San Juan 15:26 - Triqui de San Juan Copala

²⁶ ’Dan me se caꞌne̱j ꞌu̱nj Nimán Yaꞌanj cavi̱i̱ soꞌ rej ya̱nj Yaꞌanj caꞌna̱ꞌ soꞌ rihaan soj, ne̱ ra̱cuíj ndoꞌo soꞌ man soj, ne̱ ina̱nj nana̱ ya̱ rque̱ soꞌ man soj a. Asa̱ꞌ caꞌnaꞌ Nimán Yaꞌanj rihaan soj, ga̱a ne̱ cata̱j xnaꞌanj soꞌ rihaan nij yuvii̱ cheꞌej ado̱nj.

San Juan 15:26 Iomraidhean Croise

San Lucas 24:49

ne̱ nihánj me se rque̱ ꞌu̱nj Nimán Yaꞌanj rihaan soj nda̱a vaa cataꞌ tuꞌva maꞌa̱n Yaꞌanj ga̱a naá a. Dan me se ꞌo̱ ca̱yáán soj chumanꞌ Jerusalén nihánj nda̱a se nari̱ꞌ nucuaj nimán soj quiꞌya̱j Yaꞌanj á ―taj Jesús rihaan nij soꞌ a.

San Juan 14:26

Tza̱j ne̱ vaa güii caꞌne̱j Réj Yaꞌanj man Nimán soꞌ cuchi̱ꞌ Nimán soꞌ rihaan soj cheꞌé se‑chu̱vií ꞌu̱nj a. Ne̱ ra̱cuíj ndoꞌo Nimán soꞌ man soj, ga̱a ne̱ tu̱cuꞌyón Nimán soꞌ nu̱ꞌ nana̱ man soj a. Ne̱ ninu̱j rá soj nu̱ꞌ nana̱ caꞌmij rihaan soj, quiꞌya̱j Nimán Yaꞌanj yoꞌ na̱nj ado̱nj.

San Juan 16:7

Tza̱j ne̱ ya̱ vaa nana̱ nihánj nana̱ cata̱j xnaꞌanj ꞌu̱nj rihaan soj, se vaa cavi̱i̱ sa̱ꞌ soj doj cheꞌé se caꞌa̱nj ꞌu̱nj ado̱nj. ꞌO̱ se sese se̱ caꞌanj ꞌu̱nj, ne̱ se̱ caꞌnaꞌ Nimán Yaꞌanj síí ra̱cuíj ndoꞌo man soj maꞌ. Tza̱j ne̱ sese caꞌa̱nj ꞌu̱nj, ne̱ caꞌne̱j ꞌu̱nj man soꞌ rihaan soj ado̱nj.

San Juan 8:42

Ga̱a ne̱ cataj Jesús rihaan nij soꞌ a: ―Sese ya̱ Yaꞌanj me Rej soj, ne̱ cara̱a̱ cochro̱j soj rihanj ado̱nj. ꞌO̱ se ꞌu̱nj me síí cavii rej nicu̱nꞌ Yaꞌanj, ne̱ caꞌnáꞌ ꞌu̱nj nihánj chugua̱nj. Dan me se ne caꞌna̱ꞌ ma̱ꞌanj nihánj maꞌ. ꞌO̱ se soꞌ me síí caꞌnéé manj caꞌnaj nihánj ado̱nj.

Hechos 1:4

Ne̱ ga̱a va̱j soꞌ ga̱ nij síí cuneꞌ soꞌ, ne̱ caꞌneꞌ soꞌ suun rihaan nij soꞌ a: ―Se̱ cavii soj chumanꞌ Jerusalén nihánj caꞌa̱nj soj maꞌ. Tana̱nj na̱ꞌvi̱j soj caꞌna̱ꞌ se vaa cataꞌ tuꞌva Réj Yaꞌanj se vaa rque̱ soꞌ man soj, nda̱a vaa cataj xnaꞌanj ma̱ꞌanj rihaan soj a.

Hechos 15:8

Ne̱ Yaꞌanj roꞌ, me síí neꞌen da̱j vaa nimán yuvii̱, ne̱ Yaꞌanj me síí rqué Nimán Yaꞌanj man nij síí yaníj yoꞌ nda̱a vaa quiꞌyaj soꞌ cheꞌé maꞌa̱n níꞌ, cheꞌé rej caꞌve̱e gu̱un ya̱ rá níꞌ se vaa ya̱ tinúú níꞌ me nij síí yaníj na̱nj ado̱nj.

Hechos 5:32

Ne̱ núj me síí nataꞌ nana̱ nihánj, ne̱ Nimán Yaꞌanj uún me se tihaa̱n soꞌ se vaa ya̱ vaa nana̱ nihánj ado̱nj. Ne̱ xa̱ꞌ Nimán Yaꞌanj, tza̱j ne̱ rqué Yaꞌanj Nimán soꞌ man nij yuvii̱ uno rihaan soꞌ a ―taj nij soꞌ rihaan nij síí uun chij rihaan nij yuvii̱ israelitá a.

1 Corintios 1:6

ne̱ da̱nj quiꞌyaj soj cheꞌé se sa̱ꞌ uxrá nariꞌ soj snana̱ Cristó nana̱ tucuꞌyón ꞌu̱nj man soj a.

Hebreos 2:4

Tihaa̱n Yaꞌanj se vaa ya̱ vaa rej nani̱i̱ níꞌ rihaan sayuun cheꞌé se rqué Nimán Yaꞌanj se nucua̱j man nij síí noco̱ꞌ man Cristó, ne̱ quiꞌyaj nij soꞌ da̱j a̱ suun sa̱ꞌ noco̱o, da̱j se me rá maꞌa̱n Yaꞌanj a.

Apocalipsis 22:1

Ga̱a ne̱ tihaa̱n se‑mo̱zó Yaꞌanj yoꞌ ꞌo̱ chráá rihanj, ne̱ chráá nu̱u̱ na ꞌyaj vaa iꞌna̱ꞌ yuvii̱ nu̱ꞌ cavii nu̱ꞌ caꞌanj me chráá yoꞌ a. Ne̱ nda̱a chuguu̱n raa̱n maꞌa̱n chráá yoꞌ a. Ne̱ chráá yoꞌ roꞌ, avii tacóó chruun xlá sa̱ꞌ xrúún Yaꞌanj do̱ꞌ, xrúún Matzinj Leꞌe̱j do̱ꞌ a.