San Juan 13:33 - Triqui de San Juan Copala

³³ Nichrunꞌ navi̱j orá chéé ꞌu̱nj ga̱ soj, na̱nj rej. Dan me se a̱j cataj ꞌu̱nj rihaan nij síí uun chij rihaan nij yuvii̱ israelitá se vaa cavi̱i̱ ꞌu̱nj caꞌa̱nj ꞌu̱nj, ne̱ se̱ guun nucua̱j nij soꞌ cuchi̱ꞌ nij soꞌ rej caꞌa̱nj ꞌu̱nj maꞌ. Ne̱ xa̱ꞌ maꞌa̱n soj, tza̱j ne̱ nano̱ꞌ maꞌa̱n soj manj, ne̱ nihánj me cata̱j xnaꞌanj ꞌu̱nj rihaan soj se vaa se̱ guun nucua̱j maꞌa̱n soj cuchi̱ꞌ maꞌa̱n soj rej caꞌa̱nj ꞌu̱nj a̱ maꞌ.

San Juan 13:33 Iomraidhean Croise

San Juan 13:36

Ga̱a ne̱ cataj Simón Pedró rihaan Jesús a: ―Señor, me rej caꞌa̱nj so̱ꞌ ga̱ ―taj Pedró, xnáꞌanj soꞌ man Jesús a. Ga̱a ne̱ cataj Jesús a: ―Xa̱ꞌ rej caꞌa̱nj ꞌu̱nj, tza̱j ne̱ se̱ guun nu̱cuáá so̱ꞌ ca̱nocóꞌ so̱ꞌ manj cuano̱ maꞌ. Tza̱j ne̱ vaa güii, ne̱ ca̱nocóꞌ so̱ꞌ manj ado̱nj ―taj soꞌ rihaan Pedró a.

San Juan 14:19

Nichrunꞌ caꞌa̱nj ꞌu̱nj, ne̱ se̱ queneꞌen uún nij síí noco̱ꞌ se‑chre̱j chumii̱ nihánj manj maꞌ. Tza̱j ne̱ queneꞌe̱n maꞌa̱n soj manj, cheꞌé se ꞌo̱ vaa iꞌna̱ꞌ ꞌu̱nj, ne̱ ga̱a̱ iꞌna̱ꞌ nimán soj ado̱nj.

San Juan 14:2

Tucuá Réj me se vaa ndoꞌo rej ca̱yáán yuvii̱ ado̱nj. Sese ne vaa da̱nj, ne̱ me cheꞌé cataj xnaꞌanj ꞌu̱nj rihaan soj se vaa caꞌa̱nj ꞌu̱nj naquiꞌya̱j sa̱ꞌ ꞌu̱nj rej ca̱yáán maꞌa̱n soj, rá soj ga̱.

San Juan 7:36

ꞌO̱ se cataj soꞌ nana̱ nihánj a: “Nano̱ꞌ soj manj, tza̱j ne̱ se̱ nariꞌ soj manj a̱ maꞌ. Ne̱ se̱ guun nucua̱j soj cuchi̱ꞌ soj rej ca̱yáán ꞌu̱nj a̱ maꞌ.” Me cheꞌé tuꞌva soꞌ da̱nj, rá soj ga̱ ―taj nij síí uun chij yoꞌ, xnáꞌanj nij soꞌ man tuviꞌ nij soꞌ a.

Gálatas 4:19

Dan me se ase vaa taꞌníí ꞌu̱nj neꞌej roꞌ, da̱nj vaa nij soj, tinu̱j, nocoj. Cuano̱ nihánj me se uun cheꞌe̱ uún ꞌu̱nj nanó ndoꞌo rá ꞌu̱nj cheꞌé soj nda̱a vaa nanó rá ꞌu̱nj ga̱a rque̱ a. Dan me se ase vaa nanó rá chana̱ nichrunꞌ cuchru̱j neꞌej roꞌ, da̱nj vaa nanó rá ꞌu̱nj cheꞌé soj cuano̱ chugua̱nj. Ne̱ veé ina̱nj da̱nj nanó ndoꞌo rá uún ꞌu̱nj cheꞌé nij soj nda̱a nari̱ꞌ ya̱ ya̱ soj nda̱a vaa quiꞌyaj maꞌa̱n ya̱ Cristó na̱nj á.

1 Juan 2:1

Ase vaa taꞌníí ꞌu̱nj roꞌ, da̱nj vaa soj, tinu̱j, nocoj. Ne̱ achrón ꞌu̱nj nu̱ꞌ nana̱ nihánj rihaan yanj nihánj, cheꞌé rej se̱ quiꞌyaj soj cacunꞌ maꞌ. Dan me se sese quiꞌya̱j níꞌ cacunꞌ, ne̱ vaa ꞌo̱ síí nica̱ ina̱nj nimán aꞌmii yuꞌunj cheꞌé níꞌ rihaan Rej níꞌ Yaꞌanj, ne̱ Jesucristó me soꞌ ado̱nj.

1 Juan 4:4

Tza̱j ne̱ ya̱j nihánj me se síí ya̱ noco̱ꞌ man Yaꞌanj me nij soj, tinu̱j, nocoj. Ne̱ a̱j quiꞌyaj canaán soj rihaan nij síí ne̱ cuano̱ ado̱nj. ꞌO̱ se nu̱u̱ Nimán Yaꞌanj nimán soj, ne̱ nucua̱j doj Nimán Yaꞌanj rihaan Síí Chre̱e va̱j rihaan chumii̱ nihánj chugua̱nj.

1 Juan 5:21

Ase vaa taꞌníj vaa nij soj rihanj, tinu̱j, nocoj. Dan me se cata̱j xnaꞌanj ꞌu̱nj rihaan soj se vaa tu̱mé ndoꞌo soj man soj rihaan yaꞌanj quiꞌyaj maꞌa̱n yuvii̱ á.