San Juan 16:33 - Triqui de San Juan Copala

³³ Nu̱ꞌ nana̱ nihánj caꞌmij rihaan soj, cheꞌé se me raj ga̱a̱ xe̱j nimán soj cheꞌé se noco̱ꞌ soj manj a. Quira̱nꞌ soj sayuun rihaan chumii̱ nihánj, tza̱j ne̱ vaa cheꞌé gu̱un niha̱ꞌ rá soj, ne̱ gu̱un ya̱ ya̱ rá soj se vaa ꞌu̱nj nihánj quiꞌyaj canaán ya̱ rihaan chumii̱ nihánj na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Juan 16:33 Iomraidhean Croise

San Mateo 9:2

Ne̱ nica̱j nii man ꞌo̱ síí naꞌvee cache̱e̱ táá rihaan yuvéé, ne̱ caꞌnaꞌ nii rihaan Jesús a. Ne̱ queneꞌen Jesús se vaa cuchumán uxrá rá nij yuvii̱ se vaa nahu̱un sa̱ꞌ síí naꞌvee cache̱e̱ yoꞌ quiꞌya̱j Jesús a. Cheꞌé dan cataj soꞌ rihaan síí ranꞌ yoꞌ a: ―Caꞌne̱j nucua̱j nimán so̱ꞌ cheꞌé se navij cacunꞌ xráá so̱ꞌ, na̱nj tinu̱j ―taj Jesús rihaan síí naꞌvee cache̱e̱ yoꞌ a.

San Lucas 19:38

Dan me se cataj nij soꞌ a: ―Cuna̱j uxrá vaa caꞌnaꞌ síí caꞌnéé Síí ꞌNi̱j Raꞌa man níꞌ na̱nj á. Síí nica̱j suun rey uun chij rihaan níꞌ me soꞌ ado̱nj. Naꞌmi̱i̱ sa̱ꞌ Yaꞌanj si̱j nicu̱nꞌ xta̱ꞌ ga̱ níꞌ á. Cata̱j nii se vaa niꞌndaj ya̱ sa̱ꞌ veꞌé ꞌyaj síí nicu̱nꞌ xta̱ꞌ á ―taj nij yuvii̱, caguáj nij soꞌ a.

San Lucas 2:14

Niꞌndaj ya̱ sa̱ꞌ veꞌé vaa Yaꞌanj, cata̱j nij síí ma̱n xta̱ꞌ, ne̱ ga̱a̱ xe̱j nimán nij yuvii̱ si̱j sa̱ꞌ nimán ma̱n rihaan chumii̱ a, taj nij se‑mo̱zó Yaꞌanj rihaan nij síí tumé matzinj a.

San Juan 12:31

Cheꞌé se vaa qui̱ranj cuano̱ caꞌne̱ꞌ Yaꞌanj cacunꞌ cheꞌé nij yuvii̱ ma̱n rihaan chumii̱ nihánj, ne̱ quiri̱i̱ yaníj Yaꞌanj man Síí Chre̱e síí uun chij rihaan chumii̱ nihánj chugua̱nj.

San Juan 14:1

Ga̱a ne̱ cataj Jesús rihaan ta̱ranꞌ nij soꞌ a: ―Caꞌne̱ꞌ rá soj ga̱ suun ꞌnaꞌ xruꞌ nimán á. Cuchuma̱n rá soj ni̱ꞌyaj soj Yaꞌanj, ne̱ cuchuma̱n rá soj ni̱ꞌyaj soj manj á.

San Juan 14:27

’Dan me se se xe̱j nu̱u̱ nimán ꞌu̱nj ta̱náj ꞌu̱nj rihaan soj, ne̱ se xe̱j nu̱u̱ nimán ꞌu̱nj rque̱j man soj, ne̱ se̱ tihaꞌ yuꞌunj ꞌu̱nj man soj nda̱a vaa ꞌyaj nij síí noco̱ꞌ se‑chre̱j chumii̱ nihánj maꞌ. Ya̱ ya̱ ga̱a̱ xe̱j nimán soj, quiꞌya̱j yá ꞌu̱nj ado̱nj. Taj cheꞌé nu̱u̱ xruꞌ nimán soj maꞌ. Se̱ cuchuꞌviꞌ nimán soj maꞌ.

San Juan 16:11

Cheꞌé se a̱j caꞌneꞌ Yaꞌanj cacunꞌ cheꞌé Síí Chre̱e síí uun chij rihaan chumii̱ nihánj roꞌ, cheꞌé dan cata̱j Nimán Yaꞌanj se vaa caꞌne̱ꞌ Yaꞌanj cacunꞌ cheꞌé maꞌa̱n nij yuvii̱ uún ado̱nj.

Hechos 14:22

Ne̱ nariꞌ nucuaj nimán cunuda̱nj nij síí tucuꞌyón snana̱ Jesucristó, quiꞌyaj ro̱j soꞌ a. Ne̱ narqué ro̱j soꞌ chrej nucua̱j man nij síí tucuꞌyón snana̱ Jesucristó se vaa daj chiha̱a̱ míj se̱ caꞌneꞌ rá nij soꞌ ga̱ suun noco̱ꞌ stucua̱nj Jesucristó a. Ne̱ cataj ro̱j soꞌ se vaa asino quira̱nꞌ ndoꞌo níꞌ sayuun, ga̱a ne̱ caꞌve̱e catu̱u̱ níꞌ ca̱yáán níꞌ ga̱ Yaꞌanj asa̱ꞌ guun chij Yaꞌanj, taj ro̱j soꞌ a.

Hechos 23:11

Tiꞌnuu ꞌó güii me se curuviꞌ maꞌa̱n Síí ꞌNi̱j Raꞌa man níꞌ rihaan Pabló, ne̱ cataj soꞌ rihaan Pabló a: ―Ga̱a̱ nucua̱j nimán so̱ꞌ á. ꞌO̱ se ase vaa ꞌo̱ xraan taj xnaꞌanj so̱ꞌ rihaan nij síí ma̱n chumanꞌ Jerusalén nihánj cheꞌé ꞌu̱nj roꞌ, da̱nj ga̱a̱ cata̱j xnaꞌanj so̱ꞌ rihaan nij síí ma̱n chumanꞌ Romá uún cheꞌé ꞌu̱nj ado̱nj ―taj Síí ꞌNi̱j Raꞌa man níꞌ rihaan Pabló a.

Hechos 27:22

Ne̱ nihánj me se cuno̱ soj chrej narque̱ ꞌu̱nj man soj, ne̱ naquiꞌya̱j niha̱ꞌ soj nimán soj á. ꞌO̱ se a̱ ꞌó nij soj se̱ caviꞌ maꞌ. Ma̱an o̱rúnꞌ rihoo nihánj caꞌa̱nj niꞌya̱ a.

Hechos 27:25

Cheꞌé dan naquiꞌya̱j niha̱ꞌ soj nimán soj, tinu̱j. ꞌO̱ se ꞌu̱nj me síí amán ya̱ rá niꞌya̱j Yaꞌanj se vaa quiꞌya̱j Yaꞌanj nu̱ꞌ nda̱a vaa cataj xnaꞌanj se‑mo̱zó Yaꞌanj rihanj ado̱nj.

Hechos 9:31

Veé dan me se dínj yáán cunuda̱nj nij xꞌneꞌ nij síí noco̱ꞌ man Jesús ya̱nj nu̱ꞌ estadó Judea do̱ꞌ, Galilea do̱ꞌ, Samaria do̱ꞌ a. Dan me se caráj cochro̱j ndoꞌo nij soꞌ rihaan Yaꞌanj Si̱j ꞌNi̱j Raꞌa man níꞌ, ne̱ cheꞌé dan nariꞌ nucuaj nij soꞌ, ne̱ guun ri̱i̱ ndoꞌo nij soꞌ doj, quiꞌyaj Nimán Yaꞌanj a.

2 Corintios 1:3

Cata̱j níꞌ se vaa ina̱nj sa̱ꞌ uxrá vaa Yaꞌanj ado̱nj. Taꞌanj Jesucristó Si̱j ꞌNi̱j Raꞌa man níꞌ me Yaꞌanj, ne̱ Rej Jesucristó me Yaꞌanj uún chugua̱nj. Ne̱ soꞌ me síí ꞌe̱e̱ ndoꞌo rá man yuvii̱, ne̱ soꞌ me síí ꞌyaj nariꞌ nucuaj nimán yuvii̱ chugua̱nj.

2 Corintios 13:11

Ne̱ vaa do̱j nana̱ me raj cata̱j xnaꞌanj ꞌu̱nj rihaan soj, tinu̱j, nocoj. Dan me se ga̱a̱ niha̱ꞌ ya̱ rá nimán soj á. Rquee̱ soj sa̱ꞌ doj ga̱a̱ nimán soj á. Ga̱a̱ nucua̱j rá soj quiꞌya̱j snana̱ ꞌu̱nj á. ꞌO̱ cuya̱a̱n ga̱a̱ rá nimán soj ga̱ tuviꞌ soj na̱nj á. Ga̱a̱ xe̱j nimán soj á. Ne̱ ca̱yáán Yaꞌanj si̱j ꞌyaj vaa xe̱j nimán níꞌ do̱ꞌ, si̱j ꞌyaj nuu ꞌe̱e̱ rá níꞌ tinúú níꞌ do̱ꞌ, ga̱ soj ado̱nj.

2 Corintios 2:14

Tza̱j ne̱ taj níꞌ guun niꞌya̱j níꞌ rihaan Yaꞌanj, cheꞌé se Yaꞌanj me síí ꞌyaj se vaa ꞌyaj canaán uxrá núj rihaan Síí Chre̱e cheꞌé Cristó a. Ne̱ Yaꞌanj me síí ꞌyaj uno yuvii̱ ma̱n cunuda̱nj nij chumanꞌ nana̱ sa̱ꞌ aꞌmii núj cheꞌé Cristó, ne̱ ꞌo̱ chaꞌnuu̱ nana̱ sa̱ꞌ yoꞌ rihaan nu̱ꞌ cachra̱ꞌ chumii̱, nda̱ꞌ rá se vaa avii se gunꞌ da̱j man yâj ga̱a naxraꞌ yoꞌ roꞌ, da̱nj vaa chaꞌnuu̱ snana̱ Yaꞌanj chugua̱nj.

2 Corintios 4:7

Dan me se nu̱u̱ nu̱ꞌ rasu̱u̱n sa̱ꞌ yoꞌ nimán núj, tza̱j ne̱ ase vaa ꞌo̱ xruj yoꞌóó niquii u̱u̱n vaa núj, ne̱ cheꞌé dan neꞌen ya̱ níꞌ se vaa nu̱ꞌ se sa̱ꞌ nucua̱j yoꞌ ꞌnaꞌ ꞌyaj Yaꞌanj ado̱nj. Ne̱ né maꞌa̱n núj ꞌyaj veé ꞌnaꞌ se sa̱ꞌ yoꞌ maꞌ.

2 Corintios 6:4

ꞌO̱ se me rá núj ni̱ꞌyaj nii man núj ne̱ cata̱j nii se vaa ya̱ ya̱ si̱j ꞌyaj se‑su̱u̱n Yaꞌanj me núj, ne̱ cheꞌé dan nda̱ꞌ se ranꞌ núj sayuun, tza̱j ne̱ vaa ina̱j nimán núj na̱nj ado̱nj. Dan me se ranꞌ núj sayuun, ne̱ achiin rasu̱u̱n man núj, ne̱ chuꞌviꞌ nimán núj, ne̱ oꞌ nii cuartá xráá núj, ne̱ axríj nii tagaꞌ man núj, ne̱ nuu chre̱ꞌ nii quiꞌya̱j nii sayuun man núj a. Ne̱ ꞌyaj suun ndoꞌo núj cheꞌé yan quiꞌya̱j canaán núj cha̱ núj, ne̱ vaa güii narii ndoꞌo núj nej, ne̱ vaa güii, ne̱ ne vaa yaꞌnúj rihaan núj cha̱ núj, tza̱j ne̱ vaa ina̱j nimán núj, ne̱ ne aꞌneꞌ rá núj a̱ maꞌ.

2 Corintios 7:4

Ina̱nj nucua̱j ndoꞌo rá ꞌu̱nj niꞌya̱j ꞌu̱nj man soj se vaa veꞌé quiꞌya̱j soj, ne̱ niha̱ꞌ ndoꞌo rá ꞌu̱nj niꞌya̱j ꞌu̱nj man soj, ne̱ nda̱ꞌ se sayuun ranꞌ núj, tza̱j ne̱ uun niha̱ꞌ ndoꞌo rá nimanj ado̱nj.

Gálatas 1:4

Dan me se chiꞌi̱i̱ vaa nimán yuvii̱ ma̱n rihaan chumii̱ nihánj cuano̱, ne̱ me rá Rej níꞌ Yaꞌanj nani̱i̱ níꞌ rihaan sayuun quira̱nꞌ nij yuvii̱ yoꞌ, ne̱ cheꞌé dan caꞌvej Jesucristó Si̱j ꞌNi̱j Raꞌa man níꞌ cavi̱ꞌ ya̱ maꞌa̱n soꞌ cheꞌé cacunꞌ tumé níꞌ ado̱nj.

Gálatas 6:14

Ne̱ xa̱ꞌ ꞌu̱nj, tza̱j ne̱ daj chiha̱a̱ míj se̱ caꞌmii xta̱ꞌ ꞌu̱nj maꞌ. ꞌO̱ se guun niha̱ꞌ rá ꞌu̱nj ina̱nj cheꞌé se caviꞌ Jesucristó Si̱j ꞌNi̱j Raꞌa man níꞌ rihaan rcutze̱ cheꞌé níꞌ ado̱nj. Ne̱ xa̱ꞌ chumii̱ nihánj, tza̱j ne̱ ase vaa se caviꞌ roꞌ, da̱nj vaa chumii̱ nihánj rihaan ꞌu̱nj, ne̱ da̱nj vaa ꞌu̱nj rihaan chumii̱ nihánj ado̱nj.

Filipenses 4:7

Da̱nj quiꞌya̱j soj, ga̱a ne̱ ꞌo̱ ga̱a̱ xe̱j nimán soj, quiꞌya̱j Yaꞌanj, nda̱ꞌ se ne neꞌen yuvii̱ da̱j ꞌyaj Yaꞌanj maꞌ. Ne̱ tu̱mé Yaꞌanj nimán soj ga̱ raa̱ soj cheꞌé se si̱j noco̱ꞌ man Cristó Jesús me soj ado̱nj.

Colosenses 1:20

Asino quiriꞌ nu̱ꞌ chumii̱ rihaan Yaꞌanj cheꞌé cacunꞌ quiꞌyaj yuvii̱, tza̱j ne̱ caviꞌ Cristó rihaan rcutze̱ cheꞌé yuvii̱, quiꞌyaj Yaꞌanj a. Ne̱ caꞌve̱e cunu̱u sa̱ꞌ yuvii̱ do̱ꞌ, nu̱ꞌ chumii̱ do̱ꞌ, rihaan Yaꞌanj, ne̱ gu̱un niha̱ꞌ rá Yaꞌanj ni̱ꞌyaj Yaꞌanj nu̱ꞌ se ma̱n rihaan chumii̱ do̱ꞌ, nu̱ꞌ se ma̱n xta̱ꞌ do̱ꞌ na̱nj ado̱nj. Yoꞌ me se vaa quiꞌyaj Yaꞌanj ga̱a caꞌnéé Yaꞌanj man Cristó rihaan chumii̱ nihánj ne̱ cayanj ton man Cristó ga̱a caviꞌ soꞌ rihaan rcutze̱ na̱nj ado̱nj.

1 Tesalonicenses 3:4

Ne̱ ga̱a cayáán núj ga̱ soj, ne̱ cataj ya̱ núj rihaan soj se vaa xraj, ne̱ quira̱nꞌ níꞌ sayuun, ne̱ neꞌen soj se vaa ya̱ quiranꞌ níꞌ sayuun niha̱nꞌ.

1 Tesalonicenses 3:7

Nda̱ꞌ se ranꞌ ndoꞌo núj sayuun, tza̱j ne̱ cuano̱ nihánj me guun niha̱ꞌ uxrá rá núj ga̱a cuno núj se vaa veꞌé uxrá amán rá soj niꞌya̱j soj man Cristó, tinu̱j, nocoj.

2 Tesalonicenses 3:16

O̱rúnꞌ Síí ꞌNi̱j Raꞌa man níꞌ neꞌen quiꞌya̱j ga̱a̱ xe̱j nimán níꞌ, ne̱ me rá núj ꞌo̱ quiꞌya̱j soꞌ da̱nj cheꞌé soj a. Ne̱ caꞌve̱e se me maꞌa̱n sayuun quira̱nꞌ soj, tza̱j ne̱ dínj ga̱a̱ nimán soj, quiꞌya̱j soꞌ á. Ne̱ me rá núj ca̱yáán Síí ꞌNi̱j Raꞌa man níꞌ ga̱ ta̱ranꞌ soj ado̱nj.

2 Timoteo 3:12

ꞌO̱ se cunuda̱nj nij yuvii̱ amán rá niꞌya̱j man Cristó Jesús ne̱ me rá canoco̱ꞌ xraan man Yaꞌanj roꞌ, ya̱ uxrá quira̱nꞌ nij soꞌ sayuun ado̱nj.

Hebreos 11:25

ꞌO̱ se caꞌnéé nimán soꞌ quira̱nꞌ soꞌ sayuun ga̱ nij yuvii̱ noco̱ꞌ man Yaꞌanj na̱nj ado̱nj. ꞌO̱ se sa̱ꞌ a̱ doj vaa ca̱nocóꞌ man Yaꞌanj, rá soꞌ, ne̱ nij vaa gu̱un niha̱ꞌ ráꞌ qui̱ꞌyáꞌ cacunꞌ rihaan Yaꞌanj ya̱j vaa iꞌna̱ꞌ rihaan chumii̱ nihánj, rá soꞌ a.

Hebreos 7:2

Ga̱a ne̱ xa̱ꞌ nij rasu̱u̱n quiꞌyaj canaán Abraham roꞌ, rqué soꞌ ꞌo̱ rasu̱u̱n rihaan da̱j a̱ chi̱ꞌ rasu̱u̱n rihaan Melquisedec, ne̱ diezmo cuꞌna̱j yoꞌ a. Ne̱ se‑chuvi̱i Melquisedec me raj cata̱a rey ꞌyaj ina̱nj se sa̱ꞌ, ne̱ rey chumanꞌ Salem me uún soꞌ, ne̱ yoꞌ me raj cata̱a rey ꞌyaj mán dínj yuvii̱ a.

1 Pedro 5:9

ꞌO̱ xraan canoco̱ꞌ soj man Yaꞌanj, ne̱ daj chiha̱a̱ míj se̱ cuno soj rihaan Síí Chre̱e maꞌ. Xca̱j soj cuentá se vaa ase vaa sayuun ranꞌ soj roꞌ, da̱nj vaa gue̱e̱ sayuun ranꞌ ta̱ranꞌ nij síí noco̱ꞌ man Cristó ma̱n rihaan chumii̱ nihánj chugua̱nj.

1 Juan 2:13

Achrón ꞌu̱nj nu̱ꞌ nana̱ nihánj naya̱a̱ soj si̱j vaa taꞌníí, cheꞌé se a̱j neꞌen soj man síí cayáán ga̱ Yaꞌanj asi̱j tacóó chumii̱ a. Achrón ꞌu̱nj nu̱ꞌ nana̱ nihánj naya̱a̱ soj si̱j tachru̱u̱, cheꞌé se a̱j quiꞌyaj canaán soj rihaan Síí Chre̱e ado̱nj. Achrón ꞌu̱nj nu̱ꞌ nana̱ nihánj naya̱a̱ soj xni̱i, cheꞌé se a̱j neꞌen soj man Rej níꞌ Yaꞌanj ado̱nj.

1 Juan 4:4

Tza̱j ne̱ ya̱j nihánj me se síí ya̱ noco̱ꞌ man Yaꞌanj me nij soj, tinu̱j, nocoj. Ne̱ a̱j quiꞌyaj canaán soj rihaan nij síí ne̱ cuano̱ ado̱nj. ꞌO̱ se nu̱u̱ Nimán Yaꞌanj nimán soj, ne̱ nucua̱j doj Nimán Yaꞌanj rihaan Síí Chre̱e va̱j rihaan chumii̱ nihánj chugua̱nj.

1 Juan 5:4

ꞌO̱ se cunuda̱nj nij síí caꞌngaa naca̱ nimán quiꞌyaj Yaꞌanj roꞌ, ꞌyaj canaán nij soꞌ rihaan se nij ma̱n rihaan chumii̱ nihánj ado̱nj. Ne̱ cheꞌé se amán rá níꞌ niꞌya̱j níꞌ man Jesús roꞌ, cheꞌé dan a̱j quiꞌyaj canaán níꞌ rihaan chumii̱ nihánj na̱nj ado̱nj.

Apocalipsis 12:11

Ne̱ quiꞌyaj canaán nij tinúú níꞌ man xcuáá tuꞌvi̱i cheꞌé ton cayanj man Matzinj Leꞌe̱j yoꞌ cheꞌé nij tinúú níꞌ, ne̱ cheꞌé se nataꞌ nij soꞌ nana̱ ya̱ sa̱ꞌ rihaan yuvii̱ roꞌ, cheꞌé dan quiꞌyaj canaán nij soꞌ rihaan xcuáá tuꞌvi̱i yoꞌ na̱nj ado̱nj. Ne̱ nij soꞌ me se ne cuchuꞌvi̱ꞌ nij soꞌ sese cavi̱ꞌ nij soꞌ cheꞌé nana̱ sa̱ꞌ nataꞌ nij soꞌ maꞌ.

Apocalipsis 3:21

Ne̱ síí quiꞌya̱j canaán roꞌ, ca̱yáán soꞌ rihaan xrúún ꞌu̱nj chruun xlá sa̱ꞌ ga̱ ꞌu̱nj, ne̱ gu̱un chij soꞌ ga̱j, qui̱ꞌyáj, nda̱a vaa quiꞌyaj Réj Yaꞌanj ga̱j ado̱nj. Dan me se ga̱a quiꞌyaj canaán ꞌu̱nj, ne̱ cayáán ꞌu̱nj rihaan xrúún Réj Yaꞌanj chruun xlá sa̱ꞌ ga̱ soꞌ, ne̱ uun chij ꞌu̱nj ga̱ soꞌ, quiꞌyaj soꞌ chugua̱nj.

Apocalipsis 7:14

Ga̱a ne̱ cataj ꞌu̱nj rihaan soꞌ a: ―Ne neꞌén ꞌu̱nj me síí me nij soꞌ, maan señor. Tza̱j ne̱ so̱ꞌ me síí neꞌen, raj a ―taj ꞌu̱nj rihaan soꞌ a. Ga̱a ne̱ cataj soꞌ rihanj a: ―Nij síí nihánj roꞌ, me nij síí cachén rihaan queꞌe̱e̱ ndoꞌo sayuun, ga̱a guun sayuun noco̱o rihaan chumii̱ ado̱nj. Ne̱ quináán nij soꞌ saga̱nꞌ nij soꞌ, ne̱ cunuu catzi̱i̱ saga̱nꞌ nij soꞌ, quiꞌyaj ton cayanj man Matzinj Leꞌe̱j ga̱a caviꞌ soꞌ cheꞌé nij soꞌ ado̱nj.