San Juan 14:13 - Triqui de San Juan Copala

¹³ ’Ne̱ me maꞌa̱n rasu̱u̱n cachi̱nj soj cheꞌé se‑chu̱vií ꞌu̱nj, ne̱ nu̱ꞌ yoꞌ qui̱ꞌyáj cheꞌé soj ado̱nj. Nda̱a síj, ga̱a ne̱ veꞌé uxrá caꞌmi̱i̱ nii cheꞌé Réj Yaꞌanj, qui̱ꞌyáj na̱nj ado̱nj.

San Juan 14:13 Iomraidhean Croise

San Mateo 21:22

Ne̱ nu̱ꞌ se vaa cachi̱nj niꞌya̱j soj rihaan Yaꞌanj roꞌ, rque̱ Yaꞌanj rihaan soj, sese ya̱ ya̱ cuchuma̱n rá soj na̱nj ado̱nj ―taj Jesús a.

San Mateo 7:7

’Cachi̱nj soj se vaa achiin man soj rihaan Yaꞌanj, ne̱ soꞌ me síí rque̱ man soj, ne̱ nano̱ꞌ soj rasu̱u̱n achiin man soj, ne̱ nari̱ꞌ soj rasu̱u̱n yoꞌ, ne̱ ase vaa ꞌyaj síí ticaꞌmii taꞌyaa tucuá tuviꞌ roꞌ, da̱nj quiꞌya̱j soj ga̱ Yaꞌanj, ne̱ caꞌnu̱u̱ Yaꞌanj taꞌyaa yoꞌ, ne̱ rque̱ Yaꞌanj rasu̱u̱n achiin man soj ado̱nj.

San Marcos 11:24

Cheꞌé dan cata̱j xnaꞌanj ꞌu̱nj rihaan soj se vaa nu̱ꞌ se vaa cachi̱nj niꞌya̱j soj rihaan Yaꞌanj roꞌ, sese cuchuma̱n rá soj se vaa ya̱ quiꞌya̱j Yaꞌanj da̱nj cheꞌé soj, ne̱ ya̱ ya̱ gu̱un nda̱a vaa cachíín niꞌya̱j soj ado̱nj.

San Lucas 11:9

’Ne̱ ꞌu̱nj nihánj me síí taj xnaꞌanj rihaan soj se vaa cachi̱nj soj se vaa achiin man soj rihaan Yaꞌanj, ne̱ soꞌ me síí rque̱ man soj, ne̱ nano̱ꞌ soj rasu̱u̱n achiin man soj, ne̱ nari̱ꞌ soj rasu̱u̱n yoꞌ, ne̱ ase vaa ꞌyaj síí ticaꞌmii taꞌyaa tucuá tuviꞌ roꞌ, da̱nj quiꞌya̱j soj ga̱ Yaꞌanj, ne̱ caꞌnu̱u̱ Yaꞌanj taꞌyaa yoꞌ, ne̱ rque̱ Yaꞌanj rasu̱u̱n achiin man soj ado̱nj.

San Juan 10:30

ꞌO̱ se ase vaa o̱rúnꞌ yuvii̱ vaa ꞌu̱nj ga̱ Réj ado̱nj ―taj Jesús rihaan nij soꞌ a.

San Juan 12:44

Ne̱ sca̱ꞌ ndoꞌo caꞌmii Jesús, cataj soꞌ a: ―Xa̱ꞌ síí amán rá niꞌya̱j manj, tza̱j ne̱ né ina̱nj ma̱ꞌanj me síí amán rá soꞌ niꞌya̱j soꞌ man maꞌ. ꞌO̱ se amán rá soꞌ niꞌya̱j soꞌ man síí caꞌnéé manj rihaan chumii̱ nihánj ado̱nj.

San Juan 13:31

Cheꞌé dan ga̱a quisíj curiha̱nj Judas, ne̱ cataj Jesús rihaan ꞌó da̱nj nij soꞌ a: ―Da̱j doj queneꞌe̱n yuvii̱ se vaa niꞌndaj ya̱ sa̱ꞌ veꞌé vaa ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ cheꞌé dan queneꞌe̱n nij yuvii̱ se vaa niꞌndaj ya̱ sa̱ꞌ veꞌé vaa maꞌa̱n Yaꞌanj ado̱nj.

San Juan 14:14

Sese cachi̱nj soj ꞌo̱ rasu̱u̱n rihanj cheꞌé se‑chu̱vií ꞌu̱nj, ne̱ veé da̱nj qui̱ꞌyáj ado̱nj.

San Juan 14:6

Ga̱a ne̱ cataj Jesús rihaan soꞌ a: ―Ma̱ꞌanj me guun chrej rihaan soj, ne̱ ma̱ꞌanj me nana̱ ya̱ cuno̱ soj, ne̱ ma̱ꞌanj me síí quiꞌya̱j ga̱a̱ iꞌna̱ꞌ nimán soj ado̱nj. Sese se̱ caꞌvej rá ꞌo̱ soꞌ canoco̱ꞌ soꞌ manj, ne̱ daj chiha̱a̱ míj se̱ cuchiꞌ soꞌ rihaan Réj Yaꞌanj a̱ maꞌ.

San Juan 15:16

’Ne nari̱i̱ soj manj a̱ maꞌ. Tana̱nj ma̱ꞌán ꞌu̱nj narii man soj ne̱ cunéꞌ ꞌu̱nj man soj, yan cavi̱i̱ soj quiꞌya̱j ndoꞌo soj se vaa me rá Yaꞌanj quiꞌya̱j soj, ne̱ se̱ navij suun sa̱ꞌ ꞌyaj soj daj chiha̱a̱ míj maꞌ. Ne̱ cheꞌé se cunéꞌ ꞌu̱nj man soj, cheꞌé dan me maꞌa̱n rasu̱u̱n cachi̱nj soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ rasu̱u̱n yoꞌ man soj ado̱nj.

San Juan 15:7

’Tza̱j ne̱ sese ꞌo̱ cu̱nuû rá nimán soj manj, ne̱ sese ꞌo̱ cu̱nuû snana̱j nimán soj, ne̱ caꞌve̱e se me maꞌa̱n rasu̱u̱n gu̱un rá soj cachi̱nj soj rihanj, ne̱ rque̱j man soj chugua̱nj.

San Juan 16:23

’Ne̱ güii dan me se se̱ xnáꞌanj soj a̱ doj nana̱ manj a̱ maꞌ. Ya̱ ya̱ cata̱j xnaꞌanj ꞌu̱nj rihaan soj cuano̱ se vaa me maꞌa̱n rasu̱u̱n cachi̱nj niꞌya̱j soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ nu̱ꞌ yoꞌ man soj ado̱nj.

San Juan 16:26

Ne̱ güii dan me se cachi̱nj niꞌya̱j soj rasu̱u̱n rihaan Réj Yaꞌanj cheꞌé se‑chu̱vij, ne̱ taj cheꞌé cata̱j ꞌu̱nj rihaan soj se vaa ma̱ꞌanj cachi̱nj niꞌya̱j rihaan Réj cheꞌé soj a̱ maꞌ.

San Juan 16:7

Tza̱j ne̱ ya̱ vaa nana̱ nihánj nana̱ cata̱j xnaꞌanj ꞌu̱nj rihaan soj, se vaa cavi̱i̱ sa̱ꞌ soj doj cheꞌé se caꞌa̱nj ꞌu̱nj ado̱nj. ꞌO̱ se sese se̱ caꞌanj ꞌu̱nj, ne̱ se̱ caꞌnaꞌ Nimán Yaꞌanj síí ra̱cuíj ndoꞌo man soj maꞌ. Tza̱j ne̱ sese caꞌa̱nj ꞌu̱nj, ne̱ caꞌne̱j ꞌu̱nj man soꞌ rihaan soj ado̱nj.

San Juan 4:10

Ga̱a ne̱ cataj Jesús rihaan noꞌ a: ―Sese xcaj so̱ꞌ cuentá cheꞌé se lu̱j quiꞌya̱j Yaꞌanj cheꞌé so̱ꞌ ne̱ sese queneꞌén so̱ꞌ me síí achíín na mán so̱ꞌ cuano̱, ne̱ cachíín so̱ꞌ na ꞌyaj vaa iꞌna̱ꞌ yuvii̱ man soꞌ coꞌo̱ so̱ꞌ, ne̱ rqué soꞌ na yoꞌ coꞌo so̱ꞌ tza̱j ado̱nj ―taj Jesús rihaan chana̱ yoꞌ a.

San Juan 4:14

Tza̱j ne̱ síí coꞌo̱ na rque̱ ꞌu̱nj nihánj me se daj chiha̱a̱ míj se̱ canacoo̱ uún soꞌ na yoꞌ a̱ maꞌ. Ase vaa rej veꞌé uxrá avii na roꞌ, da̱nj ga̱a̱ nimán soꞌ, ne̱ cu̱nuû uxrá se lu̱j nimán soꞌ, ne̱ ga̱a̱ iꞌna̱ꞌ soꞌ ga̱ Yaꞌanj nu̱ꞌ cavii nu̱ꞌ caꞌanj, quiꞌya̱j na rque̱j ado̱nj ―taj Jesús rihaan chana̱ yoꞌ a.

San Juan 5:19

Cheꞌé dan cataj Jesús rihaan nij soꞌ a: ―Dan me se cata̱j xnaꞌanj yá yá ꞌu̱nj rihaan soj a. Dan me se ase vaa xnii rihaan rej xnii roꞌ, da̱nj vaa ꞌu̱nj si̱j Taꞌni̱j Yaꞌanj nihánj rihaan Réj Yaꞌanj, ne̱ ne uun nu̱cuáá ꞌu̱nj ꞌyáá ꞌu̱nj se vaa rii nimán ma̱ꞌanj maꞌ. ꞌO̱ se ina̱nj ꞌyáá ꞌu̱nj nda̱a vaa ꞌyaj Réj Yaꞌanj neꞌenj a. Ne̱ ase vaa ꞌyaj gue̱e̱ soꞌ roꞌ, veé da̱nj vaa gue̱e̱ ꞌyáá ꞌu̱nj uún ado̱nj.

San Juan 7:37

Dan me se ga̱a güii navi̱j chaꞌanj, güii noco̱o doj, ne̱ canicunꞌ Jesús, ne̱ cataj soꞌ a: ―Sese ase vaa síí nacoo̱ ndoꞌo na vaa soj, ne̱ caꞌna̱ꞌ soj rihanj, ne̱ rque̱j na achiin ya̱ man soj á.

1 Corintios 14:13

Cheꞌé dan me sese vaa ꞌo̱ tinúú soj síí aꞌmii xnaꞌánj naca̱, ne̱ no̱ xcúún soꞌ cachi̱nj niꞌya̱j soꞌ rihaan Yaꞌanj se vaa gu̱un nucua̱j soꞌ cata̱j xnaꞌanj soꞌ me se me raj cata̱a nana̱ caꞌmi̱i̱ soꞌ rihaan nij yuvii̱ cuno̱ nana̱ yoꞌ ado̱nj.

Efesios 2:18

ꞌO̱ se cheꞌé Cristó me se racuíj Nimán Yaꞌanj man níꞌ, ne̱ cheꞌé dan vaa yaꞌnúj rihaan ta̱ranꞌ níꞌ cachi̱nj niꞌya̱j maꞌa̱n níꞌ rihaan Rej níꞌ Yaꞌanj ado̱nj.

Efesios 3:12

Ne̱ cheꞌé se amán rá níꞌ niꞌya̱j níꞌ Cristó roꞌ, cheꞌé dan caꞌve̱e cachi̱nj niꞌya̱j maꞌa̱n níꞌ rihaan Yaꞌanj, ne̱ taj cheꞌé cuchuꞌvi̱ꞌ níꞌ caꞌmi̱i̱ níꞌ ga̱ Yaꞌanj maꞌ.

Efesios 3:14

Cheꞌé se cavii sa̱ꞌ ndoꞌo nij soj ga̱ núj, cheꞌé dan yáán ru̱j ꞌu̱nj, ne̱ achíín ni̱ꞌyáá ꞌu̱nj rihaan Rej níꞌ Yaꞌanj cheꞌé soj ado̱nj.

Filipenses 4:13

Cheꞌé se rqué ndoꞌo Cristó se nucua̱j manj roꞌ, cheꞌé dan uun nu̱cuáj rihaan me maꞌa̱n rasu̱u̱n ado̱nj.

Colosenses 3:17

Ne̱ quiꞌya̱j soj da̱j me rá Cristó quiꞌya̱j soj do̱ꞌ, caꞌmi̱i̱ soj do̱ꞌ, ne̱ ma̱an cheꞌé se‑chuvi̱i Jesús Si̱j ꞌNi̱j Raꞌa man níꞌ cata̱j soj guun niꞌya̱j níꞌ rihaan Rej níꞌ Yaꞌanj ado̱nj.

Hebreos 13:15

Cheꞌé se vaa quiꞌyaj Jesús roꞌ, cheꞌé dan ꞌo̱ cata̱j níꞌ rihaan Yaꞌanj se vaa síí sa̱ꞌ uxrá me Yaꞌanj na̱nj ado̱nj. Ne̱ dan me se né ina̱nj rasu̱u̱n ma̱n rihaan chumii̱ nihánj me se vaa rque̱ níꞌ man Yaꞌanj maꞌ. ꞌO̱ se nana̱ sa̱ꞌ avii tuꞌva níꞌ me se vaa rque̱ níꞌ man soꞌ ado̱nj.

Hebreos 4:15

ꞌO̱ se né xre̱j ne neꞌen da̱j vaa sayuun ranꞌ níꞌ me soꞌ maꞌ. ꞌO̱ se a̱j neꞌen soꞌ da̱j vaa chrej chiꞌi̱i̱ ꞌnaꞌ rihaan níꞌ ado̱nj. Cheꞌé dan cunuu ꞌe̱e̱ rá soꞌ man níꞌ ga̱a nina̱j níꞌ rihaan sayuun ado̱nj. Dan me se ase vaa maꞌa̱n níꞌ roꞌ, vaa soꞌ, ne̱ ase vaa sayuun ꞌnaꞌ rihaan níꞌ roꞌ, da̱nj vaa sayuun caꞌnaꞌ rihaan soꞌ, tza̱j ne̱ ne quiꞌya̱j soꞌ a̱ ꞌó xcoꞌ cacunꞌ maꞌ.

Hebreos 7:25

Dan me se ꞌo̱ vaa iꞌna̱ꞌ Jesús, ne̱ uun nucua̱j soꞌ ti̱nanii soꞌ rihaan sayuun nu̱ꞌ cavii nu̱ꞌ caꞌanj man nij síí uchiꞌ rihaan Yaꞌanj cheꞌé soꞌ ado̱nj. Da̱nj quiꞌya̱j soꞌ cheꞌé se ꞌo̱ vaa iꞌna̱ꞌ soꞌ, ne̱ achíín niꞌya̱j soꞌ rihaan Yaꞌanj cheꞌé nij soꞌ nu̱ꞌ cavii nu̱ꞌ caꞌanj ado̱nj.

Santiago 1:5

Sese ꞌo̱ tuviꞌ maꞌa̱n soj me rá nari̱ꞌ nana̱ cu̱u sa̱ꞌ, ne̱ cachi̱nj niꞌya̱j soꞌ rihaan Yaꞌanj, ne̱ rque̱ Yaꞌanj nana̱ cu̱u sa̱ꞌ yoꞌ man soꞌ chugua̱nj. ꞌO̱ se né si̱j nachriꞌ man síí achíín niꞌya̱j me Yaꞌanj maꞌ. Tana̱nj niha̱ꞌ rá soꞌ ga̱a achíín níꞌ man soꞌ, ne̱ rqué soꞌ nu̱ꞌ se sa̱ꞌ man cunuda̱nj yuvii̱ ado̱nj.

Santiago 5:16

Cheꞌé dan nda̱a ꞌo̱ ꞌo̱ níꞌ nata̱ꞌ ya̱ rihaan tinúú níꞌ cheꞌé cacunꞌ tumé níꞌ, ne̱ nda̱a ꞌo̱ ꞌo̱ níꞌ cachi̱nj niꞌya̱j rihaan Yaꞌanj cheꞌé tuviꞌ níꞌ, ga̱a ne̱ nahu̱un níꞌ, quiꞌya̱j Yaꞌanj a. Sese vaa ꞌo̱ síí vaa nica̱ ya̱ nimán achíín niꞌya̱j uxrá rihaan Yaꞌanj, ne̱ cuno̱ ya̱ Yaꞌanj, ne̱ quiꞌya̱j Yaꞌanj nda̱a vaa cachíín niꞌya̱j soꞌ ado̱nj.

1 Pedro 2:5

Ne̱ ase vaa nij yuvej leꞌe̱j nii nataꞌ xráá yuvej xi̱j roꞌ, da̱nj vaa ta̱ranꞌ soj, sese canoco̱ꞌ xraan soj man Jesucristó, ne̱ veꞌé cuma̱n rcuaꞌa̱a̱n soj, quiꞌya̱j Jesucristó a. Ga̱a ne̱ cunu̱u sa̱ꞌ nimán soj, ga̱a ne̱ ase vaa xrej narii Yaꞌanj cu̱nuû rihaan soꞌ roꞌ, da̱nj ga̱a̱ soj rihaan Yaꞌanj a. Ne̱ ase vaa se sa̱ꞌ rqué nij xrej rihaan Yaꞌanj roꞌ, da̱nj ga̱a̱ se sa̱ꞌ quiꞌya̱j soj cheꞌé Jesucristó, ga̱a ne̱ cara̱nꞌ rá Yaꞌanj se vaa ꞌyaj soj ado̱nj.

1 Juan 3:22

Dan me se me maꞌa̱n rasu̱u̱n cachi̱nj níꞌ rihaan Yaꞌanj, ne̱ rque̱ Yaꞌanj cunuda̱nj se vaa cachi̱nj niꞌya̱j níꞌ rihaan soꞌ, cheꞌé se si̱j uno suun caꞌneꞌ soꞌ me níꞌ, ne̱ uun niha̱ꞌ rá soꞌ niꞌya̱j soꞌ se sa̱ꞌ ꞌyaj níꞌ ado̱nj.

1 Juan 5:14

Ne̱ cuano̱ nihánj me se a̱ doj ne chuꞌviꞌ níꞌ cachi̱nj niꞌya̱j níꞌ ꞌo̱ rasu̱u̱n rihaan Yaꞌanj a̱ maꞌ. ꞌO̱ se a̱j neꞌen ya̱ níꞌ se vaa sese caꞌve̱j rá soꞌ ni̱caj níꞌ rasu̱u̱n cachíín niꞌya̱j níꞌ rihaan soꞌ, ne̱ uno soꞌ ado̱nj.