San Juan 17:7 - Triqui de San Juan Copala

⁷ ’Nihánj me se neꞌen nij soꞌ se vaa nij rasu̱u̱n nica̱j ꞌu̱nj me se ma̱ꞌán so̱ꞌ me síí rqué nu̱ꞌ rasu̱u̱n yoꞌ manj na̱nj ado̱nj.

San Juan 17:7 Iomraidhean Croise

San Juan 14:20

’Asa̱ꞌ queneꞌen soj manj ne̱ queneꞌe̱n soj se vaa cuya̱a̱n vaa rá ꞌu̱nj ga̱ Réj, ne̱ cuya̱a̱n ga̱a̱ rá soj ga̱ ꞌu̱nj, ne̱ cuya̱a̱n ga̱a̱ rá ꞌu̱nj ga̱ soj na̱nj ado̱nj.

San Juan 16:15

Nu̱ꞌ nana̱ ya̱ vaa rihaan Réj Yaꞌanj cheꞌé ꞌu̱nj roꞌ, snana̱ ꞌu̱nj me yoꞌ a. Cheꞌé dan cataj ꞌu̱nj se vaa ni̱caj Nimán Yaꞌanj nana̱ ya̱ cheꞌej, ne̱ ti̱haa̱n soꞌ rihaan soj a ―taj Jesús rihaan nij síí tucuꞌyón snana̱ soꞌ a.

San Juan 17:10

Ne̱ nij síí noco̱ꞌ manj me se noco̱ꞌ nij soꞌ mán so̱ꞌ, ne̱ nij síí noco̱ꞌ mán so̱ꞌ roꞌ, nocoꞌ manj, ne̱ a̱j sa̱ꞌ uxrá caꞌmii nij yuvii̱ cheꞌé ꞌu̱nj, quiꞌyaj nij soꞌ na̱nj á.

San Juan 17:6

’Ne̱ xa̱ꞌ nij síí rqué so̱ꞌ manj síí cavii rihaan chumii̱ nihánj, tza̱j ne̱ cataj xnaꞌanj ꞌu̱nj snana̱ so̱ꞌ rihaan nij soꞌ a. Ne̱ si̱j cuno rihaan so̱ꞌ me nij soꞌ, ne̱ rqué so̱ꞌ man nij soꞌ rihanj, ne̱ a̱j quiꞌyaj nij soꞌ nda̱a vaa taj snana̱ so̱ꞌ na̱nj á.

San Juan 17:8

ꞌO̱ se cataj xnaꞌanj ꞌu̱nj nu̱ꞌ nana̱ rqué so̱ꞌ manj rihaan nij soꞌ, ne̱ cuno nij soꞌ a. Ne̱ neꞌen ya̱ nij soꞌ se vaa cavii ꞌu̱nj rihaan so̱ꞌ, ne̱ amán rá nij soꞌ se vaa caꞌnéé so̱ꞌ manj rihaan chumii̱ nihánj a.

San Juan 8:28

Cheꞌé dan cataj Jesús rihaan nij soꞌ a: ―Asa̱ꞌ quisíj naxca̱j soj mán ꞌu̱nj cano̱j rihaan rcutze̱, ga̱a ne̱ xca̱j ya̱ soj cuentá se vaa ya̱ ya̱ Si̱j Caꞌnéé Yaꞌanj Ni̱caj Yuꞌunj man Yuvii̱ mej ado̱nj. Ne̱ ne ꞌyáá ꞌu̱nj se vaa avii ina̱nj raa̱ ma̱ꞌanj maꞌ. ꞌO̱ se aꞌmii ꞌu̱nj nda̱a vaa tucuꞌyón Réj manj ado̱nj.