San Juan 14:9 - Triqui de San Juan Copala

⁹ Ga̱a ne̱ cataj Jesús rihaan Felipé a: ―Felipe, síj queꞌe̱e̱ ndoꞌo güii cachéé ꞌu̱nj ga̱ nij soj, ne̱ me cheꞌé ne que̱neꞌén so̱ꞌ manj ga̱. Xa̱ꞌ síí neꞌen manj, tza̱j ne̱ soꞌ me síí neꞌen Réj Yaꞌanj ado̱nj. Asa̱ꞌ caꞌvee cataj so̱ꞌ se vaa me rá so̱ꞌ ti̱haán ꞌu̱nj man Réj Yaꞌanj rihaan so̱ꞌ ga̱.

San Juan 14:9 Iomraidhean Croise

San Marcos 9:19

Ga̱a ne̱ cataj Jesús rihaan nij yuvii̱ a: ―Dan me se síí ne amán rá me soj si̱j ma̱n rihaan chumii̱ nihánj cuano̱, ne̱ a̱ me daj cache̱j ga̱ soj, ne̱ a̱ me daj ga̱a̱ naj nimanj ni̱ꞌyaj ꞌu̱nj man soj ga̱. Ni̱caj soj man xnii caꞌna̱ꞌ soj rihanj cuaj á ―taj Jesús a.

San Lucas 12:56

Dan me se xa̱ꞌ soj si̱j nucuiꞌ rá me se síí sa̱ꞌ me soj taj soj, tza̱j ne̱ tuꞌva rmaꞌa̱n soj na̱nj ado̱nj. ꞌO̱ se neꞌen soj xca̱j soj cuentá cheꞌé se vaa rihaan chumii̱ do̱ꞌ, cheꞌé se vaa rej xta̱ꞌ do̱ꞌ, tza̱j ne̱ ne neꞌen soj xca̱j soj cuentá cheꞌé tiempó ma̱n soj cuano̱ maꞌ.

San Juan 1:14

Ga̱a ne̱ guun snana̱ Yaꞌanj yoꞌ yuvii̱, ne̱ cayáán soꞌ scaꞌnúj níꞌ, ne̱ queneꞌen núj se vaa niꞌndaj ya̱ sa̱ꞌ veꞌé vaa soꞌ, cheꞌé se o̱rúnꞌ Taꞌníí Rej soꞌ Yaꞌanj me soꞌ a. Ne̱ soꞌ me se uxrá ꞌyaj soꞌ se lu̱j do̱ꞌ, aꞌmii soꞌ nana̱ ya̱ do̱ꞌ ado̱nj.

San Juan 10:30

ꞌO̱ se ase vaa o̱rúnꞌ yuvii̱ vaa ꞌu̱nj ga̱ Réj ado̱nj ―taj Jesús rihaan nij soꞌ a.

San Juan 12:45

Ne̱ xa̱ꞌ síí acaj cuentá cheꞌej, tza̱j ne̱ soꞌ me síí acaj cuentá cheꞌé síí caꞌnéé manj rihaan chumii̱ nihánj ado̱nj.

San Juan 14:20

’Asa̱ꞌ queneꞌen soj manj ne̱ queneꞌe̱n soj se vaa cuya̱a̱n vaa rá ꞌu̱nj ga̱ Réj, ne̱ cuya̱a̱n ga̱a̱ rá soj ga̱ ꞌu̱nj, ne̱ cuya̱a̱n ga̱a̱ rá ꞌu̱nj ga̱ soj na̱nj ado̱nj.

San Juan 14:7

Sese neꞌen ya̱ soj manj, ne̱ a̱j neꞌen soj man Réj Yaꞌanj ado̱nj. Dan me se asi̱j cuano̱ roꞌ, neꞌen soj man soꞌ na̱nj ado̱nj ―taj Jesús rihaan Tomás a.

San Juan 8:19

Cheꞌé dan xnáꞌanj nij soꞌ man Jesús, cataj nij soꞌ a: ―Me rej ne réé so̱ꞌ ga̱ ―taj nij soꞌ a. Ga̱a ne̱ cataj Jesús a: ―Ne neꞌen uxrá soj manj do̱ꞌ, man Réj do̱ꞌ maꞌ. ꞌO̱ se sese neꞌen ya̱ soj manj, ne̱ neꞌen soj man Réj uún tza̱j ado̱nj ―taj Jesús rihaan nij soꞌ a.

1 Corintios 15:12

Dan me se neꞌen soj se vaa aꞌmii natáj núj se vaa cunuu iꞌna̱ꞌ uún Cristó ga̱a caviꞌ soꞌ, ne̱ me cheꞌé taj taꞌa̱j yuvii̱ ꞌni̱j scaꞌnúj soj se vaa se̱ caꞌvee cunu̱u iꞌna̱ꞌ uún nij síí caviꞌ ga̱.

Filipenses 2:6

Nda̱ꞌ se Yaꞌanj ya̱ me Cristó, ne̱ soꞌ me síí no̱ xcúún gu̱un chij ndoꞌo, tza̱j ne̱ ne gu̱un na̱nj rá soꞌ gu̱un chij soꞌ maꞌ.

Colosenses 1:15

Ne ruviꞌ Yaꞌanj niꞌya̱j yuvii̱ maꞌ. Ma̱an se queneꞌen níꞌ man Cristó, ne̱ xcaj níꞌ cuentá da̱j vaa maꞌa̱n Yaꞌanj ado̱nj. Asi̱j ataa quiꞌya̱j Yaꞌanj chumii̱, ne̱ a̱j nicu̱nꞌ Cristó ga̱ soꞌ ado̱nj.

Hebreos 1:3

Ne̱ ase vaa maꞌa̱n Yaꞌanj roꞌ, da̱nj vaa soꞌ chugua̱nj. Dan me se ga̱a niꞌya̱j níꞌ man soꞌ, ne̱ xcaj níꞌ cuentá se vaa niꞌndaj ya̱ sa̱ꞌ veꞌé vaa Yaꞌanj, ne̱ xcaj ya̱ níꞌ cuentá da̱j vaa maꞌa̱n Yaꞌanj ado̱nj. Ne̱ cheꞌé se si̱j nucua̱j ndoꞌo me soꞌ roꞌ, cheꞌé dan ma̱an nana̱ avii u̱u̱n tuꞌva soꞌ, ne̱ ꞌo̱ mán chre̱ꞌ nu̱ꞌ rasu̱u̱n ꞌyaj soꞌ a. Ga̱a quisíj tinavij soꞌ cacunꞌ tumé níꞌ, ga̱a ne̱ caꞌanj ca̱yáán soꞌ rej xta̱ꞌ ndoꞌo rej xꞌnu̱j Yaꞌanj, ne̱ rej nuva̱ꞌ Yaꞌanj rej sa̱ꞌ doj yáán soꞌ cuano̱ ado̱nj.

1 Juan 5:20

Ne̱ neꞌen níꞌ se vaa a̱j caꞌnaꞌ Taꞌníí Yaꞌanj, ne̱ caꞌvee xcaj níꞌ cuentá cheꞌé Yaꞌanj ya̱ quiꞌyaj Taꞌníí Yaꞌanj, ne̱ neꞌen níꞌ se vaa me níꞌ síí noco̱ꞌ man maꞌa̱n ya̱ Taꞌníí soꞌ Jesucristó, ne̱ Jesucristó roꞌ, maꞌa̱n Yaꞌanj ya̱ me soꞌ, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.