San Juan 18:4 - Triqui de San Juan Copala

⁴ Dan me se queneꞌen Jesús nu̱ꞌ se vaa quira̱nꞌ soꞌ, tza̱j ne̱ curiha̱nj soꞌ, ne̱ cataj soꞌ rihaan nij soꞌ a: ―Me síí nanoꞌ soj ga̱ ―taj soꞌ, xnáꞌanj soꞌ man nij soꞌ a.

San Juan 18:4 Iomraidhean Croise

San Mateo 16:21

Dan me se güii yoꞌ guun cheꞌe̱ Jesús cataj xnaꞌanj Jesús rihaan nij síí tucuꞌyón snana̱ soꞌ se vaa no̱ xcúún soꞌ caꞌa̱nj soꞌ chumanꞌ Jerusalén, ne̱ quira̱nꞌ ndoꞌo soꞌ sayuun quiꞌya̱j nij síí uun chij do̱ꞌ, nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ a. Ne̱ ticavi̱ꞌ nii man soꞌ, ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún soꞌ, cataj soꞌ a.

San Mateo 26:2

―Neꞌen soj se vaa cache̱n vi̱j güii, ga̱a ne̱ ca̱nuû Chaꞌanj Pascuá, ne̱ ta̱cuachén nii mán ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan nij síí cachro̱n manj rihaan rcutze̱ na̱nj ado̱nj ―taj Jesús a.

San Mateo 26:21

Ne̱ ga̱a chá nij soꞌ, ne̱ cataj Jesús a: ―Ya̱ ya̱ cata̱j xnaꞌanj ꞌu̱nj rihaan soj se vaa ta̱cuachén ꞌo̱ nij soj manj rihaan nij síí ta̱j riꞌyunj manj ado̱nj ―taj Jesús a.

San Mateo 26:31

Ga̱a ne̱ cataj Jesús rihaan nij soꞌ a: ―Danj Yaꞌanj taj se vaa quira̱nꞌ chiꞌii̱ síí tumé matzinj, quiꞌya̱j Yaꞌanj, ne̱ cuna̱nj nij matzinj chaꞌnu̱u̱ nij xoꞌ a. Ne̱ ya̱ ase vaa daán ꞌu̱nj matzinj vaa soj, ne̱ nii̱ corá gu̱un naꞌa̱j ta̱ranꞌ soj, ne̱ se̱ canocoꞌ soj manj a̱ maꞌ.

San Lucas 24:44

Ga̱a ne̱ cataj soꞌ rihaan nij soꞌ a: ―Nihánj me nana̱ caꞌmii ꞌu̱nj rihaan nij soj ga̱a va̱j ꞌu̱nj ga̱ soj, se vaa cataj ꞌu̱nj vaa cheꞌé quisi̱j ya̱ nu̱ꞌ nana̱ aꞌmii cheꞌé ꞌu̱nj nana̱ no̱ rihaan yanj no̱ stucua̱nj Moisés do̱ꞌ, yanj no̱ snana̱ nij síí nataꞌ snana̱ Yaꞌanj ga̱a naá do̱ꞌ, yanj no̱ nij chraꞌ salmó do̱ꞌ a ―taj soꞌ rihaan nij soꞌ a.

San Juan 13:1

Dan me se ga̱a ataa ca̱nuû Chaꞌanj Pascuá, ne̱ queneꞌen Jesús se vaa nichrunꞌ quisi̱j orá ta̱náj soꞌ chumii̱ nihánj ne̱ quina̱nꞌ soꞌ rihaan Rej soꞌ Yaꞌanj a. Dan me se ꞌe̱e̱ rá soꞌ man nij síí cachéé ga̱ soꞌ rihaan chumii̱ nihánj, ne̱ ꞌo̱ ꞌe̱e̱ rá soꞌ man nij soꞌ nda̱a se caviꞌ soꞌ a.

San Juan 13:11

ꞌO̱ se a̱j queneꞌen Jesús se vaa ta̱cuachén ꞌo̱ nij soꞌ man soꞌ rihaan nij síí ta̱j riꞌyunj man soꞌ a. Cheꞌé dan cataj soꞌ se vaa né cunuda̱nj nij soꞌ me síí naruvii man maꞌ.

San Juan 18:5

Ga̱a ne̱ cataj nij soꞌ rihaan soꞌ a: ―Nanoꞌ núj man Jesús síí cavii chumanꞌ Nazaret a ―taj nij soꞌ rihaan Jesús a. ―ꞌU̱nj me soꞌ á ―taj Jesús rihaan nij soꞌ a. Dan me se nicu̱nꞌ Judas síí tacuachén man Jesús ga̱ nij soꞌ a.

San Juan 18:7

Ga̱a ne̱ xnáꞌanj uún Jesús man nij soꞌ, cataj soꞌ a: ―Me síí nanoꞌ soj ga̱ ―taj uún Jesús a. Ga̱a ne̱ cataj uún nij soꞌ a: ―Jesús síí cavii chumanꞌ Nazaret a ―taj uún nij soꞌ a.

San Juan 19:28

Síj ga̱a ne̱ neꞌen Jesús se vaa a̱j quisíj nu̱ꞌ suun quiꞌyaj soꞌ, tza̱j ne̱ cheꞌé yan quisi̱j nana̱ no̱ rihaan Danj Yaꞌanj roꞌ, cataj soꞌ a: ―Nacoó ꞌu̱nj na na̱nj á ―taj soꞌ a.

San Juan 6:64

Tza̱j ne̱ taꞌa̱j soj me síí ne amán rá uno snana̱j a̱ maan ado̱nj ―taj Jesús rihaan nij síí tucuꞌyón snana̱ soꞌ a. ꞌO̱ se asi̱j guun cheꞌe̱ Jesús tucuꞌyón soꞌ snana̱ soꞌ man yuvii̱, ne̱ a̱j neꞌen soꞌ me síí ne amán rá niꞌya̱j man soꞌ, ne̱ a̱j neꞌen soꞌ me síí me síí ta̱cuachén man soꞌ rihaan nij síí ta̱j riꞌyunj man soꞌ ado̱nj.

Hechos 2:28

Dan me se tihaán so̱ꞌ rihanj tucuáán ca̱nocoj ne̱ caꞌve̱e ga̱a̱ iꞌna̱ꞌ ꞌu̱nj a. Ne̱ gu̱un niha̱ꞌ ndoꞌo rá nimanj, qui̱ꞌyáá so̱ꞌ, asa̱ꞌ canicúnꞌ ꞌu̱nj rihaan so̱ꞌ ado̱nj. Nihánj me snana̱ rey cuꞌna̱j David yoꞌ a.

1 Pedro 4:1

Dan me se cheꞌé se quiranꞌ ndoꞌo Cristó sayuun ga̱a me soꞌ yuvii̱ roꞌ, cheꞌé dan no̱ xcúún soj caꞌne̱j nucua̱j soj nimán soj, ga̱a ne̱ caꞌve̱e gu̱un nucua̱j soj rihaan sayuun quira̱nꞌ soj ado̱nj. Neꞌen soj se vaa síí quiranꞌ sayuun nee̱ man maꞌa̱n cheꞌé Yaꞌanj me se daj chiha̱a̱ míj se̱ quiꞌyaj canaán cacunꞌ rihaan soꞌ maꞌ.