San Juan 15:19 - Triqui de San Juan Copala

¹⁹ Sese si̱j ma̱n rihaan chumii̱ u̱u̱n nihánj me maꞌa̱n soj, ne̱ gaa ꞌe̱e̱ rá ꞌó nij síí noco̱ꞌ se‑chre̱j chumii̱ nihánj niꞌya̱j nij soꞌ man soj asuun tza̱j á. Tza̱j ne̱ narii ꞌu̱nj man soj se vaa ta̱náj soj se‑chre̱j chumii̱ nihánj ne̱ canoco̱ꞌ soj manj, ne̱ cheꞌé dan né si̱j noco̱ꞌ se‑chre̱j chumii̱ nihánj me soj cuano̱ maꞌ. Cheꞌé dan táá riꞌyunj nij síí noco̱ꞌ se‑chre̱j chumii̱ nihánj niꞌya̱j nij soꞌ man soj ado̱nj.

San Juan 15:19 Iomraidhean Croise

San Mateo 10:22

Ne̱ nachri̱ꞌ cunuda̱nj yuvii̱ man soj cheꞌé se me soj síí noco̱ꞌ manj a. Tza̱j ne̱ síí noco̱ꞌ xraan manj nda̱a se cavi̱ꞌ soꞌ roꞌ, soꞌ me síí nani̱i̱ rihaan sayuun nu̱ꞌ cavii nu̱ꞌ caꞌanj ado̱nj.

San Mateo 24:9

’Ga̱a ne̱ caꞌa̱nj ni̱caj yuvii̱ man taꞌa̱j soj rihaan nij síí nica̱j suun, ne̱ quira̱nꞌ taꞌa̱j soj sayuun ne̱ cavi̱ꞌ taꞌa̱j soj na̱nj á. Ne̱ nachri̱ꞌ cunuda̱nj nij xꞌneꞌ nij yuvii̱ aꞌmii ꞌo̱ ꞌo̱ xnaꞌánj ni̱ꞌyaj nij soꞌ man soj, cheꞌé se me soj síí noco̱ꞌ manj ado̱nj.

San Lucas 6:32

’Sese ꞌe̱e̱ rá soj man ina̱nj nij síí ꞌe̱e̱ rá man soj, ga̱a ne̱ me cheꞌé na̱ruꞌvee Yaꞌanj rihaan soj, rá soj ga̱. ꞌO̱ se nda̱a nij síí chiꞌi̱i̱ roꞌ, ꞌe̱e̱ rá nij soꞌ man nij síí ꞌe̱e̱ rá man nij soꞌ na̱nj á.

San Juan 13:18

’Tza̱j ne̱ ne caꞌmi̱j nana̱ nihánj cheꞌé ta̱ranꞌ nij soj maꞌ. Dan me se a̱j neꞌenj man soj si̱j narii ꞌu̱nj canoco̱ꞌ manj a. Tza̱j ne̱ vaa cheꞌé quisi̱j gue̱e̱ nana̱ nihánj nana̱ no̱ rihaan Danj Yaꞌanj ado̱nj: “Síí chá rachrúún ga̱j roꞌ, me síí guun rá ti̱guíj cheꞌé manj ado̱nj”, taj nana̱ no̱ rihaan Danj Yaꞌanj a.

San Juan 15:16

’Ne nari̱i̱ soj manj a̱ maꞌ. Tana̱nj ma̱ꞌán ꞌu̱nj narii man soj ne̱ cunéꞌ ꞌu̱nj man soj, yan cavi̱i̱ soj quiꞌya̱j ndoꞌo soj se vaa me rá Yaꞌanj quiꞌya̱j soj, ne̱ se̱ navij suun sa̱ꞌ ꞌyaj soj daj chiha̱a̱ míj maꞌ. Ne̱ cheꞌé se cunéꞌ ꞌu̱nj man soj, cheꞌé dan me maꞌa̱n rasu̱u̱n cachi̱nj soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ rasu̱u̱n yoꞌ man soj ado̱nj.

San Juan 6:70

Ga̱a ne̱ cataj Jesús rihaan chuvi̱j nij soꞌ a: ―Dan me se ꞌu̱nj me síí narii man chuvi̱j nij soj se vaa canoco̱ꞌ soj manj, tza̱j ne̱ ase vaa maꞌa̱n Síí Chre̱e vaa ꞌo̱ nij soj ado̱nj ―taj Jesús rihaan chuvi̱j nij soꞌ a.

Santiago 4:4

Ne̱ ase vaa chana̱ otoj ga̱ ꞌó snóꞌo roꞌ, da̱nj vaa soj, ne̱ ne nocoꞌ ya̱ nimán soj man Yaꞌanj a̱ maꞌ. Xca̱j soj cuentá se vaa síí me rá cavi̱i̱ sa̱ꞌ ina̱nj rihaan chumii̱ nihánj roꞌ, soꞌ me síí ta̱j riꞌyunj man Yaꞌanj ado̱nj. Ya̱ uxrá á.

1 Pedro 4:3

Dan me se ga̱a naá me se ya̱ quiꞌyaj ndoꞌo soj nu̱ꞌ nij rasu̱u̱n nij nda̱a vaa me rá nij síí yaníj chugua̱nj. Dan me se cachéé soj chrej chiꞌi̱i̱ do̱ꞌ, chrej aꞌmii ga̱ chana̱ niha̱ꞌ rá do̱ꞌ, chrej uun xno̱ do̱ꞌ, chrej chiꞌi̱i̱ snúú rmaꞌa̱n do̱ꞌ, ꞌó nij chrej chiꞌi̱i̱ do̱ꞌ, ꞌyaj soj chugua̱nj. Ne̱ caráj gue̱e̱ soj rihaan yaꞌanj quiꞌyaj maꞌa̱n yuvii̱ nda̱a vaa naꞌvej rá Yaꞌanj quiꞌya̱j soj ado̱nj.

1 Juan 3:12

Dan me se se̱ quiꞌyaj níꞌ nda̱a vaa quiꞌyaj síí cuꞌna̱j Caín ga̱a naá maꞌ. ꞌO̱ se si̱j noco̱ꞌ stucua̱nj Síí Chre̱e me soꞌ, ne̱ ticaviꞌ ya̱ soꞌ tinúú soꞌ ado̱nj. Ne̱ me cheꞌé quiꞌyaj soꞌ da̱nj, rá soj ga̱. ꞌO̱ se nu̱ꞌ rasu̱u̱n quiꞌyaj soꞌ me se ina̱nj chiꞌi̱i̱ ndoꞌo quiꞌyaj maꞌa̱n soꞌ, ne̱ tinúú soꞌ me se sa̱ꞌ ina̱nj vaa rasu̱u̱n quiꞌyaj tinúú soꞌ, ne̱ cheꞌé dan guun xco̱j ruva̱a̱ rá soꞌ niꞌya̱j soꞌ tinúú soꞌ ado̱nj.

Apocalipsis 12:17

Ga̱a ne̱ caꞌmaan ndoꞌo rá xcuáá tuꞌvi̱i niꞌya̱j soꞌ man chana̱, ga̱a ne̱ cavii soꞌ cunu̱ꞌ soꞌ ga̱ ꞌó nij taꞌníí noꞌ síí uno nij suun caꞌneꞌ Yaꞌanj rihaan níꞌ, síí nica̱j xraan snana̱ Jesús a.

Apocalipsis 12:9

Ne̱ xcuáá tuꞌvi̱i yoꞌ roꞌ, xcuáá cayáán asi̱j naá tiempó me soꞌ, ne̱ Síí Chre̱e do̱ꞌ, Satanás do̱ꞌ, cuꞌna̱j soꞌ, ne̱ síí tihaꞌ yuꞌunj man cunuda̱nj nij yuvii̱ ma̱n rihaan chumii̱ me uún soꞌ na̱nj ado̱nj. Ne̱ tagüéj nii man xcuáá tuꞌvi̱i xi̱j yoꞌ rihaan chumii̱ ga̱ nij se‑mo̱zó soꞌ a.