San Juan 15:25 - Triqui de San Juan Copala

²⁵ Tza̱j ne̱ nihánj me se quisi̱j ya̱ nu̱ꞌ nana̱ nihánj nana̱ no̱ rihaan stucua̱nj xi̱i nij soꞌ síí cuꞌna̱j Moisés a: “Quitáá riꞌyunj rmaꞌa̱n nij soꞌ manj a”, taj stucua̱nj Moisés yoꞌ ado̱nj.

San Juan 15:25 Iomraidhean Croise

San Mateo 10:8

Nahu̱un sa̱ꞌ nij síí ranꞌ, quiꞌya̱j soj, ne̱ cunu̱u iꞌna̱ꞌ uún nij síí caviꞌ, quiꞌya̱j soj, ne̱ nahu̱un sa̱ꞌ nij síí ranꞌ luj riꞌyuj, quiꞌya̱j uún soj, ne̱ quiri̱i̱ soj man nij nana̱ chre̱e nimán nij yuvii̱ á. Cuano̱ nihánj me rque̱ u̱u̱n ꞌu̱nj rej nucua̱j man soj quiꞌya̱j soj da̱nj, ne̱ se̱ caꞌnéj soj saꞌanj man nij yuvii̱ maꞌ.

San Lucas 24:44

Ga̱a ne̱ cataj soꞌ rihaan nij soꞌ a: ―Nihánj me nana̱ caꞌmii ꞌu̱nj rihaan nij soj ga̱a va̱j ꞌu̱nj ga̱ soj, se vaa cataj ꞌu̱nj vaa cheꞌé quisi̱j ya̱ nu̱ꞌ nana̱ aꞌmii cheꞌé ꞌu̱nj nana̱ no̱ rihaan yanj no̱ stucua̱nj Moisés do̱ꞌ, yanj no̱ snana̱ nij síí nataꞌ snana̱ Yaꞌanj ga̱a naá do̱ꞌ, yanj no̱ nij chraꞌ salmó do̱ꞌ a ―taj soꞌ rihaan nij soꞌ a.

San Juan 10:34

Ga̱a ne̱ cataj Jesús a: ―Ma̱an se vaa nana̱ no̱ rihaan yanj no̱ tucuáán noco̱ꞌ soj, ne̱ nana̱ caꞌmii maꞌa̱n Yaꞌanj me nana̱ yoꞌ a. Dan me se cataj Yaꞌanj a: “ꞌU̱nj me síí cataj xnaꞌanj se vaa yaꞌanj me soj á”, taj Yaꞌanj rihaan nij síí caꞌmii snana̱ soꞌ ga̱a naá a.

San Juan 13:18

’Tza̱j ne̱ ne caꞌmi̱j nana̱ nihánj cheꞌé ta̱ranꞌ nij soj maꞌ. Dan me se a̱j neꞌenj man soj si̱j narii ꞌu̱nj canoco̱ꞌ manj a. Tza̱j ne̱ vaa cheꞌé quisi̱j gue̱e̱ nana̱ nihánj nana̱ no̱ rihaan Danj Yaꞌanj ado̱nj: “Síí chá rachrúún ga̱j roꞌ, me síí guun rá ti̱guíj cheꞌé manj ado̱nj”, taj nana̱ no̱ rihaan Danj Yaꞌanj a.

San Juan 19:36

ꞌO̱ se guun nu̱ꞌ nihánj cheꞌé rej quisi̱j ya̱ nu̱ꞌ nana̱ nihánj nana̱ no̱ rihaan Danj Yaꞌanj, se vaa taj yoꞌ a: “Se̱ cachranꞌ a̱ ꞌó cúú man soꞌ maꞌ”, taj nana̱ no̱ rihaan Danj Yaꞌanj a.

Romanos 3:19

Dan me se yuvii̱ noco̱ꞌ stucua̱nj Moisés me nij síí israelitá, ne̱ dan me se neꞌen níꞌ se vaa nu̱ꞌ nana̱ yoꞌ nana̱ no̱ rihaan Danj Yaꞌanj roꞌ, taj xnaꞌanj rihaan nij soꞌ da̱j vaa maꞌa̱n nij soꞌ a. Nda̱a síj, ga̱a ne̱ gu̱un naꞌa̱j nij soꞌ ga̱ ꞌó nij yuvii̱ ma̱n rihaan chumii̱ nihánj, ne̱ queneꞌe̱n cunuda̱nj níꞌ se vaa vaa cheꞌé quiꞌya̱j Yaꞌanj sayuun man níꞌ na̱nj ado̱nj.

Romanos 3:24

ꞌO̱ se ma̱an cheꞌé se cunuu ꞌe̱e̱ rá Yaꞌanj man cunuda̱nj yuvii̱ ne̱ quiꞌyaj maꞌa̱n Yaꞌanj se lu̱j cheꞌé nij yuvii̱ me caꞌvee tinavij Yaꞌanj cacunꞌ tumé nij yuvii̱ ado̱nj. Dan me se caꞌnéé Yaꞌanj man Cristó Jesús rihaan chumii̱, cheꞌé rej caꞌne̱e̱ soꞌ cacunꞌ xráá nij síí amán rá niꞌya̱j man soꞌ,

2 Corintios 11:7

Neꞌen soj se vaa ne caꞌne̱e̱ ꞌu̱nj saꞌanj man soj ga̱a caꞌmii natáj ꞌu̱nj snana̱ Yaꞌanj nana̱ sa̱ꞌ cheꞌé Cristó rihaan soj maꞌ. Ne̱ dan me se nuu ni̱qué ꞌu̱nj doj, tza̱j ne̱ cavii sa̱ꞌ soj doj ado̱nj. Cheꞌé dan nij quiꞌyáá ꞌu̱nj, rá soj naꞌ.

Gálatas 2:21

Ne̱ naꞌvej rá ꞌu̱nj ta̱náj yaníj ꞌu̱nj se lu̱j quiꞌyaj Yaꞌanj cheꞌé ꞌu̱nj maꞌ. ꞌO̱ se vaa cheꞌé ya̱ quiꞌyaj Yaꞌanj se lu̱j ado̱nj. Dan me se sese caꞌve̱e ya̱ navi̱j cacunꞌ quiꞌya̱j stucua̱nj Moisés, ga̱a ne̱ caviꞌ u̱u̱n maꞌa̱n Cristó vaa ga̱a na̱nj ado̱nj.” Nu̱ꞌ nana̱ nihánj me nana̱ caꞌmii ꞌu̱nj rihaan Pedró ado̱nj.

2 Tesalonicenses 3:8

Ne̱ ne cha̱ u̱u̱n núj rihaan soj maꞌ. ꞌO̱ se nu̱ꞌ se chá núj naruꞌvee núj saꞌanj rihaan soj ado̱nj. Tza̱j ne̱ ꞌo̱ se nuvi̱i niga̱nꞌ quiꞌyaj suun uxrá núj quiri̱ꞌ núj cha̱ núj, ne̱ ne quiꞌya̱j suun soj cheꞌé núj, quiꞌyaj núj maꞌ.

Apocalipsis 21:6

Ga̱a ne̱ cataj uún soꞌ rihanj a: ―A̱j quisíj quiꞌyáá ꞌu̱nj nu̱ꞌ rasu̱u̱n na̱nj á. Ne̱ ase vaa letrá ruviꞌ rej uun cheꞌe̱ alfabetó me letrá A, ne̱ ase vaa letrá ruviꞌ rej navij alfabetó me letrá Z, da̱nj vaa ꞌu̱nj, ne̱ dan me se si̱j nicu̱nꞌ asi̱j rque̱ mej, ne̱ veé ꞌu̱nj canicu̱nꞌ nu̱ꞌ cavii nu̱ꞌ caꞌanj na̱nj ado̱nj. Ne̱ rihaan síí nacoo̱ na me se rque̱ u̱u̱n ꞌu̱nj na coꞌo̱ soꞌ, ne̱ ga̱a̱ iꞌna̱ꞌ soꞌ nu̱ꞌ cavii nu̱ꞌ caꞌanj, quiꞌya̱j na yoꞌ ado̱nj.

Apocalipsis 22:17

Ne̱ dan me se Nimán Yaꞌanj do̱ꞌ, chana̱ gu̱un nica̱ Jesús do̱ꞌ, taj ro̱j soꞌ a: “Caꞌna̱ꞌ so̱ꞌ á”, taj ro̱j soꞌ a. Ne̱ síí uno nana̱ nihánj roꞌ, cata̱j soꞌ a: “Caꞌna̱ꞌ so̱ꞌ á”, cata̱j soꞌ rihaan tuviꞌ soꞌ a. Ne̱ síí nacoo̱ na roꞌ, caꞌna̱ꞌ soꞌ, ne̱ coꞌo̱ u̱u̱n soꞌ na ꞌyaj vaa iꞌna̱ꞌ yuvii̱ nu̱ꞌ cavii nu̱ꞌ caꞌanj, sese me rá soꞌ a.