San Juan 16:18 - Triqui de San Juan Copala

¹⁸ Cheꞌé dan xnáꞌanj uún nij soꞌ, cataj nij soꞌ a: ―Me cheꞌé caꞌmii soꞌ nana̱ “cache̱n doj” ga̱. ꞌO̱ se ne neꞌen uxrá núj da̱j taj soꞌ a̱ maꞌ ―taj nij soꞌ rihaan tuviꞌ nij soꞌ a.

San Juan 16:18 Iomraidhean Croise

San Lucas 24:25

Ga̱a ne̱ maꞌa̱n Jesús cataj rihaan ro̱j soꞌ a: ―Dan me se síí ne acaj cuentá me ro̱j so̱j, ne̱ síí ne niha̱ꞌ rá cuchuma̱n rá nu̱ꞌ snana̱ nij síí nataꞌ snana̱ Yaꞌanj ga̱a naá me ro̱j so̱j na̱nj á.

San Juan 16:17

Cheꞌé dan xnáꞌanj nij síí tucuꞌyón snana̱ soꞌ man tuviꞌ nij soꞌ, cataj nij soꞌ a: ―Caꞌmii soꞌ nana̱ vaa da̱nj a: “Cache̱n doj, ga̱a ne̱ se̱ queneꞌen soj manj, ne̱ cache̱n doj uún, ga̱a ne̱ queneꞌe̱n uún soj manj, cheꞌé se cavi̱i̱ ꞌu̱nj quina̱nꞌ ꞌu̱nj rej ya̱nj Réj Yaꞌanj a.” Me cheꞌé tuꞌva soꞌ da̱nj, rá soj ga̱ ―taj nij síí tucuꞌyón snana̱ Jesús, xnáꞌanj nij soꞌ man tuviꞌ nij soꞌ a.

San Juan 16:19

Queneꞌen Jesús se vaa me rá nij soꞌ xna̱ꞌanj nij soꞌ man soꞌ, ne̱ cheꞌé dan xnáꞌanj maꞌa̱n soꞌ man nij soꞌ, cataj soꞌ a: ―Me cheꞌé xnáꞌanj ndoꞌo soj man tuviꞌ soj cheꞌé nana̱ caꞌmij, se vaa cache̱n doj, ga̱a ne̱ se̱ queneꞌen uún soj manj, ga̱a ne̱ cache̱n doj uún, ga̱a ne̱ queneꞌe̱n uún soj manj ga̱.

Hebreos 5:12

Dan me se guun queꞌe̱e̱ yoꞌ nocoꞌ soj man Cristó, ne̱ no̱ xcúún soj tu̱cuꞌyón soj stucua̱nj Cristó rihaan tuviꞌ soj, tza̱j ne̱ ne gu̱un nucua̱j soj quiꞌya̱j soj da̱nj maan asânj. ꞌO̱ se achiin ꞌo̱ síí tu̱cuꞌyón asi̱j tacóó snana̱ Yaꞌanj man soj, ne̱ cheꞌé dan ase vaa neꞌej vaa soj, ne̱ neꞌej me se ne neꞌen neꞌej cha̱ neꞌej se chá maꞌ. Tiha̱j utzii neꞌej na̱nj ado̱nj. Ne̱ taꞌngaꞌ da̱nj vaa soj, ne̱ tiha̱j nda̱a tacóó snana̱ Yaꞌanj gu̱un nucua̱j soj cuno̱ soj na̱nj ado̱nj.