San Juan 19:15 - Triqui de San Juan Copala

¹⁵ Ga̱a ne̱ caguáj nij yuvii̱, cataj nij soꞌ a: ―Ni̱caj tanuu man soꞌ, ne̱ caꞌa̱nj cachro̱n tanuu man soꞌ rihaan rcutze̱ cuaj qui̱ꞌyáá so̱ꞌ á ―taj nij soꞌ rihaan Pilató a. Ne̱ xnáꞌanj Pilató man nij soꞌ, cataj soꞌ a: ―Maꞌa̱n síí nica̱j suun rey uun chij rihaan soj cachro̱nj rihaan rcutze̱, rá soj a̱ naꞌ ―taj soꞌ, xnáꞌanj soꞌ man nij soꞌ a. ―Taj va̱j ꞌó rey maꞌ. O̱rúnꞌ síí cuꞌna̱j César me rey uun chij rihaan núj ado̱nj ―taj nij xrej ata̱ suun noco̱o a.

San Juan 19:15 Iomraidhean Croise

San Mateo 22:17

Cheꞌé dan cata̱j xnaꞌanj so̱ꞌ rihaan núj da̱j quiꞌya̱j yuvii̱, rá so̱ꞌ á: No̱ xcúún yuvii̱ go̱ꞌ yuvii̱ impuestó rihaan síí nica̱j suun emperador cuꞌna̱j César naꞌ. Ase se̱ goꞌ yuvii̱ xa̱ꞌ ―taj nij soꞌ, xnáꞌanj nij soꞌ man Jesús a.

San Lucas 23:18

Ga̱a ne̱ caguáj cunuda̱nj nij soꞌ, cataj nij soꞌ a: ―Ticavi̱ꞌ soj man síí nihánj ei. Quiri̱i̱ so̱ꞌ man síí cuꞌna̱j Barrabás tagaꞌ cheꞌé núj á ―taj nij soꞌ, caguáj nij soꞌ rihaan Pilató a.

San Juan 18:31

Cheꞌé dan cataj Pilató rihaan nij soꞌ a: ―Ni̱caj soj man soꞌ, ne̱ caꞌne̱ꞌ soj cacunꞌ cheꞌé soꞌ, quiꞌya̱j soj nda̱a vaa tucuáán noco̱ꞌ maꞌa̱n soj á ―taj Pilató rihaan nij soꞌ a. Ga̱a ne̱ cataj nij soꞌ rihaan Pilató a: ―No̱ xcúún soꞌ cavi̱ꞌ soꞌ, rá núj, tza̱j ne̱ naꞌvej rá soj si̱j cavii chumanꞌ Romá ticavi̱ꞌ núj man a̱ ꞌó yuvii̱ a̱ maꞌ ―taj nij soꞌ rihaan Pilató a.

San Juan 19:6

Dan me se ga̱a queneꞌen nij xrej ata̱ suun noco̱o do̱ꞌ, nij tanuu nu̱u̱ rihaan nij soꞌ do̱ꞌ, man Jesús, ne̱ caguáj nij soꞌ, cataj nij soꞌ a: ―Cavi̱ꞌ soꞌ rihaan rcutze̱, qui̱ꞌyáá so̱ꞌ á. Cavi̱ꞌ soꞌ rihaan rcutze̱, qui̱ꞌyáá so̱ꞌ á ―taj nij soꞌ, caguáj nij soꞌ a. Ga̱a ne̱ cataj Pilató rihaan nij soꞌ a: ―Ni̱caj maꞌa̱n soj man soꞌ cachro̱n soj man soꞌ rihaan rcutze̱, sese me rá soj na̱nj á. Xa̱ꞌ ꞌu̱nj, tza̱j ne̱ taj va̱j a̱ doj cacunꞌ tumé soꞌ naríꞌ ꞌu̱nj a̱ maꞌ ―taj Pilató rihaan nij soꞌ a.

Hechos 13:28

Dan me se taj va̱j a̱ doj cacunꞌ tumé soꞌ quiꞌya̱j cavi̱ꞌ soꞌ, tza̱j ne̱ rquee̱ nij soꞌ rihaan Pilató se vaa cavi̱ꞌ soꞌ quiꞌya̱j Pilató a.

Hechos 21:36

ꞌO̱ se canocoꞌ xraan nij yuvii̱ man nij tanuu, ne̱ caguáj nij yuvii̱, cataj nij yuvii̱ a: ―Ticavi̱ꞌ soj man soꞌ cuaj ei ―taj nij yuvii̱, caguáj nij yuvii̱, niꞌya̱j nij yuvii̱ man Pabló a.

Hechos 22:22

Dan me se nda̱a dan caꞌmii Pabló nana̱ yoꞌ, ne̱ nanó xre̱j nij síí israelitá snana̱ soꞌ a. Tza̱j ne̱ ga̱a canica̱j soꞌ caꞌmii soꞌ cheꞌé nij síí yaníj, ga̱a ne̱ canica̱j uún nij soꞌ, nucua̱j caguáj nij soꞌ, cataj nij soꞌ a: ―Cavi̱ꞌ síí nihánj á. Ne nó xcúún síí nihánj ga̱a̱ iꞌna̱ꞌ soꞌ rihaan chumii̱ nihánj a̱ maꞌ ―taj nij soꞌ, caguáj nij soꞌ a.