San Juan 18:20 - Triqui de San Juan Copala

²⁰ Ga̱a ne̱ cataj Jesús rihaan nij soꞌ a: ―ꞌU̱nj roꞌ, caꞌmii ranga̱ꞌ rihaan cunuda̱nj nij yuvii̱ a. Nu̱ꞌ güii tucuꞌyón ꞌu̱nj snana̱j rá veꞌ tucuꞌyón níꞌ stucua̱nj Moisés do̱ꞌ, rej ya̱nj nuvií noco̱o do̱ꞌ, ne̱ yoꞌ me rej nuu chre̱ꞌ ta̱ranꞌ nij yuvii̱ israelitá a. Ne̱ taj va̱j nana̱ ne caꞌmi̱i̱ yuve̱ ꞌu̱nj maꞌ.

San Juan 18:20 Iomraidhean Croise

San Mateo 24:26

Cheꞌé dan me sese cata̱j yuvii̱ rihaan soj se vaa va̱j ꞌu̱nj rej tacaan naco̱o̱, ne̱ se̱ caꞌanj soj rej tacaan naco̱o̱ nano̱ꞌ soj manj maꞌ. Ne̱ sese cata̱j yuvii̱ rihaan soj se vaa yáán ꞌu̱nj rá ꞌo̱ veꞌ, ne̱ se̱ cuchumán rá soj maꞌ.

San Mateo 26:55

Ne̱ cataj Jesús rihaan nij yuvii̱ a: ―Me cheꞌé nica̱j soj neê espadá nica̱j soj chruun nica̱j soj, caꞌnaꞌ soj ga̱. Síí itu̱u̱ mé ꞌu̱nj, rá soj naꞌ. Ne̱ ꞌo̱ se guun queꞌe̱e̱ güii cayáán ꞌu̱nj rihaan rej ya̱nj nuvií noco̱o, tucuꞌyón ꞌu̱nj snana̱j rihaan nij yuvii̱, tza̱j ne̱ ne ta̱ꞌaa soj manj a.

San Mateo 26:65

Ga̱a ne̱ caꞌmaan rá xrej yoꞌ, ne̱ cutzinꞌ xrej yoꞌ saga̱nꞌ maꞌa̱n xrej, ne̱ cataj xrej rihaan tuviꞌ xrej a: ―Ni̱ꞌyaj soj vi̱j. Qui̱j uxrá tuꞌva síí nihánj rihaan Yaꞌanj asânj. Se̱ cachiin doj síí caꞌna̱ꞌ cata̱j xnaꞌanj rihaan níꞌ cheꞌé cacunꞌ tumé síí nihánj a̱ maꞌ. Ma̱an se cuano̱ nihánj me se cuno maꞌa̱n soj nana̱ qui̱j caꞌmii soꞌ se vaa ca̱yáán maꞌa̱n soꞌ rej xꞌnu̱j Yaꞌanj, taj soꞌ ado̱nj.

San Mateo 4:23

Veé dan, ne̱ cachéé Jesús nu̱ꞌ estadó Galilea, ne̱ tucuꞌyón soꞌ snana̱ Yaꞌanj man nij yuvii̱ nuu chre̱ꞌ rá veꞌ tucuꞌyón nij yuvii̱ israelitá stucua̱nj Moisés a. Ne̱ caꞌmii natáj soꞌ nana̱ sa̱ꞌ rihaan nij yuvii̱ cheꞌé da̱j vaa uun chij Yaꞌanj a. Ne̱ nahuun cunuda̱nj nij yuvii̱ ranꞌ do̱ꞌ, cunuda̱nj nij yuvii̱ ninaj do̱ꞌ, quiꞌyaj soꞌ a.

San Mateo 9:35

Ga̱a ne̱ caꞌanj Jesús nu̱ꞌ nij chumanꞌ noco̱o nu̱ꞌ nij chumanꞌ cunii nu̱ꞌ, ne̱ tucuꞌyón soꞌ rihaan nij yuvii̱ ma̱n rá veꞌ tucuꞌyón nij yuvii̱ israelitá stucua̱nj Moisés a. Ne̱ caꞌmii natáj soꞌ nana̱ sa̱ꞌ cheꞌé da̱j vaa uun chij Yaꞌanj, ne̱ nahuun sa̱ꞌ ta̱ranꞌ nij síí ranꞌ do̱ꞌ, nij síí ninaj do̱ꞌ, quiꞌyaj uún soꞌ ado̱nj.

San Marcos 8:32

Nica̱ ndoꞌo nataꞌ soꞌ nana̱ yoꞌ rihaan nij soꞌ a. Ga̱a ne̱ quirii yaníj Pedró man Jesús, ne̱ guun cheꞌe̱ soꞌ cataj soꞌ se vaa ne nó xcúún Jesús caꞌmi̱i̱ Jesús nana̱ vaa da̱nj maꞌ.

San Lucas 21:37

Dan me se rej ranga̱ꞌ roꞌ, tucuꞌyón Jesús man nij yuvii̱ rej ya̱nj nuvií noco̱o, ne̱ rej tiꞌnuu me se curiha̱nj soꞌ rque chumanꞌ, ne̱ rej cuꞌna̱j Tacaan ma̱n Chruun Olivó aranꞌ soꞌ a.

San Lucas 4:15

Caꞌanj Jesús da̱j a̱ nij veꞌ tucuꞌyón nij yuvii̱ israelitá stucua̱nj Moisés, ne̱ tucuꞌyón soꞌ snana̱ Yaꞌanj man nij yuvii̱, ne̱ veꞌé uxrá caꞌmii ta̱ranꞌ nij yuvii̱ cheꞌé soꞌ a.

San Juan 18:21

Me cheꞌé xnáꞌanj soj manj ga̱. Xna̱ꞌanj soj man nij yuvii̱ cuno nana̱ caꞌmij á. Veé nij soꞌ neꞌen ya̱ da̱j caꞌmii ꞌu̱nj na̱nj á ―taj Jesús rihaan síí cuꞌna̱j Anás yoꞌ a.

San Juan 6:59

Nana̱ nihánj me nana̱ tucuꞌyón Jesús rihaan nij yuvii̱ cunuu chre̱ꞌ rá veꞌ tucuꞌyón nij síí israelitá stucua̱nj Moisés veꞌ ya̱nj chumanꞌ Capernaum a.

San Juan 7:14

Dan me se a̱j quisíj caꞌa̱nj güii anuû chaꞌanj, ne̱ cavii Jesús rej ya̱nj nuvií noco̱o, ne̱ tucuꞌyón soꞌ man nij yuvii̱ a.

San Juan 7:26

Ne̱ nihánj aꞌmii ranga̱ꞌ soꞌ, ne̱ a̱ ꞌó nana̱ ne aꞌmii nij soꞌ rihaan soꞌ maan asânj. Ya̱ ya̱ Síí Caꞌnéé Yaꞌanj Ti̱nanii man Yuvii̱ rihaan Sayuun me soꞌ, rá nij síí uun chij rihaan níꞌ si̱j israelitá naꞌ.

San Juan 7:28

Cheꞌé dan sca̱ꞌ ndoꞌo caꞌmii Jesús ga̱a tucuꞌyón soꞌ man nij yuvii̱ rej ya̱nj nuvií noco̱o, ne̱ cataj soꞌ a: ―Neꞌen soj manj, ne̱ neꞌen soj me rej cavii ꞌu̱nj na̱nj ado̱nj. Tza̱j ne̱ ne caꞌna̱ꞌ ma̱ꞌanj maꞌ. ꞌO̱ se ya̱ aꞌmii síí caꞌnéé manj, tza̱j ne̱ ne neꞌen uxrá soj man soꞌ a̱ maꞌ.

San Juan 7:4

Sese me rá ꞌo̱ soꞌ xca̱j ndoꞌo yuvii̱ cuentá cheꞌé maꞌa̱n soꞌ, ne̱ ne ꞌyaj yuve̱ soꞌ se‑su̱u̱n soꞌ maꞌ. Sese ya̱ ꞌyáá so̱ꞌ suun sa̱ꞌ noco̱o, ne̱ caꞌa̱nj so̱ꞌ rej queneꞌe̱n nij síí ma̱n rihaan chumii̱ nihánj mán so̱ꞌ á ―taj nij tinúú maꞌa̱n Jesús rihaan soꞌ a.

San Juan 8:2

Dan me se rej síj güii me se caꞌanj uún Jesús rej ya̱nj nuvií noco̱o a. Ga̱a ne̱ cuchiꞌ cunuda̱nj nij yuvii̱ rihaan soꞌ, ne̱ caꞌanj ca̱yáán soꞌ, ne̱ tucuꞌyón soꞌ man nij yuvii̱ yoꞌ a.

San Juan 8:26

Vaa ndoꞌo nana̱ no̱ xcúnj caꞌmi̱j cheꞌé soj, ne̱ no̱ xcúún uxraj ya̱ caꞌne̱ꞌ ꞌu̱nj cacunꞌ cheꞌé soj na̱nj á. Dan me se síí caꞌnéé manj, tza̱j ne̱ ina̱nj nana̱ ya̱ aꞌmii soꞌ, ne̱ ina̱nj nana̱ caꞌmii soꞌ cunoj me nana̱ taj xnaꞌanj ꞌu̱nj rihaan soj si̱j ma̱n rihaan chumii̱ nihánj ado̱nj ―taj Jesús rihaan nij soꞌ a.

Hechos 26:26

ꞌO̱ se si̱j nica̱j suun rey me síí nihánj, ne̱ soꞌ me síí neꞌen da̱j vaa nu̱ꞌ rasu̱u̱n natáꞌ ꞌu̱nj rihaan nij soj cuano̱ á. Ne̱ ne chuꞌvíꞌ ꞌu̱nj nata̱ꞌ ꞌu̱nj nu̱ꞌ nana̱ nihánj rihaan soꞌ maꞌ. ꞌO̱ se a̱j xcaj rey cuꞌna̱j Agripa cuentá cheꞌé nu̱ꞌ rasu̱u̱n nihánj, rá ꞌu̱nj á. ꞌO̱ se né ra̱su̱u̱n ꞌni̱j yuve̱ me rasu̱u̱n nihánj a̱ maan ado̱nj ―taj Pabló rihaan Festo a.