San Juan 16:32 - Triqui de San Juan Copala

³² Ni̱ꞌyaj soj á. Quisi̱j güii, ne̱ a̱j quisíj güii yoꞌ, ne̱ chaꞌnu̱u̱ soj, ne̱ ino̱ rej cuna̱nj ꞌo̱ ꞌo̱ soj, caꞌa̱nj soj, ne̱ ta̱náj soj man o̱rúnꞌ ꞌu̱nj na̱nj á. Tza̱j ne̱ se̱ quináj o̱rúnꞌ ꞌu̱nj maꞌ. ꞌO̱ se nicu̱nꞌ Réj Yaꞌanj ga̱j ado̱nj.

San Juan 16:32 Iomraidhean Croise

San Mateo 26:31

Ga̱a ne̱ cataj Jesús rihaan nij soꞌ a: ―Danj Yaꞌanj taj se vaa quira̱nꞌ chiꞌii̱ síí tumé matzinj, quiꞌya̱j Yaꞌanj, ne̱ cuna̱nj nij matzinj chaꞌnu̱u̱ nij xoꞌ a. Ne̱ ya̱ ase vaa daán ꞌu̱nj matzinj vaa soj, ne̱ nii̱ corá gu̱un naꞌa̱j ta̱ranꞌ soj, ne̱ se̱ canocoꞌ soj manj a̱ maꞌ.

San Mateo 26:56

Tza̱j ne̱ nihánj me se qui̱ránꞌ ꞌu̱nj nu̱ꞌ se vaa taj nana̱ cachrón nij síí nataꞌ snana̱ Yaꞌanj ga̱a naá rihaan yanj a ―taj Jesús a. Ga̱a ne̱ tanáj cunuda̱nj nij síí tucuꞌyón snana̱ Jesús man soꞌ, ne̱ cunánj nij soꞌ, caꞌanj nij soꞌ a.

San Marcos 14:27

Ga̱a ne̱ cataj Jesús rihaan nij soꞌ a: ―Nii̱ cuanꞌ nihánj roꞌ, gu̱un naꞌa̱j ta̱ranꞌ soj ne̱ ta̱náj nij soj manj, cheꞌé se taj danj Yaꞌanj a: “Go̱ꞌ ꞌu̱nj man síí tumé matzinj, ne̱ cuna̱nj nij matzinj chaꞌnu̱u̱ nij xoꞌ a”, taj Danj Yaꞌanj a.

San Marcos 14:50

Ga̱a ne̱ tanáj cunuda̱nj nij síí tucuꞌyón snana̱ Jesús man soꞌ, ne̱ cunánj nij soꞌ, caꞌanj nij soꞌ a.

San Juan 12:23

Ga̱a ne̱ cataj Jesús rihaan nij soꞌ a: ―ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, cuano̱ nihánj me se quisíj güii quina̱nꞌ ꞌu̱nj rej xta̱ꞌ ne̱ niꞌndaj ya̱ sa̱ꞌ veꞌé gu̱un chij ꞌu̱nj, quiꞌya̱j Yaꞌanj ado̱nj.

San Juan 16:2

ꞌO̱ se se̱ caꞌvej rá nij síí israelitá cunu̱u chre̱ꞌ soj ga̱ nij soꞌ rá veꞌ tucuꞌyón nij soꞌ stucua̱nj Moisés maꞌ. Ne̱ quisi̱j güii gu̱un rá nij soꞌ se vaa né si̱j noco̱ꞌ man Yaꞌanj me soj, ne̱ gu̱un rá síí ticaviꞌ man soj se vaa veꞌé uxrá ꞌyaj soꞌ se‑su̱u̱n Yaꞌanj ga̱a ticaviꞌ soꞌ man soj a.

San Juan 16:25

Ga̱a ne̱ cataj uún Jesús a: ―Dan me se a̱j tihaán ꞌu̱nj nana̱ sa̱ꞌ yuve̱ rihaan soj cheꞌé rasu̱u̱n nihánj, tza̱j ne̱ vaa güii, ne̱ se̱ tihaán ꞌu̱nj nana̱ sa̱ꞌ yuve̱ rihaan soj a̱ maꞌ. Tana̱nj nana̱ nica̱ nata̱ꞌ ꞌu̱nj rihaan soj cheꞌé Réj Yaꞌanj a.

San Juan 16:31

Ga̱a ne̱ xnáꞌanj Jesús man nij soꞌ, cataj soꞌ a: ―Nda̱a ya̱j amán ya̱ rá soj naꞌ.

San Juan 19:27

Ga̱a ne̱ cataj soꞌ rihaan síí tucuꞌyón snana̱ soꞌ yoꞌ a: ―Chana̱ nihánj gu̱un nií so̱ꞌ á ―taj soꞌ rihaan síí tucuꞌyón snana̱ soꞌ yoꞌ a. Ne̱ ma̱an orá dan guun ni̱i síí tucuꞌyón snana̱ Jesús yoꞌ man nii Jesús, ne̱ caꞌanj nica̱j soꞌ man noꞌ veꞌ tucuá maꞌa̱n soꞌ a.

San Juan 20:10

Dan me se cavii uún ro̱j síí tucuꞌyón snana̱ Jesús yoꞌ, quinanꞌ ro̱j soꞌ a.

San Juan 4:21

Ga̱a ne̱ cataj Jesús rihaan chana̱ a: ―Cuchuma̱n rá so̱ꞌ nana̱ nihánj nana̱ cata̱j xnaꞌanj ꞌu̱nj rihaan so̱ꞌ, nocoj. Vaa güii, ne̱ se̱ cavii nij soj raa̱ quij nihánj do̱ꞌ, se̱ caꞌanj nij soj chumanꞌ Jerusalén do̱ꞌ, cara̱a̱ gue̱e̱ soj rihaan Rej níꞌ Yaꞌanj maꞌ.

San Juan 4:23

Tza̱j ne̱ vaa güii, ne̱ nij síí ya̱ aráj gue̱e̱ rihaan Rej níꞌ Yaꞌanj roꞌ, gu̱un ina̱nj rá nimán nij soꞌ ya̱ cara̱a̱ gue̱e̱ nij soꞌ rihaan Yaꞌanj na̱nj ado̱nj. Ne̱ cuano̱ nihánj me a̱j guun cheꞌe̱ yuvii̱ quiꞌyaj yuvii̱ da̱nj ado̱nj. ꞌO̱ se me ndoꞌo rá Rej níꞌ Yaꞌanj cara̱a̱ gue̱e̱ ya̱ yuvii̱ rihaan soꞌ chugua̱nj.

San Juan 5:25

Ya̱ ya̱ cata̱j xnaꞌanj ꞌu̱nj rihaan soj cuano̱ se vaa vaa güii, ne̱ nij síí caviꞌ roꞌ, caꞌmi̱j si̱j Taꞌni̱j Yaꞌanj rihaan nij soꞌ, ne̱ nu̱ꞌ nij síí cuno̱ nana̱ caꞌmi̱j roꞌ, cunu̱u iꞌna̱ꞌ nij soꞌ a. Ne̱ cuano̱ nihánj me güii aꞌmij rihaan nij soꞌ, sese me rá nij soꞌ cuno̱ nij soꞌ ado̱nj.

San Juan 5:28

’Se̱ caráyaꞌa̱nj soj cheꞌé nana̱ nihánj maꞌ. ꞌO̱ se vaa güii cuno̱ ta̱ranꞌ nij síí caviꞌ na̱j rihaan santó snana̱j,

San Juan 8:16

Tza̱j ne̱ caꞌve̱e se caꞌne̱ꞌ ꞌu̱nj cacunꞌ da̱j ꞌyaj yuvii̱, tza̱j ne̱ ya̱ xcaj ꞌu̱nj cuentá cheꞌé cacunꞌ tumé yuvii̱ ado̱nj. Dan me se né o̱rúnꞌ ꞌu̱nj me síí xcaj cuentá cheꞌé yuvii̱ maꞌ. ꞌO̱ se vaa Réj síí caꞌnéé manj rihaan chumii̱ nihánj, ne̱ soꞌ me síí racuíj manj ado̱nj.

San Juan 8:29

Ne̱ soꞌ me síí caꞌnéé manj rihaan soj, ne̱ ꞌo̱ nicunꞌ soꞌ ga̱ ꞌu̱nj, ne̱ a̱ doj ne ta̱náj yaníj soꞌ manj a̱ maꞌ. ꞌO̱ se ꞌyáá ꞌu̱nj ina̱nj se vaa me rá maꞌa̱n soꞌ qui̱ꞌyáj ado̱nj ―taj Jesús rihaan nij soꞌ a.

Hechos 21:6

Ne̱ cataj núj rihaan tuviꞌ núj se vaa caꞌa̱nj núj, ne̱ dan me se cavii núj rque rihoo, ne̱ canica̱j nij soꞌ quinanꞌ nij soꞌ tucuá nij soꞌ a.

Hechos 8:1

Ne̱ síí cuꞌna̱j Saulo yoꞌ roꞌ, cuna̱j quiranꞌ Esteban rá soꞌ a. Ne̱ güii dan me se guun cheꞌe̱ nii quiꞌyaj ndoꞌo nii sayuun man xꞌneꞌ nij síí noco̱ꞌ man Jesús síí ma̱n chumanꞌ Jerusalén a. Dan me se cunánj nij soꞌ chumanꞌ Jerusalén, ne̱ chaꞌnuu̱ nij soꞌ nu̱ꞌ estadó Judea do̱ꞌ, estadó cuꞌna̱j Samaria do̱ꞌ a. Tza̱j ne̱ o̱rúnꞌ maꞌa̱n nij síí cuneꞌ Jesús caꞌa̱nj nata̱ꞌ snana̱ soꞌ roꞌ, me nij síí ꞌo̱ quináj chumanꞌ Jerusalén a.