na̱nj á ―taj Pedró rihaan Jesús a.

San Juan 1:11

Nda̱a rihaan maꞌa̱n nij tuviꞌ soꞌ cuchiꞌ soꞌ, tza̱j ne̱ ne caꞌmi̱i̱ sa̱ꞌ nij soꞌ ga̱ soꞌ a̱ maꞌ.

San Juan 16:32

Ni̱ꞌyaj soj á. Quisi̱j güii, ne̱ a̱j quisíj güii yoꞌ, ne̱ chaꞌnu̱u̱ soj, ne̱ ino̱ rej cuna̱nj ꞌo̱ ꞌo̱ soj, caꞌa̱nj soj, ne̱ ta̱náj soj man o̱rúnꞌ ꞌu̱nj na̱nj á. Tza̱j ne̱ se̱ quináj o̱rúnꞌ ꞌu̱nj maꞌ. ꞌO̱ se nicu̱nꞌ Réj Yaꞌanj ga̱j ado̱nj.

Hechos 21:6

Ne̱ cataj núj rihaan tuviꞌ núj se vaa caꞌa̱nj núj, ne̱ dan me se cavii núj rque rihoo, ne̱ canica̱j nij soꞌ quinanꞌ nij soꞌ tucuá nij soꞌ a.