San Juan 13:37 - Triqui de San Juan Copala

³⁷ Ga̱a ne̱ cataj Pedró rihaan soꞌ a: ―Señor, me cheꞌé se̱ guun nu̱cuáj ca̱nocoj mán so̱ꞌ cuano̱ ga̱. ꞌO̱ se caꞌne̱j nimanj cavi̱j cheꞌé so̱ꞌ á ―taj Pedró rihaan Jesús a.

San Juan 13:37 Iomraidhean Croise

San Marcos 10:39

―Gu̱un nucua̱j rój na̱nj ado̱nj ―taj ro̱j soꞌ a. Ga̱a ne̱ cataj Jesús rihaan ro̱j soꞌ a: ―Ya̱ ya̱ quira̱nꞌ ro̱j so̱j sayuun nda̱a vaa qui̱ránꞌ ꞌu̱nj ga̱a na̱nj á.

San Juan 21:15

Dan me se ga̱a quisíj chá ruvá nij soꞌ, ne̱ xnáꞌanj Jesús man Simón Pedró, cataj soꞌ a: ―Cu̱nó so̱ꞌ caꞌmi̱j, Simón taꞌníí Jonás. Doj a̱ ꞌe̱e̱ rá so̱ꞌ manj rihaan nij síí nihánj naꞌ ―taj Jesús, xnáꞌanj soꞌ man Pedró a. ―Neꞌen ma̱ꞌán so̱ꞌ se vaa ꞌe̱e̱ raj mán so̱ꞌ, Señor ―taj Pedró rihaan Jesús a. ―Veꞌé rque̱ so̱ꞌ cha̱ daán ꞌu̱nj matzinj á ―taj Jesús rihaan Pedró a.

Hechos 20:24

Tza̱j ne̱ a̱ doj ne chuꞌvíꞌ ꞌu̱nj sese nda̱a ticavi̱ꞌ nii mán ꞌu̱nj a̱ maꞌ. Tza̱j ne̱ veꞌé ina̱nj me raj ti̱síj suun caꞌneꞌ Jesús Si̱j ꞌNi̱j Raꞌa man níꞌ rihanj, ne̱ cheꞌé dan ꞌo̱ xraan ina̱nj taj xnaꞌanj ꞌu̱nj nana̱ sa̱ꞌ rihaan yuvii̱ cheꞌé se lu̱j ꞌyaj Yaꞌanj cheꞌé ta̱ranꞌ níꞌ a.

Hechos 21:13

Tza̱j ne̱ cataj Pabló a: ―Taj cheꞌé taꞌve̱e soj ne̱ nano̱ rá ꞌu̱nj quiꞌya̱j soj maꞌ. ꞌO̱ se ꞌu̱nj nihánj me se aꞌvej raj nu̱míj nii manj ne̱ nda̱a ticavi̱ꞌ nii manj rej Jerusalén cheꞌé se‑chuvi̱i Jesús Si̱j ꞌNi̱j Raꞌa man níꞌ chugua̱nj ―taj Pabló rihaan nij soꞌ a.