San Juan 15:10 - Triqui de San Juan Copala

¹⁰ Sese ꞌyaj soj suun aꞌnej rihaan soj, ne̱ ꞌo̱ ga̱a̱ ꞌe̱e̱ raj man soj a. Veé da̱nj ꞌyáá ꞌu̱nj, ne̱ ꞌyáá ꞌu̱nj suun aꞌneꞌ Réj Yaꞌanj rihanj, ne̱ ꞌo̱ ꞌe̱e̱ rá soꞌ manj ado̱nj.

San Juan 15:10 Iomraidhean Croise

San Juan 10:18

Taj va̱j síí rquee̱ manj cavi̱j maꞌ. ꞌO̱ se ma̱ꞌanj aꞌnéé nimanj cavi̱j na̱nj á. Dan me se ꞌu̱nj me síí no̱ xcúún caꞌne̱j nimanj cavi̱j, ne̱ ꞌu̱nj me síí no̱ xcúún cunu̱u iꞌna̱ꞌ uún ado̱nj. Nihánj me suun caꞌneꞌ Réj Yaꞌanj rihanj na̱nj ado̱nj ―taj Jesús rihaan nij soꞌ a.

San Juan 12:49

Ne̱ ꞌu̱nj nihánj me se né ina̱nj nana̱ cavii raj me nana̱ caꞌmij maꞌ. ꞌO̱ se Réj síí caꞌnéé manj me síí caꞌneꞌ suun rihanj da̱j caꞌmi̱j na̱nj á.

San Juan 14:15

’Sese ya̱ ya̱ aráj cochro̱j soj rihanj, ne̱ quiꞌya̱j soj nda̱a vaa caꞌnéꞌ ꞌu̱nj suun rihaan soj a.

San Juan 14:21

Síí nariꞌ nij suun caꞌnéꞌ ꞌu̱nj ne̱ uno nij suun yoꞌ roꞌ, me síí ya̱ ya̱ aráj cochro̱j rihanj chugua̱nj. Ne̱ cunu̱u ꞌe̱e̱ rá Réj Yaꞌanj man síí aráj cochro̱j rihanj, ne̱ ga̱a̱ ꞌe̱e̱ rá ma̱ꞌanj man soꞌ, ne̱ queneꞌe̱n soꞌ manj, qui̱ꞌyáj ado̱nj ―taj Jesús rihaan nij síí tucuꞌyón snana̱ soꞌ a.

San Juan 14:23

Ga̱a ne̱ cataj Jesús rihaan soꞌ a: ―Síí aráj cochro̱j rihanj me se cuno̱ soꞌ snana̱j, ne̱ cunu̱u ꞌe̱e̱ rá Réj Yaꞌanj man soꞌ, ga̱a ne̱ cuchi̱ꞌ rój rihaan soꞌ, ne̱ ꞌo̱ ca̱yáán rój ga̱ soꞌ ado̱nj.

San Juan 14:31

Tza̱j ne̱ me rá ꞌu̱nj queneꞌe̱n nij síí noco̱ꞌ se‑chre̱j chumii̱ nihánj se vaa aráj co̱chróó ꞌu̱nj rihaan Réj Yaꞌanj, ne̱ cheꞌé dan qui̱ꞌyáj nda̱a vaa caꞌneꞌ soꞌ suun rihanj ado̱nj. Canicu̱nꞌ caya̱ soj, ne̱ cavi̱i̱ níꞌ caꞌa̱nj níꞌ á ―taj Jesús rihaan nij síí tucuꞌyón snana̱ soꞌ a.

San Juan 17:4

’Dan me se a̱j quiꞌyáj nu̱ꞌ suun caꞌnéꞌ so̱ꞌ rihanj, ne̱ cheꞌé dan a̱j sa̱ꞌ uxrá caꞌmii nij yuvii̱ ma̱n rihaan chumii̱ nihánj cheꞌé so̱ꞌ na̱nj ado̱nj.

San Juan 4:34

Ga̱a ne̱ cataj Jesús rihaan nij soꞌ a: ―Sese ꞌyáá ꞌu̱nj nda̱a vaa me rá síí caꞌnéé manj qui̱ꞌyáj, ne̱ sese navij quisíj suun caꞌneꞌ soꞌ rihanj, ne̱ ase vaa se chá vaa yoꞌ rihanj ado̱nj.

San Juan 8:29

Ne̱ soꞌ me síí caꞌnéé manj rihaan soj, ne̱ ꞌo̱ nicunꞌ soꞌ ga̱ ꞌu̱nj, ne̱ a̱ doj ne ta̱náj yaníj soꞌ manj a̱ maꞌ. ꞌO̱ se ꞌyáá ꞌu̱nj ina̱nj se vaa me rá maꞌa̱n soꞌ qui̱ꞌyáj ado̱nj ―taj Jesús rihaan nij soꞌ a.

San Juan 8:55

tza̱j ne̱ ne neꞌen uxrá soj man soꞌ a̱ maꞌ. Tza̱j ne̱ ꞌu̱nj me síí neꞌen man soꞌ ado̱nj. Dan me se sese cata̱j ꞌu̱nj se vaa ne neꞌenj man soꞌ, ne̱ tuviꞌ soj síí ne̱ mej na̱nj á. Tza̱j ne̱ ya̱ ya̱ neꞌenj man soꞌ, ne̱ noco̱ꞌ ꞌu̱nj snana̱ soꞌ chugua̱nj.

1 Corintios 7:19

Dan me se caꞌve̱e se ta̱j taꞌngaꞌ man níꞌ, caꞌve̱e se nuviꞌ taꞌngaꞌ táá man níꞌ, caꞌve̱e, tza̱j ne̱ taj se ꞌyaj maꞌ. Tana̱nj no̱ xcúún níꞌ cuno̱ níꞌ nij suun caꞌneꞌ Yaꞌanj rihaan níꞌ na̱nj ado̱nj.

1 Tesalonicenses 4:1

Ya̱j me se cheꞌé se si̱j a̱j noco̱ꞌ man Jesús Si̱j ꞌNi̱j Raꞌa man níꞌ me nu̱ꞌ níꞌ roꞌ, cheꞌé dan cuano̱ nihánj me cata̱j xnaꞌanj núj rihaan soj se vaa doj a̱ doj a̱ canoco̱ꞌ soj nu̱ꞌ tucuáán cuchruj núj rihaan soj ga̱a cataj núj da̱j quiꞌya̱j soj ga̱a mán soj rihaan chumii̱ nihánj ga̱a ne̱ cara̱nꞌ rá Yaꞌanj ni̱ꞌyaj Yaꞌanj man soj, tinu̱j, nocoj.

Hebreos 7:26

Dan me se vaa cheꞌé ndoꞌo guun soꞌ xrej ata̱ suun noco̱o doj cheꞌé níꞌ ado̱nj. ꞌO̱ se síí gue̱e̱ ya̱ me soꞌ, ne̱ taj va̱j a̱ doj cacunꞌ tumé soꞌ maꞌ. ꞌO̱ se síí sa̱ꞌ ina̱nj nimán me soꞌ, ne̱ ga̱nꞌ uxrá yáán soꞌ ga̱ níꞌ si̱j tumé cacunꞌ na̱nj ado̱nj. Dan me se xta̱ꞌ doj yáán soꞌ rihaan nu̱ꞌ rej xta̱ꞌ na̱nj ado̱nj.

2 Pedro 2:21

Cavi̱i̱ sa̱ꞌ nij soꞌ doj sese ne queneꞌe̱n nij soꞌ stucua̱nj Yaꞌanj tucuáán nica̱ se vaa ya̱j queneꞌen nij soꞌ stucua̱nj Yaꞌanj, ga̱a ne̱ nanica̱j uún nij soꞌ tanáj nij soꞌ tucuáán gue̱e̱ nagoꞌ Yaꞌanj man nij soꞌ tza̱j ado̱nj.

1 Juan 2:3

Dan me se nihánj me rej neꞌen níꞌ se vaa si̱j noco̱ꞌ man Cristó me níꞌ a. Dan me se sese uno níꞌ suun caꞌneꞌ Jesucristó rihaan níꞌ, ne̱ si̱j noco̱ꞌ ya̱ man soꞌ me níꞌ ado̱nj.

1 Juan 2:5

Tza̱j ne̱ síí uno snana̱ Cristó roꞌ, soꞌ me síí ya̱ ya̱ aráj cochro̱j rihaan Yaꞌanj chugua̱nj. Cheꞌé dan, sese quiꞌya̱j níꞌ da̱nj, ne̱ caꞌve̱e gu̱un ya̱ rá níꞌ se vaa si̱j noco̱ꞌ man Cristó me níꞌ ado̱nj.

1 Juan 2:6

Ne̱ síí taj se vaa ꞌo̱ nocoꞌ soꞌ man Cristó roꞌ, ase vaa quiꞌyaj Jesús, da̱nj ina̱nj nó xcúún soꞌ quiꞌya̱j maꞌa̱n soꞌ uún ado̱nj.

1 Juan 5:3

Ne̱ sese uno níꞌ nij suun caꞌneꞌ Yaꞌanj cuno̱ níꞌ, ne̱ si̱j aráj cochro̱j rihaan Yaꞌanj me níꞌ chugua̱nj. Ne̱ ne sayu̱u̱n vaa cuno̱ níꞌ nij suun caꞌneꞌ Yaꞌanj rihaan níꞌ maꞌ.

Apocalipsis 22:14

Cavi̱i̱ sa̱ꞌ uxrá nij síí náán saga̱nꞌ ne̱ navij cacunꞌ ata̱ nij soꞌ a. ꞌO̱ se cuno̱ xcúún nij soꞌ cha̱ nij soꞌ chruj ma̱n raa̱ chruun ꞌyaj ga̱a̱ iꞌna̱ꞌ yuvii̱ nu̱ꞌ cavii nu̱ꞌ caꞌanj, ne̱ catu̱u̱ nij soꞌ taꞌyaa ta̱j tuꞌva chumanꞌ yoꞌ a.