San Juan 18:1 - Triqui de San Juan Copala

¹ Ga̱a quisíj caꞌmii Jesús nu̱ꞌ nana̱ vaa da̱nj, ga̱a ne̱ cavii soꞌ ga̱ nij síí tucuꞌyón snana̱ soꞌ a. Ne̱ caꞌanj nij soꞌ rej xco̱ chráá catu̱u̱n cuꞌna̱j Cedrón, ne̱ cuchiꞌ nij soꞌ ꞌo̱ naa̱ chruun, ne̱ catúj ta̱ranꞌ nij soꞌ a.

San Juan 18:1 Iomraidhean Croise

San Mateo 26:30

Ga̱a ne̱ cachráá ta̱ranꞌ nij soꞌ chraꞌ rihaan Yaꞌanj, ne̱ cavii nij soꞌ, caꞌanj nij soꞌ tacaan cuꞌna̱j Tacaan ma̱n Chruun Olivó a.

San Mateo 26:36

Ga̱a ne̱ caꞌanj Jesús ga̱ nij soꞌ nda̱a ꞌó rej cuꞌna̱j Getsemaní, ne̱ cataj xnaꞌanj Jesús rihaan nij soꞌ a: ―Ca̱yáán soj nihánj, na̱ꞌvi̱j soj mán ꞌu̱nj, ne̱ caꞌa̱nj ꞌu̱nj ga̱nꞌ do̱j tzínꞌ, ne̱ cachi̱nj ni̱ꞌyáj rihaan Réj a ―taj Jesús a.

San Marcos 14:26

Ga̱a ne̱ cachráá ta̱ranꞌ nij soꞌ ꞌo̱ chraꞌ rihaan Yaꞌanj, ne̱ cavii nij soꞌ, caꞌanj nij soꞌ tacaan cuꞌna̱j Tacaan ma̱n Chruun Olivó a.

San Marcos 14:32

Ga̱a ne̱ caꞌanj Jesús ga̱ nij síí tucuꞌyón snana̱ soꞌ nda̱a ꞌó rej cuꞌna̱j Getsemaní, ne̱ cataj xnaꞌanj Jesús rihaan nij soꞌ a: ―Ca̱yáán soj nihánj, na̱ꞌvi̱j soj mán ꞌu̱nj, ne̱ caꞌa̱nj ꞌu̱nj, cachi̱nj ni̱ꞌyáj rihaan Réj a ―taj Jesús a.

San Marcos 14:42

Na̱xagaa soj, caꞌa̱nj níꞌ na̱nj á. Ni̱ꞌyaj soj á. ꞌNaꞌ síí ta̱cuachén manj rihaan síí ta̱j riꞌyunj manj na̱nj chugua̱nj ―taj Jesús a.

San Juan 14:31

Tza̱j ne̱ me rá ꞌu̱nj queneꞌe̱n nij síí noco̱ꞌ se‑chre̱j chumii̱ nihánj se vaa aráj co̱chróó ꞌu̱nj rihaan Réj Yaꞌanj, ne̱ cheꞌé dan qui̱ꞌyáj nda̱a vaa caꞌneꞌ soꞌ suun rihanj ado̱nj. Canicu̱nꞌ caya̱ soj, ne̱ cavi̱i̱ níꞌ caꞌa̱nj níꞌ á ―taj Jesús rihaan nij síí tucuꞌyón snana̱ soꞌ a.

San Juan 18:26

Ga̱a ne̱ xnáꞌanj ꞌo̱ se‑mo̱zó xrej ata̱ suun noco̱o doj man soꞌ, ne̱ tuviꞌ síí güéj xréé quiꞌyaj Pedró me soꞌ, ne̱ cataj soꞌ a: ―Né so̱ꞌ me síí va̱j ga̱ Jesús rque naa̱ chruun queneꞌenj naꞌ ―taj soꞌ, xnáꞌanj soꞌ man Pedró a.

Hechos 21:11

Dan me se caꞌnaꞌ soꞌ rihaan núj, ne̱ nica̱j soꞌ marque̱ ꞌni̱j catuu̱n Pabló, numíj soꞌ tacóó maꞌa̱n soꞌ do̱ꞌ, raꞌa soꞌ do̱ꞌ a. Ga̱a ne̱ cataj soꞌ a: ―Nihánj me se taj Nimán Yaꞌanj a: “Síí siꞌya̱j yatzíj nihánj me se ase vaa quiꞌyáá ꞌu̱nj cuano̱ nihánj roꞌ, da̱nj ga̱a̱ quiꞌya̱j nij síí israelitá ma̱n chumanꞌ Jerusalén, nu̱míj nij soꞌ man soꞌ, ne̱ ta̱cuachén nij soꞌ man soꞌ raꞌa nij síí yaníj ado̱nj” ―taj Agabo a.