San Juan 14:14 - Triqui de San Juan Copala

¹⁴ Sese cachi̱nj soj ꞌo̱ rasu̱u̱n rihanj cheꞌé se‑chu̱vií ꞌu̱nj, ne̱ veé da̱nj qui̱ꞌyáj ado̱nj.

San Juan 14:14 Iomraidhean Croise

San Juan 14:13

’Ne̱ me maꞌa̱n rasu̱u̱n cachi̱nj soj cheꞌé se‑chu̱vií ꞌu̱nj, ne̱ nu̱ꞌ yoꞌ qui̱ꞌyáj cheꞌé soj ado̱nj. Nda̱a síj, ga̱a ne̱ veꞌé uxrá caꞌmi̱i̱ nii cheꞌé Réj Yaꞌanj, qui̱ꞌyáj na̱nj ado̱nj.

San Juan 14:16

Ga̱a ne̱ cachi̱nj niꞌya̱j ma̱ꞌanj rihaan Réj Yaꞌanj, ga̱a ne̱ caꞌne̱j soꞌ ꞌó síí cuchi̱ꞌ rihaan soj, ne̱ ra̱cuíj ndoꞌo soꞌ man soj, ne̱ ca̱yáán soꞌ ga̱ soj nu̱ꞌ cavii nu̱ꞌ caꞌanj a.

San Juan 15:16

’Ne nari̱i̱ soj manj a̱ maꞌ. Tana̱nj ma̱ꞌán ꞌu̱nj narii man soj ne̱ cunéꞌ ꞌu̱nj man soj, yan cavi̱i̱ soj quiꞌya̱j ndoꞌo soj se vaa me rá Yaꞌanj quiꞌya̱j soj, ne̱ se̱ navij suun sa̱ꞌ ꞌyaj soj daj chiha̱a̱ míj maꞌ. Ne̱ cheꞌé se cunéꞌ ꞌu̱nj man soj, cheꞌé dan me maꞌa̱n rasu̱u̱n cachi̱nj soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ rasu̱u̱n yoꞌ man soj ado̱nj.

San Juan 16:23

’Ne̱ güii dan me se se̱ xnáꞌanj soj a̱ doj nana̱ manj a̱ maꞌ. Ya̱ ya̱ cata̱j xnaꞌanj ꞌu̱nj rihaan soj cuano̱ se vaa me maꞌa̱n rasu̱u̱n cachi̱nj niꞌya̱j soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ nu̱ꞌ yoꞌ man soj ado̱nj.

San Juan 16:24

Dan me se nda̱ꞌ se si̱j noco̱ꞌ manj me soj, tza̱j ne̱ ga̱a rque̱ me se ne cachi̱nj niꞌya̱j soj a̱ doj rasu̱u̱n rihaan Yaꞌanj cheꞌé se‑chu̱vií ꞌu̱nj maꞌ. Cachi̱nj niꞌya̱j soj, ne̱ quiri̱ꞌ soj á. Nda̱a síj, ga̱a ne̱ ga̱a̱ niha̱ꞌ uxrá rá nimán soj ado̱nj ―taj Jesús rihaan nij síí tucuꞌyón snana̱ soꞌ a.

1 Corintios 1:4

Niga̱nj taj ꞌu̱nj guun niꞌya̱j níꞌ rihaan Yaꞌanj cheꞌé nij soj cheꞌé se lu̱j quiꞌyaj Yaꞌanj cheꞌé soj cheꞌé se noco̱ꞌ soj man Cristó Jesús ado̱nj.