San Juan 14:1 - Triqui de San Juan Copala

¹ Ga̱a ne̱ cataj Jesús rihaan ta̱ranꞌ nij soꞌ a: ―Caꞌne̱ꞌ rá soj ga̱ suun ꞌnaꞌ xruꞌ nimán á. Cuchuma̱n rá soj ni̱ꞌyaj soj Yaꞌanj, ne̱ cuchuma̱n rá soj ni̱ꞌyaj soj manj á.

San Juan 14:1 Iomraidhean Croise

San Juan 11:33

Dan me se queneꞌen Jesús se vaa taꞌvee noꞌ do̱ꞌ, se vaa taꞌvee nij yuvii̱ israelitá caꞌnaꞌ ga̱ noꞌ do̱ꞌ, ga̱a ne̱ nuu xru̱ꞌ uxrá rá soꞌ ne̱ nanó rá nimán soꞌ,

San Juan 12:27

’Cuano̱ nihánj me se nanó uxrá rá nimanj chugua̱nj. Ne̱ da̱j qui̱ꞌyáj a̱ ranj a. Cachi̱nj ni̱ꞌyáj rihaan Réj se vaa ti̱nanii soꞌ manj rihaan sayuun qui̱ranj cuano̱, rá soj naꞌ. Taj maꞌ. Cheꞌe̱ yan qui̱ránꞌ ꞌu̱nj sayuun caꞌnaj ado̱nj ―taj Jesús a.

San Juan 12:44

Ne̱ sca̱ꞌ ndoꞌo caꞌmii Jesús, cataj soꞌ a: ―Xa̱ꞌ síí amán rá niꞌya̱j manj, tza̱j ne̱ né ina̱nj ma̱ꞌanj me síí amán rá soꞌ niꞌya̱j soꞌ man maꞌ. ꞌO̱ se amán rá soꞌ niꞌya̱j soꞌ man síí caꞌnéé manj rihaan chumii̱ nihánj ado̱nj.

San Juan 13:19

’Asi̱j cuano̱ nihánj cata̱j xnaꞌanj ꞌu̱nj rihaan soj da̱j gu̱un rej riha̱a̱n, ne̱ cuano̱ nihánj me se ataa qui̱ránꞌ ꞌu̱nj se vaa qui̱ranj, tza̱j ne̱ asa̱ꞌ quisíj quiránꞌ ꞌu̱nj yoꞌ, ga̱a ne̱ cuchuma̱n rá soj da̱j si̱j mej ado̱nj.

San Juan 16:24

Dan me se nda̱ꞌ se si̱j noco̱ꞌ manj me soj, tza̱j ne̱ ga̱a rque̱ me se ne cachi̱nj niꞌya̱j soj a̱ doj rasu̱u̱n rihaan Yaꞌanj cheꞌé se‑chu̱vií ꞌu̱nj maꞌ. Cachi̱nj niꞌya̱j soj, ne̱ quiri̱ꞌ soj á. Nda̱a síj, ga̱a ne̱ ga̱a̱ niha̱ꞌ uxrá rá nimán soj ado̱nj ―taj Jesús rihaan nij síí tucuꞌyón snana̱ soꞌ a.

San Juan 16:3

Da̱nj quiꞌya̱j nii, cheꞌé se ne neꞌen uxrá nii man Réj Yaꞌanj do̱ꞌ, man ma̱ꞌanj do̱ꞌ maꞌ.

San Juan 16:6

Tza̱j ne̱ cheꞌé se cataj xnaꞌanj ꞌu̱nj rihaan soj se vaa caꞌa̱nj ꞌu̱nj roꞌ, cheꞌé dan nanó ndoꞌo rá soj ne̱ nu̱u̱ xruꞌ rá nimán soj chugua̱nj.

San Juan 5:23

ne̱ ase vaa aráj cochro̱j yuvii̱ rihaan soꞌ roꞌ, da̱nj ga̱a̱ cara̱a̱ cochro̱j yuvii̱ rihanj ado̱nj. Dan me se síí ne aráj cochro̱j rihanj Si̱j Taꞌni̱j Yaꞌanj me se soꞌ me síí ne aráj cochro̱j rihaan Réj Yaꞌanj síí caꞌnéé manj a̱ maꞌ.

San Juan 6:40

ꞌO̱ se nihánj me se vaa me rá Réj Yaꞌanj na̱nj á. Me rá soꞌ ꞌo̱ ga̱a̱ iꞌna̱ꞌ ta̱ranꞌ nij síí amán rá niꞌya̱j manj nu̱ꞌ cavii nu̱ꞌ caꞌanj ga̱ soꞌ a. Ne̱ ꞌu̱nj me síí quiꞌya̱j cunu̱u iꞌna̱ꞌ uún nij soꞌ asa̱ꞌ quisíj güii caꞌa̱nj niꞌya̱ chumii̱ nihánj ado̱nj ―taj Jesús rihaan nij yuvii̱ a.

2 Corintios 2:7

Ma̱an se cara̱a̱ xꞌnaa soj rihaan soꞌ, ne̱ veé dan quisíj quiꞌyaj soj sayuun man soꞌ na̱nj á. Ta̱dó soj se̱ nanó ndoꞌo rá soꞌ, quiꞌya̱j soj, ne̱ quiri̱ꞌ nimán soꞌ, quiꞌya̱j soj ado̱nj.

Efesios 1:15

Dan me se cunó ꞌu̱nj nana̱ se vaa amán rá nij soj niꞌya̱j soj man Jesús Si̱j ꞌNi̱j Raꞌa man níꞌ, ne̱ cunó ꞌu̱nj nana̱ se vaa ꞌe̱e̱ rá soj man ta̱ranꞌ nij síí noco̱ꞌ man Cristó a. Ne̱ cheꞌé se vaa quiꞌyaj Yaꞌanj cheꞌé níꞌ si̱j noco̱ꞌ man Cristó roꞌ,

2 Tesalonicenses 2:2

se vaa se̱ guun vi̱j raꞌya̱nj rá soj maꞌ. Se̱ caráyaꞌa̱nj soj nana̱ cuno soj se vaa a̱j quisíj güii caꞌna̱ꞌ uún Síí ꞌNi̱j Raꞌa man níꞌ rihaan chumii̱ maꞌ. Né na̱na̱ ya̱ me nana̱ yoꞌ maꞌ. Caꞌve̱e se nana̱ caꞌmii Nimán Yaꞌanj me yoꞌ taj nii, caꞌve̱e se da̱nj aꞌmii ꞌo̱ síí aꞌmii natáj taj nii, caꞌve̱e se nana̱ cachrón núj rihaan ꞌo̱ yanj cartá me yoꞌ taj nii, tza̱j ne̱ se̱ cuchumán rá soj maꞌ.

1 Pedro 1:21

Ne̱ cheꞌé se vaa quiꞌyaj Cristó cheꞌé soj roꞌ, cheꞌé dan amán rá soj niꞌya̱j soj man Yaꞌanj cheꞌé se soꞌ me síí naquiꞌyaj iꞌna̱ꞌ man Cristó, ne̱ soꞌ me síí quiꞌyaj se vaa taj yuvii̱ se vaa niꞌndaj ya̱ sa̱ꞌ cavii Cristó a. Ne̱ cheꞌé se da̱nj quiꞌyaj Yaꞌanj roꞌ, cheꞌé dan amán rá soj niꞌya̱j soj man Yaꞌanj, ne̱ naꞌvi̱j soj quisi̱j güii cavi̱i̱ sa̱ꞌ ndoꞌo soj quiꞌya̱j soꞌ a.