San Juan 19:18 - Triqui de San Juan Copala

¹⁸ Ne̱ ga̱a cuchiꞌ nij soꞌ rej yoꞌ, ga̱a ne̱ cachrón nij tanuu man soꞌ rihaan rcutze̱ a. Ne̱ yavíj ro̱j soꞌ cachrón uún nij tanuu rihaan yavíj rcutze̱ uún, ne̱ ꞌo̱ soꞌ roꞌ, nicu̱nꞌ rej nuva̱ꞌ Jesús, ne̱ ꞌó soꞌ roꞌ, nicu̱nꞌ rej nichru̱un Jesús, ne̱ tanu̱u̱ nicunꞌ maꞌa̱n Jesús a.

San Juan 19:18 Iomraidhean Croise

San Mateo 27:44

Ne̱ ase vaa caꞌmii nij soꞌ roꞌ, da̱nj caꞌmii uún ro̱j síí itu̱u̱ noco̱ꞌ rihaan rcutze̱ rej xꞌnu̱j Jesús, caꞌmii ro̱j soꞌ nana̱ nij rihaan Jesús a.

San Juan 18:32

Cheꞌé se caꞌmii nij soꞌ da̱nj roꞌ, cheꞌé dan quisi̱j ya̱ nu̱ꞌ snana̱ Jesús nana̱ aꞌmii cheꞌé da̱j quiꞌya̱j nii man soꞌ ticavi̱ꞌ nii man soꞌ a.

San Juan 19:32

Quiꞌyaj Pilató nda̱a vaa cachíín niꞌya̱j nij soꞌ rihaan soꞌ, ne̱ caꞌanj nij tanuu, ne̱ asino tucuachranꞌ nij tanuu tacóó ꞌo̱ síí noco̱ꞌ rej xꞌnu̱j Jesús a. Ga̱a ne̱ tucuachranꞌ uún nij tanuu tacóó síí noco̱ꞌ níchrej xꞌnúú Jesús a.

Hechos 2:23

Dan me se tacuachén nii man soꞌ rihaan nij síí ta̱j riꞌyunj man soꞌ, ne̱ cachrón nij síí ne nocoꞌ man Yaꞌanj man soꞌ rihaan rcutze̱, ne̱ caviꞌ soꞌ, quiꞌyaj maꞌa̱n soj a. Ne̱ nu̱ꞌ nihánj me se vaa ꞌo̱ guun rá Yaꞌanj quira̱nꞌ soꞌ, ne̱ a̱j queneꞌen Yaꞌanj se vaa quira̱nꞌ soꞌ da̱nj na̱nj ado̱nj.

Gálatas 3:13

Ga̱a naá cataj Yaꞌanj se vaa cano̱ uxrá sayuun xráá nij síí ne uno nu̱ꞌ stucua̱nj Moisés, tza̱j ne̱ tinanii Cristó man níꞌ rihaan sayuun yoꞌ cheꞌé se cata̱ soꞌ cacunꞌ tumé níꞌ do̱ꞌ, sayuun no̱ xráá níꞌ do̱ꞌ, ga̱a caviꞌ soꞌ rihaan rcutze̱ a. No̱ nana̱ nihánj rihaan Danj Yaꞌanj a: “Daj a̱ yuvii̱ noco̱ꞌ va̱j rihaan ꞌo̱ chruun me síí quiriꞌ nimán rihaan Yaꞌanj a.”

Hebreos 12:2

Ma̱an se ꞌo̱ ni̱ꞌyaj níꞌ man Jesús á. Maꞌa̱n soꞌ me se síí cuchruj tucuáán amán rá niꞌya̱j man Yaꞌanj ado̱nj. Ne̱ veé soꞌ me síí quisíj quiꞌyaj ya̱ nu̱ꞌ suun cheꞌé rej canoco̱ꞌ níꞌ man Yaꞌanj ado̱nj. Dan me se neꞌen soꞌ se vaa rej riha̱a̱n gu̱un niha̱ꞌ uxrá rá nimán soꞌ sese quiꞌya̱j soꞌ se vaa me rá Yaꞌanj, ne̱ cheꞌé dan guun nucua̱j soꞌ caviꞌ soꞌ rihaan rcutze̱, ne̱ ne cara̱yaꞌa̱nj soꞌ se vaa caꞌngaꞌ naco̱o̱ yuvii̱ niꞌya̱j yuvii̱ man soꞌ maꞌ. Síj ga̱a ne̱ caꞌanj ca̱yáán soꞌ rej nuva̱ꞌ xrúún Yaꞌanj, chruun xlá sa̱ꞌ uxrá ado̱nj.