San Juan 15:11 - Triqui de San Juan Copala

¹¹ ’Nu̱ꞌ nana̱ nihánj cataj xnaꞌanj ꞌu̱nj rihaan soj cheꞌé se me raj ga̱a̱ niha̱ꞌ uxrá rá nimanj ni̱ꞌyaj ꞌu̱nj man soj, ne̱ me raj ga̱a̱ niha̱ꞌ uxrá rá nimán maꞌa̱n soj uún a.

San Juan 15:11 Iomraidhean Croise

San Lucas 15:23

Ne̱ ticavi̱ꞌ soj man scúj leꞌe̱j ramii ndoꞌo, ne̱ quiꞌya̱j chuvi̱i soj, ne̱ cha̱ níꞌ, ne̱ quiꞌya̱j níꞌ chaꞌanj á.

San Lucas 15:32

Tza̱j ne̱ vaa cheꞌé gu̱un niha̱ꞌ rá níꞌ cheꞌé se namán tinúú so̱ꞌ, rej. ꞌO̱ se tinúú so̱ꞌ roꞌ, ase vaa ꞌo̱ síí caviꞌ gaa soꞌ rihanj, tza̱j ne̱ nihánj me cunuu iꞌna̱ꞌ uún soꞌ a. Ne̱ ase vaa ꞌo̱ síí caꞌanj niꞌya̱ gaa soꞌ rihanj, tza̱j ne̱ cuano̱ nihánj me se a̱j narij man soꞌ na̱nj ado̱nj”, taj rej síí chava̱ꞌ yoꞌ rihaan soꞌ a ―taj Jesús a. Veé da̱nj quisíj cuentó nanó Jesús rihaan nij soꞌ a.

San Lucas 15:5

Ne̱ asa̱ꞌ nariꞌ soꞌ man xoꞌ, ga̱a ne̱ cuta̱ꞌ soꞌ man xoꞌ tacaan xcóó soꞌ, ne̱ gu̱un niha̱ꞌ ndoꞌo rá soꞌ a.

San Lucas 15:9

Ne̱ asa̱ꞌ quisíj nariꞌ noꞌ saꞌanj aga̱ꞌ yoꞌ, ga̱a ne̱ canacu̱nj noꞌ man nu̱ꞌ tuviꞌ cha̱na̱ noꞌ níí ya̱nj xꞌnúú veꞌ tucuá noꞌ, ne̱ cata̱j noꞌ rihaan nij tuviꞌ cha̱na̱ noꞌ a: “Gu̱un niha̱ꞌ rá soj ga̱j á. ꞌO̱ se narij se‑saꞌa̱nj saꞌanj aga̱ꞌ platá catzi̱i̱ caꞌanj niꞌya̱ ado̱nj”, cata̱j noꞌ rihaan tuviꞌ cha̱na̱ noꞌ a.

San Juan 16:24

Dan me se nda̱ꞌ se si̱j noco̱ꞌ manj me soj, tza̱j ne̱ ga̱a rque̱ me se ne cachi̱nj niꞌya̱j soj a̱ doj rasu̱u̱n rihaan Yaꞌanj cheꞌé se‑chu̱vií ꞌu̱nj maꞌ. Cachi̱nj niꞌya̱j soj, ne̱ quiri̱ꞌ soj á. Nda̱a síj, ga̱a ne̱ ga̱a̱ niha̱ꞌ uxrá rá nimán soj ado̱nj ―taj Jesús rihaan nij síí tucuꞌyón snana̱ soꞌ a.

San Juan 16:33

Nu̱ꞌ nana̱ nihánj caꞌmij rihaan soj, cheꞌé se me raj ga̱a̱ xe̱j nimán soj cheꞌé se noco̱ꞌ soj manj a. Quira̱nꞌ soj sayuun rihaan chumii̱ nihánj, tza̱j ne̱ vaa cheꞌé gu̱un niha̱ꞌ rá soj, ne̱ gu̱un ya̱ ya̱ rá soj se vaa ꞌu̱nj nihánj quiꞌyaj canaán ya̱ rihaan chumii̱ nihánj na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Juan 17:13

’Nihánj me se quina̱nꞌ ꞌu̱nj rej ya̱nj so̱ꞌ, ne̱ aꞌmii ꞌu̱nj nu̱ꞌ nana̱ nihánj ga̱a va̱j ꞌu̱nj rihaan chumii̱ nihánj, cheꞌé se me raj ga̱a̱ niha̱ꞌ ya̱ rá nimán nij soꞌ nda̱a se vaa niha̱ꞌ ya̱ rá nimán ma̱ꞌanj ado̱nj.

San Juan 3:29

Ase vaa síí xcaj man chana̱ ne̱ naraꞌa̱a roꞌ, vaa soꞌ, ne̱ ase vaa tuviꞌ síí naraꞌa̱a roꞌ, da̱nj vaa ꞌu̱nj a. Ne̱ nicúnꞌ ꞌu̱nj unó ꞌu̱nj se vaa aꞌmii soꞌ, ne̱ uun niha̱ꞌ uxrá raj, ꞌyaj nana̱ aꞌmii síí naraꞌa̱a, ne̱ cheꞌé dan me uun niha̱ꞌ uxrá raj ado̱nj.

Romanos 15:13

Dan me se nucua̱j rá níꞌ niꞌya̱j níꞌ Yaꞌanj, ne̱ neꞌen níꞌ se vaa vaa güii cavi̱i̱ sa̱ꞌ níꞌ, quiꞌya̱j Yaꞌanj á. Dan me se amán rá nij soj niꞌya̱j soj Yaꞌanj, ne̱ cheꞌé dan me raj gu̱un niha̱ꞌ ndoꞌo rá nimán soj, ne̱ ga̱a̱ xe̱j nimán soj, quiꞌya̱j Yaꞌanj, ga̱a ne̱ doj a̱ gu̱un ya̱ rá soj se vaa cavi̱i̱ sa̱ꞌ soj vaa güii, quiꞌya̱j Nimán Yaꞌanj ado̱nj.

2 Corintios 1:24

ꞌO̱ se ne me rá núj quiri̱i̱ taꞌngaꞌ núj rihaan soj da̱j quiꞌya̱j soj canoco̱ꞌ soj man Cristó maꞌ. ꞌO̱ se síí ꞌyaj se‑su̱u̱n Yaꞌanj rcuaꞌa̱a̱n ga̱ soj yan cavi̱i̱ sa̱ꞌ soj ne̱ gu̱un niha̱ꞌ rá soj me núj, ne̱ a̱j nariꞌ sa̱ꞌ soj canoco̱ꞌ maꞌa̱n soj man Cristó na̱nj ado̱nj.

Efesios 5:18

Ne̱ se̱ guun xno̱ soj maꞌ. Cheꞌé se uun xno̱ yuvii̱ roꞌ, cheꞌé dan ꞌyaj ndoꞌo nij yuvii̱ cacunꞌ chiꞌi̱i̱ ndoꞌo ado̱nj. Tana̱nj ꞌo̱ cu̱nuû Nimán Yaꞌanj nimán soj á.

Filipenses 1:25

ne̱ cheꞌé dan neꞌén ꞌu̱nj se vaa se̱ guun cavi̱ꞌ ꞌu̱nj cuano̱ maꞌ. Ma̱an se quina̱j ꞌu̱nj ga̱ soj doj, ne̱ ra̱cuíj ꞌu̱nj man soj, ne̱ sa̱ꞌ doj canoco̱ꞌ soj Yaꞌanj, qui̱ꞌyáj ado̱nj. Nda̱a síj, ga̱a ne̱ gu̱un niha̱ꞌ ya̱ doj rá nimán soj rihaan Yaꞌanj ado̱nj.

1 Tesalonicenses 5:16

Niga̱nj ga̱a̱ niha̱ꞌ rá nimán soj,

1 Pedro 1:8

Ne̱ Jesucristó me se nda̱ꞌ se ne queneꞌe̱n rihaan soj man soꞌ, tza̱j ne̱ aráj cochro̱j soj rihaan soꞌ ado̱nj. Ne neꞌen rihaan soj man soꞌ nihánj cuano̱, tza̱j ne̱ cheꞌé se cuchumán ya̱ rá soj niꞌya̱j soj man soꞌ roꞌ, cheꞌé dan niꞌndaj ya̱ guun niha̱ꞌ uxrá ya̱ rá nimán soj ado̱nj.

1 Juan 1:4

Ne̱ achrón núj nana̱ nihánj rihaan yanj naya̱a̱ soj, cheꞌé rej caꞌve̱e gu̱un niha̱ꞌ uxrá ya̱ rá nimán ta̱ranꞌ níꞌ ado̱nj.

2 Juan 1:12

Vaa ndoꞌo nana̱ me rá ꞌu̱nj cata̱j xnaꞌanj ꞌu̱nj rihaan soj, tza̱j ne̱ naꞌvej rá ꞌu̱nj cachro̱n ꞌu̱nj cunuda̱nj nij nana̱ rihaan yanj maꞌ. Tza̱j ne̱ me raj cuchi̱j rihaan soj, ga̱a ne̱ caꞌve̱e caꞌmi̱i̱ rihaan tuviꞌ ya̱ níꞌ, ga̱a ne̱ gu̱un niha̱ꞌ uxrá rá nimán níꞌ ga̱a nari̱ꞌ tuviꞌ níꞌ chugua̱nj.