San Juan 15:14 - Triqui de San Juan Copala

¹⁴ Ne̱ nij soj me se tuvij me soj sese cuno̱ soj suun caꞌnéꞌ ꞌu̱nj rihaan soj na̱nj ado̱nj.

San Juan 15:14 Iomraidhean Croise

San Mateo 12:50

ꞌO̱ se yuvii̱ uno rihaan Réé ꞌu̱nj síí nicu̱nꞌ xta̱ꞌ roꞌ, ase vaa tinúú ꞌu̱nj do̱ꞌ, ase vaa raꞌvij ꞌu̱nj do̱ꞌ, ase vaa nií ꞌu̱nj do̱ꞌ, vaa nij soꞌ rihanj ado̱nj ―taj Jesús a.

San Lucas 12:4

Ga̱a ne̱ cataj uún Jesús a: ―Dan me se tuvíꞌ ꞌu̱nj me soj, ne̱ cheꞌé dan cata̱j xnaꞌanj ꞌu̱nj rihaan soj se vaa se̱ cuchuꞌviꞌ soj ni̱ꞌyaj soj nij síí ticavi̱ꞌ nee̱ man soj maꞌ. ꞌO̱ se asa̱ꞌ quiꞌyaj nij soꞌ da̱nj, ga̱a ne̱ taj va̱j doj se chiꞌi̱i̱ quiꞌya̱j uún nij soꞌ man soj a̱ maꞌ.

San Juan 13:17

Ne̱ a̱j cuno soj nana̱ nihánj, ne̱ sese quiꞌya̱j soj nu̱ꞌ nana̱ nihánj, ne̱ ya̱ cavi̱i̱ sa̱ꞌ soj ado̱nj.

San Juan 14:15

’Sese ya̱ ya̱ aráj cochro̱j soj rihanj, ne̱ quiꞌya̱j soj nda̱a vaa caꞌnéꞌ ꞌu̱nj suun rihaan soj a.

San Juan 14:21

Síí nariꞌ nij suun caꞌnéꞌ ꞌu̱nj ne̱ uno nij suun yoꞌ roꞌ, me síí ya̱ ya̱ aráj cochro̱j rihanj chugua̱nj. Ne̱ cunu̱u ꞌe̱e̱ rá Réj Yaꞌanj man síí aráj cochro̱j rihanj, ne̱ ga̱a̱ ꞌe̱e̱ rá ma̱ꞌanj man soꞌ, ne̱ queneꞌe̱n soꞌ manj, qui̱ꞌyáj ado̱nj ―taj Jesús rihaan nij síí tucuꞌyón snana̱ soꞌ a.

San Juan 14:28

A̱j cuno soj nana̱ caꞌmij, se vaa cavi̱i̱ ꞌu̱nj quina̱nꞌ ꞌu̱nj, tza̱j ne̱ caꞌna̱ꞌ uún ꞌu̱nj rihaan soj ado̱nj. Sese si̱j aráj cochro̱j rihanj me soj, ne̱ guun niha̱ꞌ rá soj cuno soj nana̱ se vaa cavi̱i̱ ꞌu̱nj quina̱nꞌ ꞌu̱nj yan ya̱nj Réj Yaꞌanj asuun tza̱j á. ꞌO̱ se síí noco̱o doj mej Réj rihanj na̱nj ado̱nj.

San Juan 2:5

Ga̱a ne̱ cataj xnaꞌanj nii Jesús rihaan nij mozó a: ―Quiꞌya̱j soj nu̱ꞌ se vaa cata̱j xnaꞌanj soꞌ rihaan soj á ―taj noꞌ rihaan nij mozó a.

Santiago 2:23

Ne̱ quisíj ya̱ nu̱ꞌ snana̱ Yaꞌanj nana̱ nihánj a: “Cuchumán rá Abraham niꞌya̱j soꞌ man Yaꞌanj, ne̱ cheꞌé dan cataj Yaꞌanj se vaa si̱j sa̱ꞌ nimán me Abraham a.” Ne̱ síí chéé ga̱ Yaꞌanj me Abraham, taj nii uún a.

1 Juan 5:3

Ne̱ sese uno níꞌ nij suun caꞌneꞌ Yaꞌanj cuno̱ níꞌ, ne̱ si̱j aráj cochro̱j rihaan Yaꞌanj me níꞌ chugua̱nj. Ne̱ ne sayu̱u̱n vaa cuno̱ níꞌ nij suun caꞌneꞌ Yaꞌanj rihaan níꞌ maꞌ.