San Juan 13:36 - Triqui de San Juan Copala

³⁶ Ga̱a ne̱ cataj Simón Pedró rihaan Jesús a: ―Señor, me rej caꞌa̱nj so̱ꞌ ga̱ ―taj Pedró, xnáꞌanj soꞌ man Jesús a. Ga̱a ne̱ cataj Jesús a: ―Xa̱ꞌ rej caꞌa̱nj ꞌu̱nj, tza̱j ne̱ se̱ guun nu̱cuáá so̱ꞌ ca̱nocóꞌ so̱ꞌ manj cuano̱ maꞌ. Tza̱j ne̱ vaa güii, ne̱ ca̱nocóꞌ so̱ꞌ manj ado̱nj ―taj soꞌ rihaan Pedró a.

San Juan 13:36 Iomraidhean Croise

San Juan 13:33

Nichrunꞌ navi̱j orá chéé ꞌu̱nj ga̱ soj, na̱nj rej. Dan me se a̱j cataj ꞌu̱nj rihaan nij síí uun chij rihaan nij yuvii̱ israelitá se vaa cavi̱i̱ ꞌu̱nj caꞌa̱nj ꞌu̱nj, ne̱ se̱ guun nucua̱j nij soꞌ cuchi̱ꞌ nij soꞌ rej caꞌa̱nj ꞌu̱nj maꞌ. Ne̱ xa̱ꞌ maꞌa̱n soj, tza̱j ne̱ nano̱ꞌ maꞌa̱n soj manj, ne̱ nihánj me cata̱j xnaꞌanj ꞌu̱nj rihaan soj se vaa se̱ guun nucua̱j maꞌa̱n soj cuchi̱ꞌ maꞌa̱n soj rej caꞌa̱nj ꞌu̱nj a̱ maꞌ.

San Juan 14:2

Tucuá Réj me se vaa ndoꞌo rej ca̱yáán yuvii̱ ado̱nj. Sese ne vaa da̱nj, ne̱ me cheꞌé cataj xnaꞌanj ꞌu̱nj rihaan soj se vaa caꞌa̱nj ꞌu̱nj naquiꞌya̱j sa̱ꞌ ꞌu̱nj rej ca̱yáán maꞌa̱n soj, rá soj ga̱.

San Juan 16:17

Cheꞌé dan xnáꞌanj nij síí tucuꞌyón snana̱ soꞌ man tuviꞌ nij soꞌ, cataj nij soꞌ a: ―Caꞌmii soꞌ nana̱ vaa da̱nj a: “Cache̱n doj, ga̱a ne̱ se̱ queneꞌen soj manj, ne̱ cache̱n doj uún, ga̱a ne̱ queneꞌe̱n uún soj manj, cheꞌé se cavi̱i̱ ꞌu̱nj quina̱nꞌ ꞌu̱nj rej ya̱nj Réj Yaꞌanj a.” Me cheꞌé tuꞌva soꞌ da̱nj, rá soj ga̱ ―taj nij síí tucuꞌyón snana̱ Jesús, xnáꞌanj nij soꞌ man tuviꞌ nij soꞌ a.

San Juan 16:5

Tza̱j ne̱ cuano̱ nihánj me se quina̱nꞌ uún ꞌu̱nj rihaan síí caꞌnéé manj rihaan chumii̱ nihánj, ne̱ me cheꞌé a̱ ꞌó nij soj ne xnáꞌanj manj me rej caꞌa̱nj ꞌu̱nj ga̱.

2 Pedro 1:14

ꞌO̱ se a̱j neꞌenj se vaa nichrunꞌ cavi̱ꞌ ꞌu̱nj, nda̱a vaa cataj Jesucristó Si̱j ꞌNi̱j Raꞌa man níꞌ rihanj,